ഉണർവിൻ പൊൻകിരണങ്ങൾ:The awakening golden rays-10

നമ്മളുടെ ആവശ്യങ്ങൾ മറ്റൊരാളെ അറിയിക്കുവാൻ നമ്മൾക്ക് അവരോട് നമ്മളുടെ ആവശ്യങ്ങൾക്ക് വേണ്ടി അഭ്യർത്ഥിക്കേണ്ടതായിട്ടുണ്ട്.

നമ്മുടെ അഭ്യർത്ഥനകൾ സാഹചര്യം അനുസരിച്ചു സ്വീകരിക്കുകയോ നിരസിക്കുകയോ ചെയ്തേക്കാം.

നമ്മളുടെ ആവശ്യമാണ് മറ്റൊരാളോട് അഭ്യർത്ഥിക്കുക എന്നത്.

മാന്യമായ രീതിയിൽ വേണം അഭ്യർത്ഥിക്കുവാനായിട്ട്.

നമ്മുടെ മാന്യത കണ്ടിട്ടായിരിക്കും പലപ്പോഴും നമ്മളുടെ അഭ്യർത്ഥന പലർക്കും സ്വീകരിക്കാൻ കഴിയുക.

പ്രണയം മറ്റൊരാളോട് തോന്നി കഴിയുമ്പോൾ ആ വ്യക്തി തന്റെ പ്രണയം പൂവണിയാൻ അഭ്യർത്ഥന നടത്താൻ ശ്രമിക്കാറുണ്ട്. എല്ലാവർക്കും ഒരുപക്ഷെ തങ്ങളുടെ മനസ്സിൽ ഇഷ്ടം തോന്നുന്നവരോട് പ്രണയം അഭ്യർത്ഥിക്കുവാൻ സാധിച്ചെന്നു വരില്ല, അവരുടെ ജീവിതസാഹചര്യങ്ങൾ ഒരുപക്ഷെ അനുവദിക്കുന്നുണ്ടാകില്ല.

നമ്മളുടെ ആവശ്യം മറ്റൊരാളോട് അഭ്യർത്ഥിച്ചാൽ മാത്രമാണല്ലോ ആ ആവശ്യം സാധിച്ചു തരേണ്ടതാണോ അല്ലയോ എന്ന് തീരുമാനിക്കാൻ കഴിയുകയുള്ളു.

നമ്മൾ ഈ ലോകത്തിൽ ജീവിക്കുമ്പോൾ പലരോടും പല സഹായങ്ങളും അഭ്യർത്ഥിക്കേണ്ടി വരും.

ഇന്ന് നമ്മുടെ ഇടയിൽ പലർക്കും ഏറ്റവും കൂടുതൽ വിഷമം ഉളവാക്കുന്നത് തങ്ങളുടെ അഭ്യർത്ഥന നിരസിക്കപ്പെടുമ്പോഴാണ്.

നമ്മളുടെ അഭ്യർത്ഥന മറ്റൊരാൾക്ക്‌ സ്വീകരിക്കാൻ കഴിയാതെ വന്നേക്കാം, അന്നേരം ആ സാഹചര്യം മനസ്സിലാക്കാനാണ് ശ്രമിക്കേണ്ടത്, അല്ലാതെ പ്രതികാരം ചെയ്യാൻ അല്ല ശ്രമിക്കേണ്ടത്.

നമ്മൾ ആഗ്രഹിക്കുന്നത് എല്ലാം ഒരുപക്ഷെ നേടാൻ സാധിച്ചെന്നു വരില്ല, അതുപോലെ തന്നെ നമ്മുടെ അഭ്യർത്ഥനകൾ എല്ലായിപ്പോഴും സ്വീകാര്യത ഉണ്ടാവണം എന്നുമില്ല.

പലപ്പോഴും നമ്മുടെ മുന്നിലുള്ള വഴി അഭ്യർത്ഥന നടത്തുക എന്നത് മാത്രമാണ്.

നമ്മളുടെ ആവശ്യം എന്താണോ അതു വേണ്ടതുപോലെ മറ്റുള്ളവരോട് സാഹചര്യം അനുസരിച്ചു അഭ്യർത്ഥിക്കുവാൻ നമ്മൾക്ക് സാധിക്കട്ടെ.