ഉണർവിൻ പൊൻകിരണങ്ങൾ:The awakening golden rays-182

ജീവിതത്തിൽ ഓരോ നിമിഷവും മാറ്റങ്ങൾ സംഭവിച്ചുകൊണ്ടിരിക്കുന്നു.

ഒരുപക്ഷെ ചില മാറ്റങ്ങൾ മാത്രമേ നമ്മളിൽ പലരും തിരിച്ചറിയുന്നുള്ളു.എല്ലാ മാറ്റങ്ങളും തിരിച്ചറിയാൻ മനുഷ്യർക്ക് ഒരുപാട് പരിമിതികളുണ്ട്.

ലോകം ഇന്ന് ഉള്ളതുപോലെ അല്ല നാളെ കാണാൻ കഴിയുക, ഒത്തിരി മാറ്റങ്ങൾ അതിവേഗം നമ്മൾ ജീവിക്കുന്ന ലോകത്തു സംഭവിച്ചുകൊണ്ടിരിക്കുകയാണ്.

100 വർഷങ്ങൾ പുറകിലോട്ട് ചരിത്രതാളുകളിലൂടെ സഞ്ചരിച്ചുകഴിഞ്ഞാൽ ഒത്തിരി മാറ്റങ്ങൾ അന്നും ഇന്നും തമ്മിൽ ഉണ്ടെന്ന് മനസ്സിലാക്കാൻ കഴിയും.

ഇന്നിപ്പോൾ ടെക്നോളജി ഒരുപാട് വളർന്നു, മനുഷ്യരുടെ പല മേഖലയിലുമുള്ള ജോലി ഭാരം കുറഞ്ഞു.

നമ്മുടെ ജീവിതത്തിൽ നല്ല മാറ്റങ്ങൾ ഉണ്ടാവണം എങ്കിൽ നമ്മൾ തന്നെ മുൻകൈ എടുക്കേണ്ടതുണ്ട്.

മറ്റൊരാളെ ഉപദേശിച്ചുകൊണ്ടോ, ശിക്ഷ നൽകിയതുകൊണ്ടോ, ശകാരിച്ചതുകൊണ്ടോ അയാളിൽ പരിപുർണ്ണമായ മാറ്റം ഉണ്ടാവണം എന്ന് യാതൊരു നിർബന്ധം ഇല്ല.

ജീവിതത്തിൽ നല്ല മാറ്റങ്ങൾ ആഗ്രഹിക്കാത്ത മനുഷ്യരുണ്ടാവില്ല.

നേട്ടങ്ങൾക്ക് വേണ്ടി പരിശ്രമിക്കാനുള്ള വിമുഖതയാണ് നമ്മളെ വിജയത്തിൽ നിന്നും അകറ്റികൊണ്ടിരിക്കുന്നത്.

നേട്ടങ്ങൾ സ്വന്തമാക്കാൻ ഒത്തിരി കഷ്ടപ്പെടുന്ന ആളുകളുണ്ട് നമ്മുടെ ചുറ്റിലും.

അവരെടുക്കുന്ന ദൃഢനിശ്ചയമാണ് അവരെ മുന്നോട്ട് നയിക്കുന്ന ശക്തി.

ലോകത്തെ ചെറുതായി എങ്കിലും മാറ്റിമറിക്കാൻ ഒരാളെ കൊണ്ടു കഴിയും, നമ്മുടെ ചരിത്രം പരിശോധിച്ചാൽ എത്രയെത്ര വ്യക്തികളെ കാണാൻ സാധിക്കും നമുക്ക് മാതൃകയാക്കാനായിട്ട്.

കൂട്ടായ പരിശ്രമം ഉണ്ടെങ്കിൽ നല്ല മാറ്റങ്ങൾ നമ്മുടെ ചുറ്റിലും കൊണ്ടുവരാൻ നമ്മളിൽ പലർക്കും കഴിയും.

ജീവിതം നമ്മൾക്ക് ഒരുപാട് അവസരങ്ങൾ നൽകുന്നുണ്ട്, അവയെ നമ്മൾ എങ്ങനെ പ്രയോജനപെടുത്തുന്നു എന്നതിലാണ് കാര്യം.

ഉണർന്നു പ്രവർത്തിക്കുക എങ്കിലാണ് മാറ്റങ്ങൾ സാധ്യമാകുള്ളൂ.

ലോകത്തിൽ നമ്മളെകൊണ്ടു കഴിയാവുന്ന നല്ല കാര്യങ്ങൾ ചെയ്തുകൊണ്ടിരിക്കുക.നമ്മൾ ചെയ്യുന്ന നല്ല കാര്യങ്ങൾക്ക് ഉടനടി ഫലം ഉണ്ടാവണം എന്നില്ല, വർഷങ്ങൾ എടുത്തേക്കാം.

നമ്മുടെ പൂർവികർ മരങ്ങൾ നാട്ടുപിടിപ്പിച്ചതുകൊണ്ടാണ് ഇന്നിപ്പോൾ വർഷങ്ങൾ പഴക്കമുള്ള ഫലവൃക്ഷങ്ങളിൽ നിന്നും ഫലങ്ങൾ ലഭിച്ചുകൊണ്ടിരിക്കുന്നത്, അന്ന് അവർ തങ്ങൾക്ക് ശേഷം വരുന്ന തലമുറയെപറ്റി ചിന്തിച്ചു.

നിരന്തരം ശ്രമിച്ചാൽ മാത്രമേ നല്ല മാറ്റങ്ങൾ സ്വന്തമാക്കാൻ ഒരുപക്ഷെ സാധിക്കുകയുള്ളു.

ഒരുപാട് മനുഷ്യർ അവർ കണ്ട ലക്ഷ്യം നേടിയെടുക്കാൻ ഒരുപാട് വർഷങ്ങൾ കാത്തിരുന്നിട്ടുണ്ട്. പിന്മാറാതെയുള്ള അവരുടെ പരിശ്രമം ഒടുവിൽ വിജയം കണ്ടു. ഒരുപാട് വിമർശനങ്ങളെയും കളിയാക്കലുകളെയും പ്രതിസന്ധികളെയും അതിജീവിച്ചുകൊണ്ടാണ് അവരിൽ പലരും ഒരുപക്ഷെ നേട്ടങ്ങൾ സ്വന്തമാക്കിയത്.

ഉള്ളിൽ  അതിശക്തമായ ആഗ്രഹം ഉണ്ടാകണം, അവനവനിൽ നല്ല മാറ്റങ്ങൾ ഉണ്ടാവാനായിട്ട്. മറ്റുള്ളവരിൽ നിന്നും കേൾക്കേണ്ടി വരുന്ന നെഗറ്റീവ് കാര്യങ്ങളിൽ മനസ്സ് വിഷമിച്ചു തളരാൻ ഒരിക്കലും അനുവദിക്കരുത്.

എപ്പോഴും നല്ല മാറ്റങ്ങൾക്കായി ശ്രമിച്ചുകൊണ്ടിരിക്കുക. ഒരുനാൾ വിജയം സ്വന്തമാക്കാൻ നമ്മൾ എല്ലാവർക്കും സാധിക്കട്ടെ.

ഇന്ന് ഈ നിമിഷം മാത്രമേ നമ്മുടെ പക്കലുള്ളു, അടുത്ത നിമിഷം നമ്മൾക്ക് ഉണ്ടോ ഇല്ലയോ എന്നറിഞ്ഞുകൂടാ.

ലോകത്തിനുവേണ്ടി നല്ല കാര്യങ്ങൾ ചെയ്യാൻ ശ്രമിക്കാം, നല്ല മാറ്റങ്ങൾ നമ്മുടെ ചുറ്റിലും കൊണ്ടു വരാൻ ശ്രമിക്കാം.

നമ്മൾ വളരുന്നതിനൊപ്പം നമ്മുടെ ചുറ്റിലുമുള്ളവരെ നേരായ പാതയിൽ വളരാൻ സഹായിക്കുക.

നല്ല മാറ്റങ്ങൾ ജീവിതത്തിൽ കൊണ്ടുവരാൻ ഇനിയുള്ള കാലം എല്ലാവർക്കും സാധിക്കട്ടെ.