ഉണർവിൻ പൊൻകിരണങ്ങൾ:The awakening golden rays-170

നമ്മളിൽ പലരും എത്രയേറെ തവണ ദൃഢനിശ്ചയം എടുത്താൽ പോലും പല വെല്ലുവിളികൾ നിറഞ്ഞ സാഹചര്യത്തിലും നമ്മളിൽ നിന്നും അകന്നുപോകാറുണ്ട്.

പ്രയാസങ്ങൾ വർധിക്കുന്തോറും,ആസ്‌കതി ഉണ്ടാകുമ്പോഴും, അലസതമൂലവും മറ്റു പല കാരണങ്ങൾകൊണ്ടും പലരും തങ്ങളുടെ ദൃഢനിശ്ചയങ്ങൾ ഒരുപക്ഷെ ഒഴിവാക്കാറുണ്ട്.

നമ്മൾ എടുക്കുന്ന ഓരോ ദൃഢനിശ്ചയവും പ്രവർത്തികമാക്കാൻ വേണ്ട രീതിയിലുള്ള പരിഗണന ദൃഢനിശ്ചയം വേണ്ട കാര്യങ്ങൾക്ക് നൽകേണ്ടതുണ്ട്.

സമയബന്ധിതമായി ഓരോ കാര്യവും പൂർത്തിയാക്കാൻ ദൃഢനിശ്ചയം വളരെയധികം ആവശ്യമാണ്.

തെറ്റുകളെ ഒഴിവാക്കി ശരികളുമായി മുന്നോട്ടു സഞ്ചരിക്കുവാൻ ഒരുപരിധിവരെയെങ്കിലും ദൃഢനിശ്ചയം ആവശ്യമാണ്.

മുന്നോട്ടു നമ്മളുടെ ലക്ഷ്യം നേടിയെടുക്കാൻ ദൃഢനിശ്ചയം ഒരുപക്ഷെ ഒഴിവാക്കാൻ പാടില്ലാത്തതാണ്.

പലരുടെയും ജീവിതത്തിൽ നേട്ടങ്ങൾ സ്വന്തമാക്കാൻ കഴിഞ്ഞിട്ടുള്ളത്, ഒരുപക്ഷെ അവരൊക്കെ തങ്ങളുടെ ജീവിതത്തിൽ പ്രതിസന്ധികളും പ്രയാസങ്ങളും ഉണ്ടായപ്പോൾ പോലും അവരെടുത്ത ദൃഢനിശ്ചയത്തിൽ നിന്നും പിന്മാറാത്തതുകൊണ്ടായിരിക്കാം.

കാലങ്ങളോളം ഉയർച്ചകൾ ഉണ്ടാകണമെങ്കിൽ ചില കാര്യത്തിൽ ദൃഢനിശ്ചയം ഉണ്ടാവേണ്ടതുണ്ട്.

പലപ്പോഴും ദൃഢനിശ്ചയം എടുക്കുവാൻ ചുറ്റിലുമുള്ള സാഹചര്യത്തോട് പൊരുതേണ്ടതായിട്ട് വരും.

നമ്മളുടെ ഇന്നത്തെ വളർച്ചക്കുപിന്നിൽ ഇന്നലെകളിൽ നമ്മളെടുത്ത ദൃഢനിശ്ചയം ആയിരിക്കാം കാരണം.

എത്രയെത്ര മോഹനവാഗ്ദാനം നൽകിയാൽ പോലും പലരും വീണുപോകാത്തത് അവരെടുത്ത ദൃഢനിശ്ചയമാണ്.

നല്ല കാര്യങ്ങൾ നടപ്പിൽ വരുത്താൻ ദൃഢനിശ്ചയം വേണ്ടപ്പെട്ടവർ എടുത്തിരുന്നുവെങ്കിൽ ഈ ലോകം എത്ര സുന്ദരമായേനെ.

ഒരേ ഉത്പന്നം തന്നെ പല വിലക്ക് വിൽക്കുന്നവരുണ്ട്, ചെറിയ വിലക്ക് വിൽക്കുന്നവർക്ക് വളരെയേറെ ദൃഢനിശ്ചയം എടുത്തെങ്കിൽ മാത്രമേ മറ്റുള്ള കച്ചവടക്കാരെ അപേക്ഷിച്ചു കുറഞ്ഞവിലക്ക് കച്ചവടം തുടർന്നുപോകുവാൻ ഒരുപക്ഷെ കഴിയുകയുള്ളു.

ഏതു രംഗത്ത് ആയാൽപോലും ദൃഢനിശ്ചയം നമ്മുടെയൊക്കെ ജീവിതത്തിൽ വിജയം നേടാൻ വളരെയേറെ അനിവാര്യമാണ്.

പഠനത്തിൽ മുന്നേറാൻ, ജോലി മേഖലയിൽ ഉയർച്ച പ്രാപിക്കാൻ തടസ്സമായവ ഉപേക്ഷിക്കാൻ ദൃഢനിശ്ചയം വളരെയേറെ ആവശ്യമാണ്.

നമ്മൾ എടുക്കുന്ന ഓരോ ദൃഢനിശ്ചയവും പ്രവർത്തിയിൽ കൊണ്ടുവന്നു വിജയം നേടിയെടുക്കാൻ നമ്മൾ ഓരോരുത്തർക്കും കഴിയട്ടെ.

നമ്മൾ എടുക്കുന്ന ദൃഢനിശ്ചയങ്ങൾ ഓരോന്നും ശരിയുടേതാവണം.തെറ്റായ ദൃഢനിശ്ചയങ്ങൾ കാലതാമസമില്ലാതെ ഉപേക്ഷിക്കാൻ, മാറ്റങ്ങൾ വരുത്താൻ തയ്യാറാകണം.

ഏതു നല്ല കാര്യത്തിനുവേണ്ടിയാണോ നമ്മൾ ദൃഢനിശ്ചയമെടുക്കുന്നത് അതു പൂർത്തിയാക്കുന്നതുവരെ നമ്മൾ എടുക്കുന്ന ദൃഢനിശ്ചയത്തെ ഉപേക്ഷിക്കാതിരിക്കുക.

നമ്മൾ എടുക്കുന്ന നല്ല ദൃഢനിശ്ചയം മുന്നോട്ടു കൊണ്ടുപോകുന്നത് പല സാഹചര്യത്തിലും വളരെയേറെ ദുഷ്കര മാണെങ്കിൽ പോലും വിജയം നേടുന്നത് വരെയും ദൃഢനിശ്ചയം ആവശ്യമാണ്.

നമ്മുടെയും മറ്റുള്ളവരുടെയും ജീവിതത്തിൽ വേദനകൾ സമ്മാനിക്കുന്നതരത്തിൽ ദൃഢനിശ്ചയം എടുക്കാതിരിക്കാൻ ശ്രദ്ധിക്കുക.

കാലത്തിനു അനുസരിച്ചു ദൃഢനിശ്ചയത്തിൽ ആവശ്യമെങ്കിൽ മാറ്റങ്ങൾ വരുത്തുക.

ദൃഢനിശ്ചയങ്ങൾ ഒഴിവാക്കേണ്ടതും പരിഗണിക്കേണ്ടതുമായ സാഹചര്യം നമ്മുടെയൊക്കെ ജീവിതത്തിൽ പലപ്പോഴായി വന്നുചേരാം, അവിടെയെല്ലാം ഉചിതമായ തീരുമാനം നമ്മൾക്ക് സാധിക്കട്ടെ.

നമ്മൾ എടുക്കുന്ന ഓരോ ദൃഢനിശ്ചയവും നേർവഴിയിൽ മുന്നോട്ട് സഞ്ചരിക്കുന്നതിനു കരുത്ത് പകർന്നു നൽകുന്നതാകട്ടെ.

നമ്മൾ എടുക്കുന്ന ഓരോ ദൃഢനിശ്ചയവും നമ്മളുടെ വളർച്ചക്ക് സഹായകരമാകുന്നുണ്ടോയെന്ന് ഇടയ്ക്കിടെ പരിശോധിച്ചു നോക്കേണ്ടതുണ്ട്.

നേരായ വഴിയിലൂടെ സഞ്ചരിക്കാൻ, നമ്മൾ എടുക്കുന്ന നേരായ ദൃഢനിശ്ചയത്തെ കരുത്തോടെ മുന്നോട്ടു കൊണ്ടുപോകുവാൻ നമ്മൾ ഓരോരുത്തർക്കും കഴിയട്ടെ.