സ്നേഹസ്പർശനമായി കൺമുൻപിൽ:A spark of love to open your eyes-228

 228.പരിമിതികളെ അതിജീവിക്കുക.

ഈ ലോകത്ത് ജീവിക്കുന്ന ഏതൊരു മനുഷ്യനും അവരുടെ ജീവിതത്തിൽ എന്തെങ്കിലും പരിമിതികൾ ഉണ്ടാവാതിരിക്കില്ല.നമ്മൾ എല്ലാവരും എല്ലാ കാര്യത്തിലും എല്ലാം തികഞ്ഞവർ അല്ലല്ലോ. അറിവിന്റെ കാര്യത്തിൽ ആയാലും, അനുഭവത്തിന്റെ കാര്യത്തിൽ ആയാലും, കഴിവിന്റെ കാര്യത്തിൽ ആയാലും പരിമിതികൾ നമ്മൾക്കെല്ലാം ധാരാളമുണ്ട്.

മനുഷ്യൻ അവരുടെ കഴിവുകൾ ഉപയോഗിച്ച് പരിമിതികളെ ഒരുപരിധിവരെ ദിനംപ്രതി ഇല്ലാതാക്കി കൊണ്ടിരിക്കുകയാണ്.പരിമിതികൾ മനസ്സിലാക്കിയാൽ മാത്രമേ അത് വേണ്ടവിധത്തിൽ പരിഹരിക്കാൻ സാധിക്കുക.

പരിമിതികൾ നമ്മുടെ ജീവിതത്തിൽ ഒരുപാട് വന്നും പോയികൊണ്ടിരിക്കും. ഓരോ പരിമിതികളെയും അതിജീവിക്കുവാൻ നമ്മുടേതായ പരിശ്രമം വളരെ ആവശ്യമാണ്.ഓരോരുത്തർക്കും പരിമിതികൾക്ക് ഉള്ള കാരണം വ്യത്യാസമാണ്.എന്തെല്ലാം പരിമിതികളെ അതിജീവിച്ചാലാണ് നമ്മൾ എല്ലാവർക്കും മുന്നോട്ട് പോകുവാൻ സാധിക്കുക എന്നത് ഓരോ നിമിഷവും ചിന്തിക്കേണ്ടതാണ്.നമ്മു ടെ പരിമിതികൾ തിരിച്ചറിഞ്ഞു ശരിയായ വിധത്തിൽ പരിഹാരം കണ്ടെത്താൻ നമ്മൾ എല്ലാവർക്കും ഇനിയുള്ള കാലം സാധിക്കട്ടെ.