ഉണർവിൻ പൊൻകിരണങ്ങൾ:The awakening golden rays-181

ജീവിതത്തിൽ മുന്നേറ്റം ആഗ്രഹിക്കാത്തവരായി ആരും തന്നെ നമ്മൾക്കിടയിൽ കാണുകയില്ലല്ലോ.

മുന്നേറ്റം എല്ലാ മേഖലയിൽ ആയാലും വ്യക്തിജീവിതത്തിൽ ആയാലും വളരെയധികം ആവശ്യമാണ്.

പലപ്പോഴും മുന്നേറാൻ ഒരുപാട് തടസ്സങ്ങൾ ഉണ്ടായെന്നു വന്നേക്കാം. സ്ഥിരോത്സാഹവും ദൃഢനിശ്ചയവും കഠിനമായ പരിശ്രമവും ആവശ്യമായി വന്നേക്കാം ജീവിതത്തിൽ മുന്നേറാനായിട്ട്.

നല്ല കാര്യങ്ങളിൽ ശക്തമായ ഇടപെടൽ നടത്തിയാൽ മാത്രമേ മുന്നേറ്റം ഒരുപക്ഷെ ഉണ്ടാവുകയുള്ളൂ.

മുന്നേറ്റത്തിനായി ശ്രമിക്കുമ്പോൾ പലരിൽ നിന്നും നിരുത്സാഹപ്പെടുത്തലുകളും, നെഗറ്റീവ് വാക്കുകളും, കുറ്റപ്പെടുത്തലുകളും ഒരുപക്ഷെ കേൾക്കേണ്ടി വന്നേക്കാം അവയെയെല്ലാം ശ്രദ്ധയോടെ അതിജീവിക്കേണ്ടതായിട്ടുണ്ട്.

മുന്നേറ്റം വേണമെന്ന് ആഗ്രഹിക്കാത്തവർ ആരും തന്നെയില്ല, പക്ഷെ എങ്കിൽ അതിനുവേണ്ടി ആത്മാർഥമായി പരിശ്രമിക്കാൻ നമ്മളിൽ പലർക്കും ഒരുപക്ഷെ സാധിക്കുന്നുണ്ടാകില്ല.

മുന്നേറ്റത്തിനായി പരിശ്രമിക്കുമ്പോൾ തടസ്സങ്ങൾ ഉണ്ടായെന്നു വരാം, പരാജയങ്ങൾ ഉണ്ടായെന്നു വരാം, അതിലൊന്നും തളരാതെ പരിശ്രമിക്കാൻ നമ്മൾ ഓരോരുത്തർക്കും കഴിയേണ്ടതുണ്ട്.

ആരോഗ്യം, ശാസ്ത്രസാങ്കേതികം, വിഞ്ജാ നം, വിദ്യാഭാസം , കമ്മ്യൂണിക്കേഷൻ, യാത്ര, പാർപ്പിടം, തൊഴിൽ അങ്ങനെ ഒത്തിരി മേഖലകളിൽ മുന്നേറ്റം അനുദിനം നടന്നുകൊണ്ടിരിക്കുന്നു, അതിന്റെയെല്ലാം ഫലങ്ങളാണ് നമ്മൾ ഓരോരുത്തരും അനുഭവിക്കുന്നത്.

ഒരിടത്തു മുന്നേറ്റം ഉണ്ടാകുമ്പോൾ മറുവശത്തു ഒരുപക്ഷെ പിന്നോട്ട് ആയെന്ന് വന്നേക്കാം.

മുന്നേറാനായി കഴിവിന്റെ പരമാവധി ശ്രമിക്കുന്നുണ്ടെങ്കിൽ പോലും പലരുടെയും പിടിവാശികൾ മുന്നേറാൻ ഒരുപക്ഷെ തടസ്സമായിട്ട് വരാറുണ്ട്.ശരിയാ യ വിധത്തിൽ തടസങ്ങളെ അതിജീവിക്കുക.

നമ്മൾ ഓരോരുത്തരും ശാരീരികമായും മാനസികമായും കരുത്തു നേടേണ്ടത് ഇന്നിന്റെ ആവശ്യമാണ്.

പലർക്കും കഴിഞ്ഞ കാലങ്ങളിൽ ആവശ്യമായ മേഖലയിൽ മുന്നേറാൻ കഴിയാതെ പോകുന്നത് അവരുടെ ജീവിതത്തിൽ വളരെയേറെ നിരാശക്ക് ഒരുപക്ഷെ കാരണമായി തീരാറുണ്ട്.

കഴിഞ്ഞ കാലങ്ങളിൽ നമ്മൾ ഓരോരുത്തരും നഷ്ടപ്പെടുത്തിയ സമയം നമ്മൾക്ക് ഇനി ഒരിക്കലും തിരിച്ചു കിട്ടില്ല, ഇപ്പോൾ നമ്മൾക്ക് ലഭിക്കുന്ന സമയം നാളെകളിൽ നമ്മൾക്ക് കിട്ടില്ല എന്ന് തിരിച്ചറിയുക, ഇന്ന് ഈ നിമിഷം മുതൽ നമ്മൾ ഓരോരുത്തരും സമയം പാഴാക്കില്ലെന്ന് ദൃഢനിശ്ചയം എടുക്കുക, ഏതു വെല്ലുവിളികളെയും സധൈര്യം നേരിടാൻ നിരന്തരം കരുത്തു നേടിക്കൊണ്ടിരിക്കുക.

ഏതു മേഖലയിൽ ആണെങ്കിലും പിന്നോട്ട് പോകാൻ, പിന്മാറാൻ വളരെ എളുപ്പമാണ്, നേട്ടങ്ങൾ സ്വന്തമാക്കാൻ, മുന്നേറാൻ കഷ്ടപ്പെടുക തന്നെ വേണം.

നമ്മൾ ഓരോ കാര്യവും ചെയ്യുന്നതിനായി മുന്നിട്ടിറങ്ങുന്നതിനു മറ്റുള്ളവരുടെ ഭാഗത്തു നിന്നുള്ള പ്രോത്സാഹനം ഒരിക്കലും പ്രതീക്ഷിച്ചിരിക്കരുത്.നമ്മൾ ആഗ്രഹിച്ചതുപോലെ ആരിൽ നിന്നും ഒരുപക്ഷെ പ്രോത്സാഹനം ലഭിക്കണം എന്നില്ല.

എത്രയോ നല്ല കാര്യങ്ങളാണ്, അവസരങ്ങളാണ് നമ്മൾ ഓരോരോത്തരും ഒരുപക്ഷെ നാളിതുവരെയായി നഷ്ടപ്പെടുത്തിയിട്ടുണ്ടാകുക.

ഇനിയെങ്കിലും തിരിച്ചറിയുക നമ്മൾക്കുണ്ടായ നഷ്ടങ്ങൾ നമ്മുടേത് മാത്രമാണ്, മറ്റുള്ളവരുടെ കളിയാക്കലുകൾക്ക് മുന്നിൽ നമ്മൾ നമ്മളുടെ നല്ല കഴിവുകൾ പുറത്തെടുക്കാതിരുന്നാൽ, പരിശ്രമിക്കാതിരുന്നാൽ നാളെകളിൽ അതെല്ലാം നമ്മൾക്ക് തന്നെ സങ്കടത്തിനു കാരണമായേക്കാം.

ലോകത്തിനു ഇനിയും  വളരെയധികം മുന്നേറ്റം ആവശ്യമാണ്. പല മേഖലകളിലും പരിപൂർണ്ണത നേടിയെടുക്കാൻ കഠിനമായ പരിശ്രമം തന്നെ നടത്തേണ്ടതായിട്ടുണ്ട്.

സ്ഥിരമായ പരിശീലനമാണ് നമ്മളെ ചെയ്യുന്ന കാര്യത്തിൽ മികവുള്ളവരാക്കുന്നത്.

നമ്മുടെയൊക്കെ ഈ ലോകത്തുള്ള ജീവിതം വളരെ ചുരുങ്ങിയ കാലയളവ് മാത്രമാണ് ഏറിപോയാൽ 100 വർഷം ഒരുപക്ഷെ ആയുസ്സ് കിട്ടിയേക്കാം, നമ്മുടെ ഓരോ പ്രവർത്തനവും നമ്മുടെയും നമ്മുടെ ചുറ്റിലുമുള്ളവരുടെയും മുന്നേറ്റത്തിന് വേണ്ടിയാകട്ടെ.

ഇന്നലെകളിൽ നമ്മൾക്കുണ്ടായ നഷ്ടങ്ങളെയോർത്തുകൊണ്ടു നിരാശപ്പെട്ടിരിക്കാതെ, തളരാൻ അനുവദിക്കാതെ നിരന്തരം നമ്മൾക്കും നമ്മളുടെ ചുറ്റിലുമുള്ളവർക്കും മുന്നേറാൻ സഹായകരമായ പ്രവർത്തനങ്ങളുമായി മുന്നോട്ട് പോകുവാൻ നമ്മൾ എല്ലാവർക്കും കഴിയട്ടെ.