ഉണർവിൻ പൊൻകിരണങ്ങൾ:The awakening golden rays-167

ദാരിദ്ര്യം അനുഭവിക്കേണ്ടി വരിക ഏതൊരു വ്യക്തിക്കും വേദനാജനകമായ കാര്യമാണ്.

ദാരിദ്ര്യം ഇല്ലാതാക്കാൻ ഒരുപക്ഷെ നിരവധി മാർഗങ്ങൾ കണ്ടെത്തേണ്ടതായിട്ട് വരും.

ദാരിദ്ര്യം നമ്മളെ ഒരുപാട് കാര്യങ്ങൾ പഠിപ്പിച്ചു തരുന്നുണ്ട്.

നമ്മൾ ഇന്ന് അനുഭവിക്കുന്ന ദാരിദ്ര്യം വരും തലമുറക്ക് ഉണ്ടാകാതിരിക്കാൻ നമ്മൾ നിരന്തരം ശ്രമിച്ചുകൊണ്ടിരിക്കണം.

കുറച്ചു സാധനവും കൂടുതൽ ആവശ്യക്കാരുമുണ്ടെങ്കിൽ ആ സാധനം കിട്ടാത്തതിന്റെ പേരിൽ ദാരിദ്ര്യം അനുഭവിക്കേണ്ടി വരിക സ്വഭാവികമാണല്ലോ.

ഈ ലോകത്തെ നോക്കിയാൽ ഒരിടത്തു ദാരിദ്ര്യവും മറുഭാഗത്തു അതിസമ്പന്നതയും കാണാൻ കഴിയും.

സമ്പന്നതയിൽ നിന്നും ഒരു വ്യക്തി ദാരിദ്ര്യത്തിൽ പോകാൻ ഒരുപാട് കാരണങ്ങൾ ഉണ്ടാകും, പക്ഷെ എങ്കിൽ ദാരിദ്ര്യത്തിൽ നിന്നും സമ്പന്നതയിലേക്ക് കടന്നു വരാൻ നിരന്തരപരിശ്രമം ആവശ്യമാണ്.

ഒറ്റ നിമിഷം കൊണ്ടു സമ്പന്നത ഉണ്ടാകണം എങ്കിൽ ഏതെങ്കിലും തരത്തിലുള്ള ഭാഗ്യം തുണക്കേണ്ടി വരും, അല്ലായെന്നുണ്ടെങ്കിൽ നേരായ വഴിക്കുള്ള നിരന്തരമായിട്ടുള്ള കഠിനാധ്വാനം വേണ്ടിവരും.

ദാരിദ്ര്യം നിറഞ്ഞ ജീവിതസാഹചര്യത്തോട് പൊരുതി നിരവധി നേട്ടങ്ങൾ സ്വന്തമാക്കിയ ഒത്തിരി വ്യക്തികളുണ്ട് നമ്മുടെ ചുറ്റിലും, അവരുടെയൊക്കെ ഉള്ളിൽ ദൃഢനിശ്ചയം ഉണ്ടായിരുന്നു അവർ നേരിട്ടുകൊണ്ടിരിക്കുന്ന ദാരിദ്ര്യം ഇല്ലാതാക്കുക എന്നത്.

നമ്മൾ എത്ര വലിയ സമ്പന്നർ ആണെങ്കിലും അലസത ഉണ്ടായാൽ പതിയെ പതിയെ നമ്മളിലുള്ള സമ്പത്തു ഒരുപക്ഷെ നഷ്ടപ്പെട്ടേക്കാം.

സമ്പത്തു നേടാൻ അറിവ് നേടേണ്ടത് വളരെ ആവശ്യമായിട്ടുള്ള കാര്യമാണ്. പല മേഖലയിലും അനുഭവസമ്പത്തു നേടുക എന്ന് പറയുന്നത് അത്ര എളുപ്പമുള്ള കാര്യം അല്ലല്ലോ.

നമ്മളുടെ സമയം എന്തിനുവേണ്ടി ചിലവഴിക്കുന്നു എന്നത് അനുസരിച്ചിരിക്കും നമ്മൾക്കുണ്ടാകുന്ന നേട്ടങ്ങൾ.

എല്ലാവരും അവരവരുടെ നല്ല കഴിവുകൾ കണ്ടെത്തി അതിൽ മികവ് നേടാൻ ശ്രമിക്കുക.

മറ്റുള്ളവരെ അനുകരിച്ചതുകൊണ്ട് ഒരുപക്ഷെ അവരെപോലെ നമ്മൾക്കും നേട്ടങ്ങൾ നേടാൻ കഴിഞ്ഞെന്ന് വരില്ലല്ലോ.

ഭക്ഷണത്തിന്റെ കാര്യത്തിൽ, വസ്ത്രത്തിന്റെ കാര്യത്തിൽ, സ്നേഹത്തിന്റെ കാര്യത്തിൽ അങ്ങനെ ഒരുപാട് കാര്യത്തിൽ ദാരിദ്ര്യം പലപ്പോഴായി നമ്മൾക്ക് അനുഭവിക്കേണ്ടി വന്നേക്കാം.

സമ്പന്നർക്ക് പോലും ഒരുപക്ഷെ പല മേഖലയിലും ദാരിദ്ര്യം അനുഭവിക്കേണ്ടി വന്നേക്കാം.

നമ്മൾ ഓരോരുത്തരും ഇന്ന് അനുഭവിക്കുന്ന ദാരിദ്ര്യം നമ്മളെ വിട്ടുപോകാൻ അതിന്റെതായ സമയം ആവശ്യമാണ്.സമ്പത്തു നേടാനായി നിരന്തരം പരിശ്രമിക്കുക ക്ഷമയോടെ കാത്തിരിക്കുക.

നേരായ വഴിക്ക് സ്നേഹം, പണം, കഴിവുകൾ, അനുഭവപാഠങ്ങൾ, അറിവുകൾ സമ്പാദിച്ചുകൊണ്ട് ദാരിദ്ര്യത്തെ ഇല്ലാതെയാക്കാൻ നമ്മൾ എല്ലാവർക്കും കഴിയട്ടെ.