ഉണർവിൻ പൊൻകിരണങ്ങൾ:The awakening golden rays-117

പലരും നമ്മളുടെ കൂടെ ഉണ്ടാവുന്നത് വളരെയേറെ ആശ്വാസകരമായ കാര്യമാണ്.

പല സാഹചര്യങ്ങൾ കൊണ്ടും നമ്മുടെ വേണ്ടപ്പെട്ടവർക്ക് നമ്മുടെ കൂടെ എപ്പോഴും ഉണ്ടാവാൻ സാധിക്കില്ലല്ലോ.

ജീവിതത്തിലെ ഓരോ കാലഘട്ടത്തിലും നമ്മുടെ കൂടെ ഉണ്ടായിരുന്ന പലരും നഷ്ടപ്പെട്ടേക്കാം, നമ്മളിൽ നിന്നും അകന്നുപോയേക്കാം.

നമ്മുടെ കഷ്ടകാലങ്ങളിൽ നമ്മളുടെ കൂടെ ഉണ്ടായിരുന്ന പലരും നമ്മളിൽ നിന്നും ഒരുപക്ഷെ അകന്നുപോയേക്കാം.

പല കാര്യത്തിനും മുന്നോട്ടു പോകണമെങ്കിൽ വേണ്ടപ്പെട്ട പലരും കൂടെ ഉണ്ടാവേണ്ടതുണ്ട്.

നമ്മൾക്ക് ആപത്ത് വരുമ്പോൾ നമ്മളെ സഹായിക്കാൻ ഒരുപക്ഷെ കൂടെ ഉണ്ടാവുക അപരിചിതർ ആയിരിക്കും.

മറ്റുള്ളവരുടെ നിസ്സഹായ അവസ്ഥയിൽ, അവരെയൊക്കെ പറ്റുന്നതുപോലെ സഹായിക്കാൻ കഴിയട്ടെ.

കൂടെ ഉണ്ടാവുക എന്നത് വാക്കുകളിൽ മാത്രം ഒതുക്കാതെ പ്രവർത്തിയിൽ കൂടെ കൊണ്ടുവരാൻ കഴിയട്ടെ.

മനുഷ്യർ എപ്പോഴും ആഗ്രഹിക്കുക കൂടെ ഉണ്ടാവുക എന്നതാണ്.

ചിലരൊക്കെ നമ്മളോട് പറയാറില്ലേ കൂടെയുണ്ട് ധൈര്യം ആയി മുന്നോട്ടു പൊയ്ക്കോളൂവെന്ന്.

കൂടെ ഉണ്ടാവുക എന്ന് എത്രയധികം ആഗ്രഹിച്ചാലും പല സാഹചര്യത്തിലും സാധ്യമായി എന്നു വരില്ലല്ലോ.

ജീവിതത്തിൽ ഒറ്റക്കായിപോകുന്ന സന്ദർഭത്തിൽ പലപ്പോഴും ആഗ്രഹിക്കുക കൂടെ ആരെങ്കിലും ഉണ്ടായിരുന്നുവെങ്കിൽ എന്നാണ്.

കൂടെ ഉണ്ടാവാൻ ആഗ്രഹിച്ച പലർക്കും സാഹചര്യം നിമിത്തം നഷ്ടമായിട്ടുണ്ട്.

ഏതൊരു മനുഷ്യനായാലും ഒരു നിശ്ചിതകാലം മാത്രമേ നമ്മോടൊപ്പം ഉണ്ടാവുകയുള്ളൂ, മരണം ജീവിതത്തിൽ കടന്നുവരുന്നതോടെ കൂടെ ഉണ്ടാവുക എന്നത് നഷ്ടപ്പെടുകയാണ്.

സന്തോഷത്തിൽ നമ്മളോട് കൂടെ കൂടാൻ ഒത്തിരി മനുഷ്യരുണ്ടായെന്ന് വരും, എന്നാൽ നമ്മുടെ ദുഃഖത്തിൽ നമ്മളോടൊപ്പം നമ്മൾ ആഗ്രഹിച്ചവർ എല്ലാവരും ഒരുപക്ഷെ കൂടെ ഉണ്ടായെന്നു വരില്ല.

ചില സാഹചര്യങ്ങളിൽ സാമ്പത്തികം ഉണ്ടെങ്കിൽ കൂടെ ഉണ്ടാവും സാമ്പത്തികം ഇല്ലെങ്കിൽ ഒരുപക്ഷെ കൂടെ ഉണ്ടായില്ലായെന്ന് വന്നേക്കാം.

ശാരീരിക പരിമിതികൾ ഒത്തിരി ഉണ്ടെങ്കിൽ പോലും ആ കുറവുകളെ കുറവുകളായി കാണാതെ കൂടെ കഴിയാൻ തയ്യാറായി ഒരുമിച്ചു ജീവിക്കുന്ന ഒത്തിരി മനുഷ്യരുണ്ട് നമ്മുടെ ചുറ്റിലും.

നമ്മുടെ മുന്നോട്ടുള്ള ജീവിതത്തിൽ കൂടെ ഉണ്ടാവും എന്ന് ആരു പറഞ്ഞാലും അതെല്ലാം എത്ര നാളുണ്ടാകും എന്ന് ആർക്കും ഉറപ്പ് പറയാൻ പറ്റിയെന്ന് വരില്ലല്ലോ.

നമ്മൾക്ക് എന്നും തുണ നമ്മൾ മാത്രമാണ്, നമ്മളെ തന്നെ സ്നേഹിക്കുക.

നമ്മോടൊപ്പം ഇന്നിപ്പോൾ കൂടെ ഉള്ളവർ എപ്പോൾ വേണമെങ്കിലും നഷ്ടമായേക്കാം, അതൊന്നും നമ്മളെ തളർത്താതെ മുന്നോട്ടു സഞ്ചരിക്കാൻ നമ്മൾ ഓരോരുത്തർക്കും സാധിക്കട്ടെ.