ഉണർവിൻ പൊൻകിരണങ്ങൾ:The awakening golden rays-11

പല സാഹചര്യത്തിലും നമ്മൾക്ക് സാധാരണ ചെയ്യുന്നതിനേക്കാൾ അമിതമായി ജോലി തീർക്കേണ്ടി വന്നേക്കാം.

അമിതമായ ജോലിഭാരം വരുന്നത് പലപ്പോഴും ഒരുപക്ഷെ സമയകുറവ് ഉള്ളതുകൊണ്ടാണ്,ചെയ്യുന്ന കാര്യത്തിൽ വിഴ്ചവരുത്തുന്നതുകൊണ്ടാണ്, ആ ജോലി പകരമായി ചെയ്യാൻ മറ്റൊരാൾ ഇല്ലാത്തതുകൊണ്ടാണ്.

ഒത്തിരി ആളുകൾ ദിവസം മുഴുവനും ജോലിയിൽ ഏർപ്പെട്ടിരിക്കാറുണ്ട്.

അമിതമായ ജോലിഭാരം നേരായ വിധത്തിൽ കൈകാര്യം ചെയ്യേണ്ടതുണ്ട്, ഇല്ലായെന്നുണ്ടെങ്കിൽ ശാരീരികമായും മാനസികമായും നമ്മളെ ദോഷകരമായി ബാധിച്ചേക്കാം.

ചില ജോലികളിൽ അമിതമായ ജോലി സാഹചര്യം ഏതു നിമിഷവും കടന്നുവന്നേക്കാം, ആ സാഹചര്യത്തെ അതിജീവിച്ചെങ്കിൽ മാത്രമേ ജോലിയുമായി മുന്നോട്ടു പോകുവാൻ കഴിയുകയുള്ളു.എല്ലാ ജോലികളും നമ്മൾ വിചാരിക്കുന്ന സമയത്തു ചെയ്തുതീർക്കാൻ കഴിഞ്ഞെന്ന് വരില്ലല്ലോ.

നമ്മളെ ഏൽപ്പിച്ച ജോലി ആത്മാർത്ഥതയോടെ, ഇഷ്ടത്തോടെ ചെയ്യാൻ ശ്രമിക്കുക.

അമിതമായ ജോലിഭാരത്തെ നേരിടാൻ നമ്മൾ ഓരോരുത്തരും പഠിക്കേണ്ടതുണ്ട്, മുന്നോട്ട് പല സാഹചര്യത്തിലും അമിതമായി ജോലി ഭാരത്തെ നേരിടേണ്ടി വന്നേക്കാം, അപ്പോഴെല്ലാം ധൈര്യപൂർവ്വം നേരിടാൻ നമ്മളെ മുൻഅനുഭവം വളരെയധികം സഹായിച്ചേക്കും.

പല കാര്യങ്ങളും പൂർത്തിയാക്കാൻ അമിതമായി ജോലി ചെയ്യേണ്ടി വന്നേക്കാം. അമിതമായി ജോലി ചെയ്യുന്നതിൽ വിഷമം വിചാരിക്കാതിരിക്കുക.

എത്ര വലിയ കോടിശ്വരന്മാർ ആയാലും അവർക്കൊക്കെയും അമിതമായ ജോലി ചെയ്യേണ്ട സാഹചര്യം ഉണ്ടായേക്കാം.

ദിവസത്തിൽ വളരെ കുറച്ചു സമയം മാത്രം വിശ്രമിച്ചു ബാക്കി സമയം മുഴുവൻ ജോലിക്കുവേണ്ടി മാറ്റിവെക്കുന്ന എത്രയാളുകളാണ് നമ്മുടെ ഈ ലോകത്തുള്ളത്, അവരുടെ കഷ്ടപ്പാടാണ് പല നേട്ടങ്ങൾക്കും കാരണം.

അമിതമായ ജോലി ചെയ്യുന്നതിലൂടെ നമ്മളിലും നമ്മളുടെ ചുറ്റിലും ഉള്ളവർക്ക് നേട്ടങ്ങൾ ഉണ്ടാവാൻ ഇടയാകട്ടെ.

പല കാര്യങ്ങളും വളരെ പെട്ടെന്ന് പൂർത്തിയാക്കാൻ അമിതമായി ജോലി ചെയ്യേണ്ടി വരും, അതിൽ വിഷമം വിചാരിക്കാതിരിക്കുക.

എവിടെയായാലും കഷ്ടപ്പാടിന് ഒരു ഫലമുണ്ടാകും.

അമിതമായ ജോലിഭാരം നമ്മുടെയൊക്കെ ജീവിതത്തിൽ കൂടുതൽ നേട്ടങ്ങൾക്ക് ഉപകരിക്കുന്നതാകട്ടെ.