ഉണർവിൻ പൊൻകിരണങ്ങൾ:The awakening golden rays-143

നമ്മൾ പല കാര്യങ്ങളിലും തീരുമാനം എടുക്കുന്നത് താരതമ്യം ചെയ്തുകൊണ്ടാണ്.

മറ്റുള്ളവരുമായി താരതമ്യം ചെയ്തു കഴിഞ്ഞാൽ പല കാര്യത്തിലും ഒരുപക്ഷെ സങ്കടപ്പെടേണ്ടതായിട്ട് വന്നേക്കാം.

മറ്റുള്ളവരുമായി താരതമ്യം ചെയ്തുകൊണ്ട് അവരെപോലെ ആകാനായി, സ്വന്തം സാഹചര്യം മറന്നു പ്രവർത്തിച്ചാൽ പിന്നീട് അതിന്റെ പേരിൽ ഒരുപക്ഷെ 

സങ്കടപ്പെടുകയും, ദുരിതം അനുഭവിക്കുകയും ചെയ്യേണ്ടി വന്നേക്കാം.

നമ്മുടെ കഴിവുകളും, ജീവിതസാഹചര്യവും മറ്റുള്ളവരുടെ 

കഴിവുകളും, ജീവിതസാഹചര്യവുമായിട്ട് തികച്ചും വ്യത്യസ്തമാണ്.

നമ്മൾ, നമ്മളുടെ കഴിവുകളെ ഓരോ ദിവസവും വളർത്തി കൊണ്ടു വരാൻ ശ്രമിക്കുക.

പല കാര്യത്തിലും താരതമ്യ പഠനം ഉപകാരപ്പെട്ടേക്കാം.

ഓരോ ഉത്പന്നവും വാങ്ങുന്നതിനു മുൻപായി, ആ ഉത്പന്നത്തിന്റെ വിലയുടെയും, ഗുണമെന്മയുടെയും കാര്യങ്ങൾ, അതേ വിഭാഗത്തിലുള്ള മറ്റു ഉത്പന്നങ്ങൾ ആയിട്ടു താരതമ്യം ചെയ്യാറുണ്ട്. പലപ്പോഴും ഇത്തരത്തിലുള്ള താരതമ്യമാണ് ഏതു ഉൽപ്പന്നം വാങ്ങിയാലാണ് കൂടുതൽ പ്രയോജനം ചെയ്യുക എന്നു തീരുമാനത്തിൽ എത്തുവാൻ സാധിക്കുക.

പല സേവനങ്ങളും തിരഞ്ഞെടുക്കുന്നത് വേണ്ടതുപോലെ താരതമ്യ പഠനം നടത്തികൊണ്ടാണ്.

താരതമ്യപഠനം പല കാര്യത്തിലും നമ്മൾക്ക് ആവശ്യമാണ്.

വിജയിയുടെയും പരാജയപ്പെട്ടവരുടെയും ജീവിതരീതി താരതമ്യം ചെയ്തുകഴിഞ്ഞാൽ തന്നെ വിജയിക്കാനുണ്ടായ സാഹചര്യവും പരാജയപ്പെടാനുള്ള സാഹചര്യവും എളുപ്പം മനസ്സിലാക്കാൻ ഒരുപക്ഷെ കഴിഞ്ഞേക്കും.

താരതമ്യം വേണ്ട സാഹചര്യങ്ങളിൽ താരതമ്യം ചെയ്യാനും, താരതമ്യം ചെയ്യാൻ പാടില്ലാത്ത സാഹചര്യങ്ങളിൽ താരതമ്യം ഒഴിവാക്കാനും കഴിയട്ടെ.

അനാവശ്യ താരതമ്യം നമ്മുടെ സന്തോഷത്തെ, സമാധാനത്തെ ഒരുപക്ഷെ ഇല്ലാതാക്കിയേക്കാം. ആവശ്യമില്ലാത്ത താരതമ്യം ഒഴിവാക്കാൻ പഠിക്കുക.

താരതമ്യം കൊണ്ടുള്ള നല്ലതും മോശമായതുമായ വശങ്ങൾ തിരിച്ചറിയാനും, ആവശ്യമെങ്കിൽ താരതമ്യം ചെയ്യാനും, ആവശ്യം ഇല്ലെങ്കിൽ താരതമ്യം ഒഴിവാക്കാനും നമ്മൾ ഓരോരുത്തർക്കും സാധിക്കട്ടെ.