ഉണർവിൻ പൊൻകിരണങ്ങൾ:The awakening golden rays-31

നമ്മുടെ ഓരോ വിജയത്തിനുപിന്നിലും വിജയിക്കുമെന്നുള്ള നമ്മുടെ ആത്മവിശ്വാസമാണ് പ്രധാന കാരണം ആയിട്ടു മാറുന്നത്.

ആത്മവിശ്വാസം ഉണ്ടെങ്കിൽ നമ്മൾക്ക് പല രംഗങ്ങളിലും വിജയം നേടാൻ എളുപ്പം സാധിച്ചേക്കാം. കഴിഞ്ഞ നേട്ടങ്ങൾ നമ്മൾക്ക് മുന്നോട്ടു കൂടുതൽ ഉയരങ്ങൾ കീഴടക്കാനുള്ള ആത്മവിശ്വാസം പകർന്നു നൽകും.

പ്രതിസന്ധികളും, പരാജയങ്ങളും നമ്മുടെ ആത്മവിശ്വാസത്തെ ഇല്ലാതാക്കിയേക്കാം.

നഷ്ടങ്ങളിൽ തളരാതെ, ആത്മവിശ്വാസം മാത്രം കൈമുതലാക്കി മുന്നോട്ടു പോയി വിജയം നേടിയവരും നമ്മൾക്ക് ചുറ്റിലും ധാരാളം ഉണ്ടല്ലോ.

നമ്മൾ അനുഭവിച്ചതിന്റെ എത്രയോ മടങ്ങു കഷ്ടം അനുഭവിച്ചർ ഈ ലോകത്തുണ്ടായിട്ടുണ്ട്, അവരൊക്കെയും പരിശ്രമിക്കാൻ തയ്യാറായതുകൊണ്ടാണ് അവരുടെ ജീവിതത്തിൽ ഉയരങ്ങളിൽ എത്താൻ സാധിച്ചിട്ടുള്ളത്.

നമ്മുടെ ആത്മവിശ്വാസം നഷ്ടപ്പെടുത്തുന്ന കാര്യങ്ങളിൽ നിന്നും വിട്ടു നിൽക്കുക. ചിലരുടെ പെരുമാറ്റം, വാക്കുകൾ എല്ലാം തന്നെ നമ്മുടെ ആത്മവിശ്വാസത്തെ ഇല്ലാതാക്കാൻ കാരണം ആയേക്കാം, അതിന് സാഹചര്യം ഉണ്ടാവാൻ ഇടയാക്കാതിരിക്കുക.

ചെറുപ്പം മുതൽ നല്ല കഴിവുകളിൽ വേണ്ടത്ര പ്രോത്സാഹനം കൊടുത്തുകൊണ്ട് ആത്മവിശ്വാസം വളർത്തികൊണ്ടു വരുവാൻ കഴിയണം.

വേണ്ടത്ര പ്രോത്സാഹനവും അവസരങ്ങളും ലഭിക്കാതെ എത്രയോ വ്യക്തികളാണ്, അവരുടെ കഴിവുകൾ പുറത്തെടുക്കാതെ ഇരിക്കുന്നത്.

പലരുടെയും ജീവിതസാഹചര്യം മോശം ആയതിനാൽ, അവരുടെ കഴിവുകൾ ശരിയായ വിധത്തിൽ പുറത്തെടുക്കാൻ കഴിയാതെ പോകുന്നു.

നമ്മൾക്കു എന്തെങ്കിലും നേട്ടം കൈവരിക്കണമെങ്കിൽ അവരവരിൽ തന്നെ ആത്മവിശ്വാസം വേണ്ടതുണ്ട്.

ആത്മവിശ്വാസം നമ്മൾ തന്നെ ശ്രമിച്ചെങ്കിലെ കൊണ്ടു വരാൻ സാധിക്കുള്ളു. ആത്മവിശ്വാസം ഉണ്ടെങ്കിൽ ഏതു പ്രതിസന്ധികളെയും ധിരമായി ചെറുത്തു നിൽക്കാൻ സാധിച്ചേക്കും.

നഷ്ടങ്ങളെ, ദുഃഖങ്ങളെ അതിജീവിക്കുവാൻ നമ്മൾക്ക്, നമ്മളെ തന്നെ ആത്മവിശ്വാസം ഉണ്ടാവേണ്ടതുണ്ട്.

നമ്മളുടെ ആത്മവിശ്വാസവും നേട്ടങ്ങളും മറ്റുള്ളവർക്കും പ്രചോദനം ആകുന്നുണ്ട് പലപ്പോഴും.

ഒന്നും ഇല്ലാതിരുന്നിട്ടും ആത്മവിശ്വാസം കൊണ്ടു മാത്രം മുന്നോട്ടു പോയി വിജയം നേടിയ വ്യക്തികൾ നമ്മൾക്ക് ചുറ്റിലും കാണുമല്ലോ.

നമ്മുടെ ഓരോ പ്രവർത്തനങ്ങളും നമ്മുടെ ആത്മവിശ്വാസത്തെ വളർത്തുന്നതിനു കാരണം ആയിതീരണം.

ആത്മവിശ്വാസം എത്രത്തോളം നമ്മൾക്ക് കരുത്തുപകരുന്നുണ്ട് എന്നത് അനുസരിച്ചിരിക്കും നമ്മൾക്ക് ഉണ്ടാകുന്ന ഓരോ വിജയങ്ങളും.

ഏതു പ്രതികൂല സാഹചര്യത്തിലും തളരാതെ പൊരുതാൻ നമ്മൾക്ക് ആത്മവിശ്വാസം ഉണ്ടാവേണ്ടതുണ്ട്.

ആരുടെയും ആത്മവിശ്വാസം ഇല്ലാതാക്കുന്ന പ്രവർത്തികൾ നമ്മുടെ ഭാഗത്തുനിന്നും ഒരു കാരണവശാലും ഇല്ലാതിരിക്കട്ടെ.