ഉണർവിൻ പൊൻകിരണങ്ങൾ:The awakening golden rays-168

നമ്മുടെയൊക്കെ ജീവിതത്തിൽ ദുരിതം ഏതു നിമിഷവും കടന്നുവന്നേക്കാം.

പല ദുരിതങ്ങളും നമ്മുടെയൊക്കെ ജീവിതത്തിൽ കടന്നു വരുന്നത് നമ്മുടെയോ മറ്റുള്ളവരുടെയോ ശ്രദ്ധയില്ലായ്മകൊണ്ടാണ്.

നമ്മൾ നേരിട്ടുകൊണ്ടിരിക്കുന്ന ദുരിതങ്ങളെല്ലാം തന്നെ ഒരു സമയപരിധിക്കുശേഷം മാത്രമേ നമ്മളിൽ നിന്നും അകലുകയുള്ളു.

മറ്റൊരാൾക്ക്‌ ദുരിതം ഉണ്ടാകുന്നതു കാണുമ്പോൾ സന്തോഷിക്കുകയോ അവരെ പരിഹസിക്കുകയോ ചെയ്യരുത്, നാളെകളിൽ നമ്മൾക്കും ദുരിതങ്ങളെ നേരിടേണ്ടി വന്നേക്കാം, അപ്പോഴായിരിക്കും ഒരുപക്ഷെ മറ്റുള്ളവർ അനുഭവിക്കുന്ന വേദന എത്രത്തോളം ആയിരുന്നുവെന്ന് തിരിച്ചറിയാൻ കഴിയുകയുള്ളു.

നമ്മൾ നേരിട്ടുകൊണ്ടിരിക്കുന്ന ദുരിതങ്ങളെ നേരിടാൻ ചുറ്റിലുമുള്ളവരുടെ സഹായം പല സാഹചര്യത്തിലും ഒരുപക്ഷെ ആവശ്യമായി വന്നേക്കാം.

നമ്മുടെ ഭാഗത്തുനിന്നുള്ള പരിശ്രമംകൂടി ഉണ്ടെങ്കിൽ മാത്രമേ ഏതു ദുരിതത്തിൽ നിന്നായാലും പരിപുർണ്ണമായ മോചനം നേടാൻ ഒരുപക്ഷെ സാധിക്കുകയുള്ളു.

എല്ലാ മനുഷ്യരുടെയും ആഗ്രഹം ജീവിതത്തിൽ ഒരിക്കലും ദുരിതം അനുഭവിക്കാൻ ഇടവരുത്തല്ലേ എന്നായിരിക്കും ഒരുപക്ഷെ.

സ്വന്തം ജീവിതത്തിൽ അനുഭവിക്കുന്ന ദുരിതങ്ങൾ ഇന്നിപ്പോൾ ആരുമായിട്ടും പങ്കുവെക്കാതെ പലരും ഉള്ളിൽ ഒതുക്കി ജീവിക്കുകയാണ്, എത്രയധികം മാനസികമായ വിഷമമായിരിക്കും അവരെല്ലാം ഒരുപക്ഷെ നാളിതുവരെയായി അനുഭവിച്ചിട്ടുണ്ടാകുക.ദുരിതങ്ങളിൽ നിന്നും മോചനം കിട്ടാൻ ശരിയായ വിധത്തിലുള്ള പരിഹാരം കണ്ടെത്തേണ്ടതുണ്ട്, അതിന് മറ്റുള്ളവരെ ആശ്രയിക്കേണ്ടി വന്നേക്കാം.

മറ്റുള്ളവരുടെ ഭാഗത്തുനിന്നുള്ള മോശമായ പ്രവർത്തികൾ നമ്മളെ ദുരിതം നിറഞ്ഞ ജീവിതത്തിലേക്ക് തള്ളിവിടാൻ ഒരിക്കലും അനുവദിച്ചുകൂടാ.

ദുരിതങ്ങളെ വേണ്ടവിധത്തിൽ കൈകാര്യം ചെയ്യാൻ നമ്മൾ ഓരോരുത്തരും പഠിക്കേണ്ടതുണ്ട്.

ദുരിതങ്ങൾ ഉണ്ടാവാതിരിക്കാൻ നമ്മുടെ ഭാഗത്തുനിന്നുള്ള ശ്രദ്ധ നമ്മൾ ചെയ്യുന്ന ഓരോ കാര്യത്തിലും ഉണ്ടാവേണ്ടതുണ്ട്.

നമ്മുടെയൊക്കെ ജീവിതത്തിൽ ഒരിക്കലും ദുരിതം ഉണ്ടാവില്ലായെന്ന് ആർക്കും ഉറപ്പ് പറയാൻ കഴിയത്തില്ലല്ലോ.

ദുരിതം നിറഞ്ഞ ജീവിതത്തിൽ നിന്നും രക്ഷനേടേണ്ടത് വളരെ ആവശ്യമാണ്.

ജീവിതകാലം മുഴുവൻ അനാവശ്യമായ ദുരിതങ്ങൾ തോളിൽ വഹിച്ചു നടക്കേണ്ടതില്ലല്ലോ.

മറ്റുള്ളവരുടെ ജീവിതത്തിൽ ഉണ്ടാകുന്ന ദുരിതങ്ങളെ, നമ്മളുടെ ജീവിതത്തിലേക്ക് കൂടി സ്വീകരിക്കണോ വേണ്ടയോ എന്നതെല്ലാം ഓരോരുത്തരുടെയും ഇഷ്ടമാണ്.ദുരിതങ്ങൾ ഉണ്ടാകുമ്പോൾ  ബന്ധങ്ങൾ ഉപേക്ഷിച്ചു പോകുന്നവരും, ബന്ധങ്ങൾ ഉപേക്ഷിച്ചു പോകാത്തവരും നമ്മുടെ ചുറ്റിലുമുണ്ട്.

നാളിതുവരെയായി അനുഭവിച്ച ദുരിതങ്ങൾ എല്ലാം തന്നെ ഒരുപക്ഷെ പലർക്കും മുന്നോട്ട് എത്രയധികം ദുരിതം വന്നാലും നേരിടാനുള്ള കരുത്ത് നൽകിയിട്ടുണ്ട്.

പരമാവധി ദുരിതങ്ങൾ ഇല്ലാതെയാകാൻ നമ്മളുടെ ഭാഗത്തുനിന്നുള്ള നിരന്തരപരിശ്രമം മതി.

നമ്മളായിട്ട് ആർക്കും മനഃപൂർവം ദുരിതം സൃഷ്ടിക്കാതിരിക്കുക.

സ്വന്തം ജീവിതത്തിൽ എത്രയേറെ ദുരിതം അനുഭവിക്കേണ്ടി വന്നാലും മറ്റുള്ളവരുടെ ജീവിതത്തിൽ ദുരിതങ്ങൾ ഉണ്ടാവാൻ ഒരിക്കൽപോലും ആഗ്രഹിക്കാതിരിക്കുക.ദുരിതം നിറഞ്ഞവരുടെ വേദന പലപ്പോഴും പറഞ്ഞറിയിക്കാൻ കഴിയാത്തതാണ്.

നമ്മുടെ ചുറ്റിലും ദുരിതങ്ങൾ ഉണ്ടാകുമ്പോൾ നമ്മളെകൊണ്ട് ആകുന്നതുപോലെ സഹായം നൽകാൻ നമ്മൾ ഓരോരുത്തർക്കും സാധിക്കട്ടെ.

നമ്മുടെ ഓരോരുത്തരുടെയും നല്ല പ്രവർത്തികൾ വഴിയായി ലോകത്തിൽ നിന്നും ദുരിതങ്ങൾ ഇല്ലാതെയാകട്ടെ.

മുന്നോട്ട് ഒന്നും ചെയ്യാതെ അലസരായിരുന്നാൽ ദുരിതം നമ്മുടെയൊക്കെ ജീവിതത്തിൽ ഏതുനിമിഷവും ക്ഷണിക്കാതെ ഒരുപക്ഷെ കടന്നു വന്നേക്കാം.

ദുരിതം സ്വന്തം ജീവിതത്തിൽ/വേണ്ടപ്പെട്ടവരുടെ ജീവിതത്തിൽ വരുന്നത് ആർക്കും തന്നെ സന്തോഷം നൽകുന്ന കാര്യമല്ലല്ലോ.

ഓരോ ദുരിതവും ഓരോരുത്തരിലും ഉണ്ടാക്കുന്ന വേദന വ്യത്യസ്തമാണ്.എല്ലാവർക്കും അവർ അനുഭവിക്കുന്ന ദുരിതങ്ങളെ വേണ്ടവിധത്തിൽ കൈകാര്യം ചെയ്യാൻ സാധിച്ചെന്നു വരില്ല.എല്ലാവർക്കും എല്ലാ കാര്യത്തിലും അറിവ് ഉള്ളവർ ആകണം എന്നില്ലല്ലോ.

പല സന്ദർഭത്തിലും മുന്നോട്ടുള്ള വളർച്ചക്ക് ദുരിതങ്ങളെ സഹിക്കാൻ, നേരിടാൻ, പൊരുത്തപ്പെടാൻ തയ്യാറാകേണ്ടതുണ്ട്.

നമ്മൾ നേരിട്ടുകൊണ്ടിരിക്കുന്ന ദുരിതത്തെ അതിജീവിക്കാൻ മുന്നോട്ടു വ്യക്തമായ പദ്ധതി തയ്യാറാക്കേണ്ടതുണ്ട്.

ജീവിതത്തിൽ ഉണ്ടാകുന്ന അപ്രതീക്ഷിത സംഭവങ്ങൾ നമ്മൾക്ക് ഒരുപക്ഷെ ദുരിതങ്ങൾ സമ്മാനിച്ചേക്കാം. നമ്മൾ നേരിട്ടുകൊണ്ടിരിക്കുന്ന ദുരിതങ്ങളെ അതിജീവിക്കുവാൻ തളരാതെ പൊരുതുക.

ഇന്നേലകളിലെ ദുരിതങ്ങളെ ശരിയായ വിധത്തിൽ കൈകാര്യം ചെയ്തവർക്ക് ഇന്നിപ്പോൾ ഒത്തിരി നേട്ടങ്ങൾ നേടാൻ കഴിഞ്ഞിട്ടുണ്ട്, അവരാരും തന്നെ ദുരിതം ഉണ്ടായപ്പോൾ വെറുതെ നിരാശപ്പെട്ടുകൊണ്ട് തളർന്നിരിക്കാൻ തയ്യാറായില്ല, തങ്ങളുടെ കഴിവിന്റെ പരമാവധി ദുരിതത്തെ നേരിടാൻ പരിശ്രമിച്ചുകൊണ്ടിരുന്നു.

നമ്മൾ ഇന്ന് അനുഭവിക്കുന്ന എത്ര വലിയ ദുരിതവും നാളെകളിൽ ഇല്ലാതെയാകുമെന്നുള്ള പ്രതീക്ഷയിൽ നിരന്തരം നേരായ രീതിയിൽ പരിശ്രമിക്കാൻ നമ്മൾ ഓരോരുത്തർക്കും സാധിക്കട്ടെ.

ദുരിതങ്ങളെ നേരിടാൻ മാനസികമായും ശാരീരികമായും കരുത്തുനേടാൻ നമ്മൾ എല്ലാവർക്കും സാധിക്കട്ടെ.