ഉണർവിൻ പൊൻകിരണങ്ങൾ:The awakening golden rays-102

നമ്മളിൽ പലരും പലപ്പോഴും രക്ഷപ്പെടാൻ വേണ്ടി ചെറിയ കള്ളത്തരം ആണെങ്കിൽ പോലും ഒരുപക്ഷെ കാണിക്കാറുണ്ടായിരിക്കും.

കള്ളത്തരത്തിലൂടെ നേട്ടങ്ങൾ ഒരുപാട് നേടിയാലും അതിന്റെ മറുവശത്തു ഒത്തിരി വേദനയും ദുരിതവും അനുഭവിക്കുന്ന ഒത്തിരി മനുഷ്യർ ഉണ്ടാകും.

കള്ളത്തരത്തിലൂടെ എന്തൊക്കെ നേടിയാലും അതൊന്നും ഒത്തിരി കാലം നിലനിൽക്കുന്നതല്ല.

നിസ്സാരലാഭത്തിനുവേണ്ടി കള്ളത്തരം കാണിക്കുമ്പോൾ അതിലുടെ ഉണ്ടാകുന്ന ഭവിഷത്തു നിസ്സാരമല്ല, അതിന്റെ കാര്യഗൗരവം നമ്മൾക്ക് എളുപ്പം പിടികിട്ടണം എന്നില്ല.

ഇന്നിപ്പോൾ കള്ളത്തരം കാണിച്ചതിലൂടെ ഒത്തിരി മനുഷ്യരുടെ ജീവൻ ഇല്ലാതെയായിപോയിട്ടുണ്ട്.

കള്ളത്തരത്തെ നിയന്ത്രിക്കാൻ നമ്മൾ ഓരോരുത്തരും കഴിവിന്റെ പരമാവധി ശ്രമിക്കേണ്ടതുണ്ട്.

കള്ളത്തരം ഒഴിവാക്കി മുന്നോട്ടു പോകാൻ കഴിഞ്ഞെങ്കിൽ മാത്രമേ സമാധാനം കൈവരിക്കാൻ പലപ്പോഴും സാധിക്കുകയുള്ളു.

മുന്നോട്ടുള്ള ജീവിതത്തിൽ സമാധാനം കൈവരിക്കാൻ കള്ളത്തരം ഒഴിവാക്കാൻ പഠിക്കേണ്ടിയിരിക്കുന്നു.

നമ്മൾ കള്ളത്തരം ചെയ്യുന്നത് കണ്ടു മറ്റുള്ളവർക്കും കള്ളത്തരം ചെയ്യുന്നതിന് ഒരിക്കലും പ്രചോദനം ആകരുത്.

നമ്മുടെ ഭാഗത്തുനിന്നുമുള്ള കള്ളത്തരത്തിലൂടെ മറ്റുള്ളവരുടെ ജീവിതത്തിൽ ഉണ്ടാകുന്ന നഷ്ടങ്ങൾ ഒരിക്കലും ഒരുപക്ഷെ നമ്മളെകൊണ്ട് നികത്താൻ ആകാത്തത് ആയി മാറിയേക്കാം.

കള്ളത്തരം കാണിക്കുന്നവർ പലപ്പോഴും ചിന്തിക്കുന്നത് അന്നേരം കിട്ടുന്ന നേട്ടത്തെകുറിച്ചു മാത്രമാണ്, അതിലുടെ മറ്റുള്ളവരുടെ ജീവിതത്തിൽ ഉണ്ടാകുന്ന നഷ്ടത്തെപറ്റി യാതൊരു ചിന്തയും ഒരുപക്ഷെ അവരിൽ ഉണ്ടാകുന്നില്ല.

നമ്മുടെയൊക്കെ ജീവിതത്തിൽ നിന്നും കള്ളത്തരം ഒഴിവാക്കി നേരായ വഴിക്ക് സഞ്ചരിക്കാൻ പഠിക്കേണ്ടിയിരിക്കുന്നു.

കള്ളത്തരം എത്രയോക്കെ മറച്ചു വെച്ചാലും ഒരിക്കൽ മറനിക്കി പുറത്തു വരിക തന്നെ ചെയ്യും.

കള്ളത്തരം ഇല്ലാത്ത, സമാധാനം നിറഞ്ഞ ലോകം നമ്മൾ ഏവർക്കും സാധ്യമാകട്ടെ.

മറ്റുള്ളവരുടെ ജീവനും സ്വത്തിനും സമാധാനത്തിനും വില നൽകുന്നവർ ആരും തന്നെ കള്ളത്തരം ചെയ്യാൻ ഒരുപക്ഷെ തുനിയുകയില്ല.

കള്ളത്തരം കാണിക്കാതെ സത്യസന്ധമായി മാത്രം മുന്നോട്ടു സഞ്ചരിക്കാൻ നമ്മൾ ഏവർക്കും സാധിക്കട്ടെ.

ലോകത്തിന്റെ എവിടെയും കള്ളത്തരം ഉണ്ടായാൽ ലോകത്തിന്റെ വളർച്ച തന്നെ ഒരുപക്ഷെ ഇല്ലാതെയായിപോയേക്കാം.

എത്ര സമ്പാദ്യം കയ്യിൽ കിട്ടിയാലും അതൊന്നും തനിക്ക് വേണ്ടി ചിലവഴിക്കാതെ മറ്റുള്ളവർക്ക് വേണ്ടി മാത്രം ചിലവഴിക്കുന്ന നന്മ നിറഞ്ഞ മനുഷ്യരും ഉണ്ടിവിടെ.

എങ്ങനെ കള്ളത്തരം കാണിക്കാം എന്നുള്ള ചിന്തയിൽ നിന്നും എങ്ങനെ കള്ളത്തരം ഇല്ലാതെ മുന്നോട്ട് പോകുവാൻ സാധിക്കുമെന്ന് ചിന്തിക്കാൻ ഇനിയുള്ള കാലം നമ്മൾ ഓരോരുത്തർക്കും കഴിയട്ടെ.