ഉണർവിൻ പൊൻകിരണങ്ങൾ:The awakening golden rays-26

ഈ ലോകത്ത് സാധ്യമാകുന്നതിനു തൊട്ട് മുൻപ് വരെ എല്ലാം അസാധ്യം ആയിരുന്നു.

നമ്മൾ ഈ ലോകത്തു വന്നത് നമ്മുടെ ആരുടെയും ഇഷ്ടപ്രകാരം അല്ലല്ലോ, ഈ ഭൂമിയിൽ നിന്നും പോകുന്നതും ഇഷ്ടം ആയിട്ടൊന്നും അല്ലല്ലോ.

പ്രശ്നങ്ങളിൽ നിന്നുമാണ് പലർക്കും പുതിയ സാധ്യതകൾ തുറന്നു കിട്ടുന്നത്.

നമ്മൾ പലർക്കും പല കാര്യങ്ങളും ഒരുപക്ഷെ അസാധ്യം ആണെന്ന് തോന്നുമെങ്കിലും പിന്നിട് നമ്മളിൽ പലർക്കും അതൊക്കെ വളരെ എളുപ്പം ആകുന്നത്, നമ്മൾ ആ കാര്യത്തിനുവേണ്ടി അത്രത്തോളം കഷ്ടപ്പെടാൻ ഒരുക്കമാകുമ്പോഴാണ്.

നമ്മുടെ മുന്നോട്ടുള്ള ഓരോ യാത്രയിലും പലരും നമ്മളോട് അസാധ്യം ആയിട്ടുള്ള കാര്യം ആണെന്നൊക്കെ പറഞ്ഞെന്നിരിക്കും, അവിടെ നമ്മൾ പരിശ്രമിക്കാതിരുന്നാൽ നമ്മൾ ഒരിക്കലും സാധ്യതയിലേക്ക് കടക്കില്ല.

നമ്മൾ ശ്രമിച്ചെങ്കിൽ മാത്രമേ നമ്മുടെ മുന്നിലുള്ള അസാധ്യതകൾ നമ്മളെ വിട്ടു അകലുകയുള്ളു.

ചില കാര്യങ്ങൾക്ക് ഒറ്റ നിമിഷം മതിയല്ലോ നേടാനും നഷ്ടപ്പെടാനും.

നമ്മൾ, നമ്മളുടെ സ്വന്തം വില മനസ്സിലാക്കി മുന്നോട്ടു യാത്ര ചെയ്യുക, നമ്മളെ തളർത്താനും നിരുത്സാഹപ്പെടുത്താനും പലരും ഉണ്ടായേക്കാം, അവിടെയെല്ലാം ഉത്തമ ആത്മവിശ്വാസത്തോടെ പ്രവർത്തിക്കാൻ നമ്മൾക്ക് കഴിയേണ്ടതുണ്ട്.

ഇന്ന് നമ്മൾ അനുഭവിക്കുന്നത് എന്തുമായികൊള്ളട്ടെ അതിന്റെ പിന്നിൽ ഒത്തിരി കഷ്ടപ്പാടുകൾ ആരുടെയെങ്കിലും ഭാഗത്തുനിന്നും ഉണ്ടായിട്ടുണ്ടാകും.

ഇന്ന് ഈ നിമിഷം മാത്രമാണ് നമ്മുടെ കയ്യിൽ ഉള്ളു, ഈ നിമിഷം കഴിഞ്ഞാൽ നമ്മൾ ഈ ഭൂമിയിൽ ഉണ്ടാകുമോ ഇല്ലയോഎന്നൊന്നും നമ്മൾ ആർക്കും ഉറപ്പ് പറയാൻ കഴിയില്ലല്ലോ.

ഇന്നലെകളിൽ അസാധ്യം എന്നു കരുതിയ പലതുമാണ് നമ്മൾ ഇന്നിപ്പോൾ അനുഭവിക്കുകയും കാണുകയും ചെയ്യുന്ന പല കാര്യങ്ങളും.