ഉണർവിൻ പൊൻകിരണങ്ങൾ:The awakening golden rays-25

നമ്മുടെ ചുറ്റിലും ദിനംപ്രതി എത്രയെത്ര അസാധാരണമായ കാര്യങ്ങളാണ് നടന്നു കൊണ്ടിരിക്കുന്നത്.

സംഭവിക്കാൻ പാടില്ലാത്ത അസാധാരണമായ കാര്യങ്ങൾ നടക്കുന്നതിനു പിന്നിൽ പലപ്പോഴും വില്ലൻ ആകുന്നത് ശ്രദ്ധയില്ലായ്‌മയാണ്.

സാധാരണ ഒരിക്കലും ഉണ്ടാവാത്ത കാര്യങ്ങൾ അസാധാരണം ആയിട്ടുണ്ടെങ്കിൽ അവിടെ ശ്രദ്ധ സാധാരണയിൽ കവിഞ്ഞു കൂടുതൽ നൽകുന്നതുകൊണ്ടാണ്.

പ്രകൃതിയെ മനുഷ്യർ ചുഷണം ചെയ്തത് വഴിയായി കാലാവസ്ഥകളിൽ വലിയൊരു മാറ്റത്തിനും പ്രകൃതി ദുരന്തത്തിനും വരെ കാരണമായി.

നമ്മൾ ഇന്നെലെകളിലും ഇന്നുമായി വരുത്തുന്ന തെറ്റുകളുടെ ഫലം അനുഭവിക്കേണ്ടി വരിക, നാളെകൾ ആയിരിക്കും.

അറിഞ്ഞുകൊണ്ടും അറിയാതെയും മനുഷ്യർക്ക് തെറ്റുകൾ സംഭവിക്കാം.

മറ്റുള്ളവരുടെ കണ്ണിൽ നേടാൻ സാധിക്കാത്തത് നമ്മൾ നേടുമ്പോൾ അവർക്കൊക്കെ അതെല്ലാം അസാധാരണമായ കാര്യം ആയിട്ട് തോന്നുമെങ്കിലും നമ്മളെ സംബന്ധിച്ച് നമ്മൾക്ക് അതെല്ലാം സാധാരണമായ കാര്യങ്ങളാണ്.

ഉയർന്ന ലക്ഷ്യങ്ങളും നേട്ടങ്ങളും നമ്മുടെ ജീവിതത്തിൽ ഉണ്ടെങ്കിലാണ് അസാധാരണമായ കാര്യങ്ങൾ നേടിയെടുക്കാൻ സാധിക്കുകയുള്ളു.

മറ്റുള്ളവരുടെ മനസ്സിൽ അസാധാരണമായവ മറ്റൊരാൾ നേടിയിട്ടുണ്ടെങ്കിൽ അതിന്റെ പിന്നിൽ നല്ല കഷ്ടപ്പാട് ഉണ്ടായിട്ടുണ്ടാകും.

അപൂർവ്വമായി സംഭവിക്കുന്നത് നമ്മൾക്ക് എന്നും അസാധാരണമായ കാര്യമാണ്.

മുൻപൊന്നും കാണാത്ത കാഴ്ചകൾ, അനുഭവങ്ങൾ നമ്മൾക്ക് ഉണ്ടാവുമ്പോൾ അതെല്ലാം അസാധാരണമായവ ആയിരിക്കുമല്ലോ, അതുവരെ അത്തരം ഒരു സംഭവം മുൻപൊന്നും ഉണ്ടായതായിട്ട് അറിവിൽ ഇല്ലാത്തതുകൊണ്ട് അസാധാരണമായിട്ട് നമ്മൾക്ക് അനുഭവപ്പെടുന്നത്.

അസാധാരണമായവയെ ശരിയായ വിധത്തിൽ നേരിടാൻ നമ്മൾക്ക് കഴിയേണ്ടതുണ്ട്.

അസാധാരണമായവ നമ്മുടെയൊക്കെ ചുറ്റിലും ഏതു നിമിഷവും സംഭവിക്കാം, ആ സാഹചര്യം ശരിയായ വിധത്തിൽ കൈകാര്യം ചെയ്യാൻ നമ്മൾക്ക് ആകട്ടെ.