ഉണർവിൻ പൊൻകിരണങ്ങൾ:The awakening golden rays-162

നമ്മൾ ഓരോ ദിവസവും ഓരോ കാര്യങ്ങൾ തേടി നടക്കാറുണ്ട്. നല്ല വസ്ത്രം ധരിക്കാൻ, നല്ല ഭക്ഷണം കഴിക്കാൻ, നല്ല സുഖസൗകര്യത്തിൽ ജീവിക്കാൻ നമ്മൾ എല്ലാവരും വളരെയേറെ ആഗ്രഹിക്കുന്നവരാണ്, അതിനുവേണ്ടി അവസരം അന്വേഷിക്കുന്നവരാണ്.

ഇന്നലെകളിൽ നിന്നും നമ്മളുടെ ജീവിതത്തിൽ മാറ്റങ്ങൾ ഉണ്ടാവണം എങ്കിൽ നമ്മളുടെ ജീവിതത്തിൽ എന്തെങ്കിലുമൊക്കെ നേടേണ്ടതുണ്ട്.

പണം നമ്മളുടെ ജീവിതത്തിൽ ലഭിക്കണം എങ്കിൽ പണം കിട്ടേണ്ട മാർഗങ്ങൾ നമ്മൾ തേടി കണ്ടെത്തേണ്ടതുണ്ട്.

പണം തനിയെ സഞ്ചരിക്കുക ഇല്ലല്ലോ, അതിനു സഞ്ചരിക്കാൻ മാർഗം ഉണ്ടാവേണ്ടതുണ്ട്. ശരിയല്ലാത്ത മാർഗത്തിലൂടെ നേടുന്നതെല്ലാം ഒരുനാൾ നമ്മളിൽ നിന്നും നഷ്ടപ്പെടുക തന്നെ ചെയ്യും.

നമ്മളുടെ കഷ്ടപ്പാടിലും ദുരിതത്തിലും നമ്മൾ നല്ല വണ്ണം അധ്വാനിക്കാൻ മനസ്സു കാണിച്ചാൽ നാളെകൾ നമ്മൾക്ക് മുന്നിൽ ഒത്തിരി നേട്ടങ്ങൾ തേടിയെത്തുക തന്നെ ചെയ്യും.

നമ്മൾക്ക് മുന്നിൽ ഒരുപാട് പ്രതിസന്ധികൾ കടന്നു വരുന്നതുകൊണ്ടാണ് നമ്മൾ പല കാര്യങ്ങളിലും നേട്ടങ്ങൾ കൈവരിക്കാതെ നഷ്ടങ്ങൾ നേരിടേണ്ടി വരുന്നത്, ഇതിനൊക്കെ മാറ്റം വരണം എങ്കിൽ നമ്മൾ നല്ലത് പോലെ കഷ്ടപ്പെടാൻ ഒരുക്കമായിരിക്കണം.

ആർക്കും ആരെയും ഉപദേശിക്കാൻ എളുപ്പമാണ്, പക്ഷെ ജീവിതത്തിൽ അതൊക്കെ പ്രവർത്തികം ആക്കണം എങ്കിൽ നമ്മൾ നല്ലതുപോലെ കഷ്ടപ്പെടാൻ തയ്യാറാവേണ്ടതുണ്ട്.

നമ്മളുടെ വർഷങ്ങളുടെ പരിശ്രമം ആയിരിക്കാം ഒരുപക്ഷെ പിന്നിട് വലിയൊരു നേട്ടം നമ്മളിലേക്ക് എത്തിച്ചേരാൻ കാരണം ആയിതിരുക.

നല്ല അവസരം വരട്ടെ അപ്പോൾ നോക്കാം എന്ന് ചിന്തിച്ചിരുന്നാൽ, ദിവസങ്ങൾ, മാസങ്ങൾ, വർഷങ്ങൾ കടന്നുപോയേക്കാം. ഈ നിമിഷം നമ്മൾ നേട്ടങ്ങൾക്കായി ശ്രമിക്കാൻ തയ്യാറാവുക.

നല്ല നല്ല അവസരങ്ങൾ ഭാവിയിൽ മറ്റും നമ്മളെ തേടിയെത്തണമെങ്കിൽ ഇന്ന് നമ്മൾ ചിലവഴിക്കുന്ന ഓരോ മണിക്കൂറും വിലപ്പെട്ടതാണെന്ന ചിന്ത നമ്മളിൽ ഉണ്ടാവണം.

നമ്മൾ എന്തുകാര്യത്തിൽ ആയാലും മുന്നിട്ടിറങ്ങിയാൽ മാത്രമേ പിന്നിട് നമ്മൾക്ക് ആ മേഖലയിൽ നിന്നും കൂടുതൽ അവസരങ്ങൾ വന്നെത്തുകയുള്ളൂ.

നമ്മൾ ഇന്നെടുക്കുന്ന ഓരോ തീരുമാനവും നാളെകളിൽ നമ്മൾക്ക് കൂടുതൽ നേട്ടങ്ങൾ നേടി തരുന്നതിനു ഉപകാരപ്പെടട്ടെ.

ആരും നമ്മൾക്ക് വെറുതെ ഒന്നും തരില്ല എന്ന തിരിച്ചറിവാണ്, നമ്മൾക്ക് എന്തെങ്കിലും നേട്ടം നേടണം എങ്കിൽ നല്ലതുപോലെ നമ്മൾ തന്നെ കഷ്ടപ്പെടുക എന്നത്.

നാളെ നമ്മൾക്ക് മുന്നിൽ എന്തെല്ലാം ആണ് ഉണ്ടാവുക എന്ന് ആർക്കും പറയാൻ കഴിയില്ല. ഒരുപക്ഷെ ദുരിതങ്ങൾ ആയിരിക്കാം നമ്മൾക്ക് നേരിടേണ്ടി വരുന്നത് എങ്കിൽ കൂടിയും അതിനൊക്കെ ധിരമായി നേരിടാൻ നമ്മൾ ഒരുങ്ങുക.

ദുരിതങ്ങളിലും നഷ്ടങ്ങളിലും നമ്മൾ തളർന്നിരിക്കാതെ നമ്മൾ കൂടുതൽ ഉന്മേഷത്തോടെ പ്രവർത്തിച്ചുകൊണ്ടിരിക്കുക. ജീവിതം പലർക്കും മുന്നിൽ പല തരത്തിലുള്ള വെല്ലുവിളികൾ ഉയർത്തിയേക്കാം അവയെല്ലാം നമ്മളുടെ ഓരോരുത്തരുടെയും വിജയം നേടണം എന്നുള്ള ദൃഢനിശ്ചയമാണ് മുന്നോട്ടു നയിക്കേണ്ടത്, അങ്ങനെയെങ്കിൽ ഒരുനാൾ നമ്മൾക്ക് നേട്ടങ്ങൾ തേടിയെത്തുക തന്നെ ചെയ്യും.