ഉണർവിൻ പൊൻകിരണങ്ങൾ:The awakening golden rays-103

കഴിഞ്ഞ കാലങ്ങൾ നമ്മൾക്ക് ഒത്തിരി കാര്യങ്ങൾ പഠിപ്പിച്ചു തരുന്നുണ്ട്.

നമ്മുടെയൊക്കെ കഴിഞ്ഞ കാലങ്ങളിൽ സങ്കടങ്ങളും ദുരിതങ്ങളും പരാജയങ്ങളും നഷ്ടങ്ങളും മോശമായ അനുഭവങ്ങളും ഉണ്ടായെന്നു വന്നേക്കാം.

കഴിഞ്ഞ കാലങ്ങളിൽ നമ്മൾക്കുണ്ടായ അനുഭവപാഠങ്ങളിൽ നിന്നും നമ്മളെടുത്ത തീരുമാനങ്ങളാണ് ഇന്ന് നമ്മൾ ആയിരിക്കുന്ന അവസ്ഥയിൽ കൊണ്ടെത്തിച്ചിട്ടുള്ളത്.നമ്മൾ ഇന്നലെകളിൽ എടുത്ത തീരുമാനങ്ങൾ ശരിയായിരുന്നോയെന്ന് കാലമാണ് തീരുമാനിക്കുക.

കഴിഞ്ഞ കാലങ്ങൾ മറക്കരുത്, കഴിഞ്ഞ കാലമാണ് ഇന്ന് നമ്മൾക്കുള്ള വിജയത്തിനുള്ള അടിത്തറ പാകിയത്.

തോൽവികളിൽ നിരാശപ്പെട്ടിരിക്കാതെ മുന്നോട്ടു പോകുവാൻ കാണിച്ച മനസ്സാണ് നമ്മൾക്ക് തോൽവികളെ അതിജീവിക്കുവാൻ സാധിച്ചത്.

തോൽവികൾ ഏതൊരാൾക്കും എപ്പോൾ വേണമെങ്കിലും സംഭവിക്കാം, തോൽവി ഉണ്ടാവാനുള്ള കാരണം കണ്ടെത്തിയാൽ മാത്രമേ മുന്നോട്ടു വിജയസാധ്യത കാണുകയുള്ളു.

കഴിഞ്ഞ കാലത്തിൽ ജീവിക്കാതെ ഇന്ന് ഈ നിമിഷത്തിൽ ജീവിക്കാൻ ശ്രമിക്കണം. കഴിഞ്ഞ കാലത്തിൽ നിന്നും പഠിച്ച പാഠങ്ങൾ മുന്നോട്ടുള്ള ജീവിതത്തിൽ ഉപകാരപ്രദമായ രീതിയിൽ ഉപയോഗിക്കാൻ സാധിക്കട്ടെ.

ഈ നിമിഷം നമ്മൾ പാഴാക്കിയാൽ നാളെകളിൽ ഇന്നിനെ കുറിച്ചു ആലോചിക്കുമ്പോൾ വിഷമിക്കാൻ ഇടവന്നേക്കാം, അതൊഴിവാക്കാൻ ഈ സമയം പാഴാക്കാതിരിക്കാൻ ശ്രദ്ധിക്കുക.

ലോകത്ത് അനവധി കാര്യങ്ങളുണ്ട്, എല്ലാ കാര്യവും നമ്മൾ അറിയേണ്ടതില്ല. നമ്മൾക്ക് വളരാൻ ആവശ്യമായവ മാത്രം നമ്മൾ അറിഞ്ഞാൽ മതിയല്ലോ.

നമ്മുടെ ഓരോ നിമിഷവും വളരെ വിലപ്പെട്ടതാണ്. നമ്മൾ ചെയ്യുന്ന ഓരോ കാര്യവും നമ്മൾക്കും നമ്മുടെ ചുറ്റിലുമുള്ളവർക്ക് ഉപകാരപ്രദമാകണം.

കഴിഞ്ഞ കാല മോശം അനുഭവങ്ങളിൽ നിന്നും നമ്മൾ കരകയറേണ്ടതുണ്ട്, അതിനുള്ള ശ്രമം നമ്മുടെ ഭാഗത്തുനിന്നും ഉണ്ടാവണം.

നമ്മുടെ ചിന്തകളും പ്രവർത്തികളും മുന്നോട്ടുള്ള കാര്യങ്ങളിലേക്ക് ആകട്ടെ. കഴിഞ്ഞകാലങ്ങളിലെ മുറിവുകൾ നമ്മൾക്ക് സുഖപ്പെടാൻ ഇന്ന് ഈ നിമിഷത്തിൽ ആയിരുന്നുകൊണ്ടു പ്രവർത്തിക്കുക. കഴിഞ്ഞകാല അനുഭവങ്ങൾ നമ്മൾക്ക് എന്നും മുതൽകൂട്ടായിട്ട് മാറട്ടെ.