ഉണർവിൻ പൊൻകിരണങ്ങൾ:The awakening golden rays-32

ആത്മാഭിമാനം വേണമെന്ന് ആഗ്രഹിക്കാത്ത മനുഷ്യരുണ്ടാവില്ല.

നാളിതുവരെയായി നമ്മൾക്ക് എന്തെങ്കിലും സ്വന്തമായി നേടിയെടുത്തതായിട്ട് ആത്മാഭിമാനത്തോടെ പറയാൻ സാധിക്കുന്നുണ്ടോ?.

ലോകത്തിൽ ഒന്നും തന്നെ സ്വന്തം ആയിട്ട് നേടിയെടുത്തില്ലായെങ്കിൽ പോലും അവർക്കൊക്കെ ഏതെങ്കിലും തരത്തിൽ ആത്മാഭിമാനം ഉണ്ടായികൂടാ എന്നില്ലല്ലോ.

നമ്മുടെ ജീവിതത്തിൽ നിന്നും ആത്മാഭിമാനം നഷ്ടപ്പെട്ടാൽ എന്തായിരിക്കും സംഭവിക്കുക?.

ആത്മാഭിമാനം കണ്ടെത്തേണ്ടത്, സൃഷ്ടിക്കേണ്ടത് അവരവർ തന്നെയാണ്.

നല്ല പ്രവർത്തികളിലൂടെ ആത്മാഭിമാനം കണ്ടെത്താൻ കഴിയട്ടെ.

പലപ്പോഴും ആത്മാഭിമാനം നമ്മളെ പലകാര്യങ്ങൾക്കും മുന്നിട്ടിറങ്ങുന്നതിനു തടസ്സമായി ഒരുപക്ഷെ മാറാറുണ്ട്.

ഏതു സാഹചര്യം ആണെങ്കിൽ പോലും നമ്മുടെയൊക്കെ വ്യക്തിജീവിതത്തിൽ ആത്മാഭിമാനത്തിന് വലിയൊരു വില കൊടുക്കേണ്ടതുണ്ട്.

ആരുടെയൊക്കെയോ ദുഷ്പ്രവർത്തികൾ മൂലം കുറച്ചു നേരത്തേക്ക് ആണെങ്കിൽ പോലും ആത്മാഭിമാനം നഷ്ടപ്പെട്ടുപോയ എത്രയെത്ര മനുഷ്യരാണ് നമ്മുടെ ചുറ്റിലുമുള്ളത്.

ആത്മാഭിമാനം നഷ്ടപ്പെട്ട അവസ്ഥകളെ ധിരതയോടെ നേരിടേണ്ടതുണ്ട്. സത്യം എന്നെങ്കിലും ഒരിക്കൽ പുറത്തുവരിക തന്നെ ചെയ്യും, തെറ്റു ചെയ്യാത്തിടത്തോളം നമ്മൾ ഒരിക്കലും മറ്റുള്ളവരുടെ കുറ്റപ്പെടുത്തലുകൾ കേട്ടു ആത്മാഭിമാനം നഷ്ടപ്പെടുത്തി കളയാതിരിക്കുക.

ആത്മാഭിമാനം നഷ്ടപ്പെടുത്തുന്ന പ്രവർത്തികളിൽ നിന്നും നമ്മൾ ഓരോരുത്തരും അകന്നു നിൽക്കുക.

നമ്മുടെ ജീവിതസാഹചര്യം എന്തുമായികൊള്ളട്ടെ ആത്മാഭിമാനം വളർത്തികൊണ്ടുവരാൻ നമ്മളുടെ നിരന്തരപരിശ്രമം ആവശ്യമാണ്.

മറ്റുള്ളവരുടെ ഭാഗത്തുനിന്നും നമ്മളുടെ ആത്മാഭിമാനത്തിന് ഭംഗം വരുന്ന പ്രവർത്തികൾ ഒരുപക്ഷെ ഉണ്ടായെന്നു വരാം, മറ്റുള്ളവർ നമ്മളോട് എത്ര മോശമായി പെരുമാറിയാലും നമ്മളും അവരെപോലെ മോശം രീതിയിൽ ഒരിക്കലും പെരുമാറികൂടാ.

മറ്റുള്ളവരെ ബുദ്ധിമുട്ടിക്കാതെ ചെയ്യുന്ന ഏതൊരു ജോലിക്കും അതിന്റെതായ മഹത്വമുണ്ട്, അതിൽ ആത്മാഭിമാനം ഉള്ളവരാകാൻ നമ്മൾക്ക് കഴിയട്ടെ.

മറ്റുള്ളവർ നമ്മളോട് എങ്ങനെയൊക്കെ മോശമായി പെരുമാറിയാലും നമ്മൾ ഒരിക്കലും നമ്മുടെയും മറ്റുള്ളവരുടെയും ആത്മാഭിമാനം നഷ്ടപ്പെടുത്തുന്ന പ്രവർത്തികൾ ചെയ്യരുത്.

നമ്മൾ ചെയ്യുന്നത് ആത്മാഭിമാനമില്ലാത്ത പ്രവർത്തിയായിട്ടായിരിക്കാം ഒരുപക്ഷെ മറ്റുള്ളവർ പറയുന്നതെങ്കിൽ പോലും, നമ്മൾക്കു നമ്മൾ ചെയ്യുന്ന ഓരോ കാര്യത്തിലും ആത്മാഭിമാനത്തോടെ ചെയ്യാൻ കഴിയണം.

മറ്റുള്ളവരുടെ ഭാഗത്തുനിന്നുള്ള മോശമായ പ്രവർത്തി, സംസാരം ഒരുപക്ഷെ നമ്മുടെയൊക്കെ ആത്മാഭിമാനത്തെ ചോദ്യം ചെയ്യുന്നതുപോലെ ആയെന്നിരിക്കാം, അതിനെയെല്ലാം ധിരതയോടെ നേരിട്ടുകൊണ്ട് അതിജീവിക്കുക.

ചെയ്യുന്ന ഓരോ നല്ല കാര്യത്തിലും സത്യസന്ധത പുലർത്തുക. ആത്മാഭിമാനം നഷ്ടപ്പെടുത്താതിരിക്കുക.

നമ്മുടെ ചുറ്റിലുമുള്ള മനുഷ്യരുടെ ആത്മാഭിമാനം നഷ്ടപ്പെടുത്തുന്ന പ്രവർത്തികൾ നമ്മുടെ ഭാഗത്തുനിന്നും ഒരിക്കലും ഉണ്ടാവരുത്.

നമ്മുടെയത്രയും കഴിവോ, അധികാരമോ, യോഗ്യതയോ, സുഖസൗകര്യങ്ങളോ മറ്റുള്ളവർക്കില്ല എന്നുകരുതി അവരുടെ ആത്മാഭിമാനം ഇല്ലാതെയാക്കുന്ന പ്രവർത്തികൾ നമ്മുടെ ഭാഗത്തുനിന്നും ഒരിക്കൽപോലും ഉണ്ടായികുടാ.

നമ്മൾ ചെയ്യുന്ന ഏതൊരു നല്ല കാര്യത്തിലും ആത്മാഭിമാനം കണ്ടെത്താൻ സാധിക്കട്ടെ.

നിരന്തരപരിശ്രമത്തിലൂടെ നമ്മളുടെ ഓരോരുത്തരുടെയും ആത്മാഭിമാനം ഉയർത്തികൊണ്ടുവരാൻ കഴിയട്ടെ.

ആത്മാഭിമാനത്തോടെ പ്രവർത്തിച്ചുകൊണ്ട് ഉയർന്ന നേട്ടങ്ങൾ കൈവരിക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.