ഉണർവിൻ പൊൻകിരണങ്ങൾ:The awakening golden rays-142

ജീവിതത്തിൽ എപ്പോഴെങ്കിലും തളർന്നു പോകാത്ത മനുഷ്യർ നമ്മൾക്കിടയിൽ ആരാണുള്ളത്?.നമ്മൾ ഓരോരുത്തർക്കും ഒരുപക്ഷെ വിഷമിക്കാൻ നിസ്സാരകാരണം മതി.

നമ്മുടെയൊക്കെ ഓരോ തളർച്ചക്ക് പിന്നിലും എന്തെങ്കിലും കാരണങ്ങൾ ഉണ്ടാകും.

ഒരു സാധാരണ മനുഷ്യന്, അവരുടെ ശരിരത്തിനു താങ്ങാൻ കഴിയുന്നതിൽ അപ്പുറം ഭാരം താങ്ങേണ്ടി വന്നാൽ സ്വാഭാവികമായും തളർന്നു പോകാനുള്ള സാധ്യതയുണ്ട്.

മറ്റുള്ളവരിൽ നിന്നും അനാവശ്യമായി കേൾക്കേണ്ടി വരുന്ന കുറ്റപ്പെടുത്തലുകൾ, നമ്മുടെയൊക്കെ മനസ്സിനെ മുറിപ്പെടുത്തികൊണ്ടുള്ള മറ്റുള്ളവരുടെ ഭാഗത്തു നിന്നുള്ള സംസാരം, മോശമായ പെരുമാറ്റം എല്ലാം ഒരുപക്ഷെ തളർന്നുപോകാനുള്ള ഓരോരോ കാരണങ്ങളാണ്.

എത്രയോ വ്യക്തികളാണ് അവരുടെ ജീവിതത്തിൽ ഉണ്ടായിട്ടുള്ള തകർച്ചകളെ ധിരമായി നേരിട്ടുകൊണ്ട് പിൽകാലത്തു വിജയം നേടിയിട്ടുള്ളത്.

പരാജയങ്ങൾ നമ്മൾക്ക് തളരാൻ ഉള്ളത് ആകാതെ മുന്നോട്ടു വളരാൻ, തിരിച്ചറിവ് നേടാൻ, വിജയത്തിലേക്ക് കൂടുതൽ അടുപ്പിക്കാൻ കഴിയുന്നതിനു സഹായിക്കുന്നത് ആകട്ടെ.

വർഷങ്ങളുടെ പരിശ്രമംകൊണ്ടു നേടിയതൊക്കെ നിമിഷനേരം കൊണ്ടു നഷ്ടപ്പെടുമ്പോൾ സ്വഭാവികമായും തളർച്ചകൾ നമ്മൾക്കൊക്കെ നേരിടേണ്ടി വന്നേക്കാം.

തളർച്ചയിൽ നമ്മൾക്ക് മുന്നോട്ട് പോകാൻ ശക്തി നൽകുന്നത് മറ്റുള്ളവരിൽ നിന്നും ലഭിക്കുന്ന ആശ്വാസവാക്കുകളാണ്, സഹായങ്ങളാണ്, നമ്മൾക്ക് നമ്മളിലുള്ള ആന്മവിശ്വാസമാണ്.

ഓരോ തളർച്ചകളും നമ്മൾക്ക് ഒത്തിരി വേദനകൾ സമ്മാനിക്കുന്നുണ്ട്. തളർച്ചകൾക്കുണ്ടാകുന്ന കാരണങ്ങൾ കണ്ടെത്തി ശരിയായ വിധത്തിൽ പരിഹരിച്ചാൽ മാത്രമേ ഒരുപക്ഷെ മുന്നോട്ട് കാര്യമായ വളർച്ച നേടാൻ കഴിയുകയുള്ളു.

നമ്മൾക്ക് ചുറ്റുമുള്ള ലോകത്തിലേക്ക് കണ്ണോടിച്ചു നോക്കിയാൽ നമ്മളെക്കാൾ അധികമായി വിഷമിച്ച സാഹചര്യത്തെ നേരിട്ട ഒത്തിരി മനുഷ്യരെകാണാം, അവരൊക്കെ അവരുടെ ജീവിതത്തിൽ ഉണ്ടായ പ്രതിസന്ധികളിൽ തളരാതെ കരുത്തോടെ മുന്നോട്ടു പോയി.

എല്ലാം നഷ്ടപ്പെട്ടു ഇനിയൊരിക്കലും പഴയതുപോലെ ഉയർച്ചകൾ ഉണ്ടാകില്ല എന്ന് കരുതിയിടത്തു നിന്നും നിരന്തരപരിശ്രമത്തിന്റെ ഫലമായി പഴയതിനേക്കാൾ കൂടുതൽ വിജയം നേടിയെടുത്ത ഒത്തിരി ആളുകളുണ്ട്.

നാളെകളിൽ നമ്മൾക്ക് ആപത്തു വരുമ്പോൾ ഓടിയെത്തി സഹായിക്കേണ്ടവർ ആയിരിക്കാം നമ്മുടെ ചുറ്റിലുമുള്ള ഓരോരുത്തരും, നമ്മുടെ ദോഷകരമായ പ്രവർത്തികൾ മൂലം ആർക്കും വേദന ഉണ്ടാകാതിരിക്കാൻ ശ്രദ്ധിക്കുക.മറ്റുള്ളവരുടെ തളർച്ചകളിൽ താങ്ങാകാൻ നമ്മൾ ഓരോരുത്തർക്കും കഴിവിനോത്തു സാധിക്കട്ടെ.

ഇന്നിപ്പോൾ നമ്മൾ അനുഭവിക്കുന്ന സൗഭാഗ്യങ്ങൾ എല്ലാം ഒരു അനുഗ്രഹമായി കാണുക. ഈ നിമിഷം നമ്മൾ ഭൂമിയിൽ ആയിരിക്കുക നമ്മുടെ കഴിവുകൊണ്ട് മാത്രം അല്ലല്ലോ.

ഏതു തളർച്ചകളെ നേരിടാനും മാനസികമായ ശക്തിയാണ് ഏറ്റവും അധികമായി ആദ്യം തന്നെ നമ്മൾ ഓരോരുത്തർക്കും വേണ്ടത്.

പണം കൊണ്ടു നേടിയെടുക്കാൻ കഴിയാത്തത് ആയിട്ട് ഒത്തിരി കാര്യങ്ങളുണ്ട് ഈ ലോകത്തിൽ.നമ്മളിൽ പലരും ഒരുപക്ഷെ ഏറ്റവും കൂടുതൽ തളരാൻ കാരണം സാമ്പത്തികം ആവശ്യത്തിന് ഇല്ലായെന്നതായിരിക്കും.

സാധാരണഗതിയിൽ മുന്നോട്ട് പോകുവാൻ ഒന്നും ഇല്ലാഞ്ഞിട്ട് കൂടി ധൈര്യമായി മുന്നോട്ടു പോകുന്ന വ്യക്തികൾ, അവരൊക്കെ മാനസികമായി കരുത്ത് നേടി മുന്നോട്ടു പോകുന്നു.

പരാജയങ്ങളിൽ തളരാതെ മുന്നേറിയതുകൊണ്ടാണ് പല കണ്ടുപിടുത്തങ്ങളും വിജയിച്ചതും നമ്മൾ ഇന്ന് അനുഭവിക്കുന്ന പലവിധത്തിലുള്ള സുഖസൗകര്യങ്ങൾ നമ്മൾക്കിപ്പോൾ ലഭിച്ചുകൊണ്ടിരിക്കുന്നതും എന്നത് മറക്കാതിരിക്കുക.

നമ്മൾ എന്തു നല്ല കാര്യം ചെയ്താലും തളർത്താൻ ഒത്തിരി ആളുകൾ നമ്മുടെ ചുറ്റിലും ഒരുപക്ഷെ ഉണ്ടായെന്നു വരാം, നമ്മൾ അതിനെയെല്ലാം ചെറുത്തുതോൽപ്പിച്ചുകൊണ്ട് നിരന്തരം ആന്മവിശ്വാസത്തോടെ മുന്നേറാനുള്ള പരിശ്രമം നടത്തികൊണ്ടിരിക്കുക.

നമ്മുടെയൊക്കെ ജീവിതം ക്ഷണികമാണ്. ഉള്ളതിൽ തൃപ്തിപ്പെട്ടു ജീവിതത്തിൽ കൂടുതൽ ഉയർച്ചകൾക്കായി നിരന്തരം പരിശ്രമിച്ചുകൊണ്ടിരിക്കുക, ജീവിതത്തിൽ ഉണ്ടാകുന്ന പരാജയങ്ങളെ മനകരുത്തുകൊണ്ട് അതിജീവിക്കുക.

ഇന്നിന്റെ പരിശ്രമങ്ങൾ നമ്മുടെയൊക്കെ ജീവിതത്തിൽ കരുത്തുപകരട്ടെ.

ആരൊക്കെ എന്തൊക്കെ നെഗറ്റീവ് പറഞ്ഞാലും തളരില്ല, നല്ല കാര്യങ്ങൾക്കായി മുന്നോട്ടു ഊർജസ്വലതയോടെ നേട്ടങ്ങൾക്കായി നിരന്തരം പരിശ്രമിക്കുമെന്ന് സ്വയം പറയാൻ, അതോടൊപ്പം പ്രവർത്തിക്കാൻ നമ്മൾ ഓരോരുത്തർക്കും സാധിക്കട്ടെ.