ഉണർവിൻ പൊൻകിരണങ്ങൾ:The awakening golden rays-38

ഏറ്റവും വിലപ്പെട്ടത് നമ്മുടെ ആരോഗ്യമാണ്. ആരോഗ്യം നഷ്ടപ്പെട്ടാൽ നമ്മൾക്ക് മുന്നോട്ടു പല കാര്യങ്ങൾക്കും തടസ്സങ്ങൾ ഉണ്ടായേക്കാം.

ആരോഗ്യം സംരക്ഷിക്കാൻ നമ്മൾ വളരെയേറെ ശ്രദ്ധ നൽകേണ്ടതാണ്.

ആരോഗ്യം ഉള്ളപ്പോഴാണ് നമ്മൾക്ക് എന്തെങ്കിലും കാര്യം ചെയ്യാൻ സാധിക്കുകയുള്ളു.

നമ്മുടെ ആരോഗ്യത്തെ നശിപ്പിക്കുന്ന ഒത്തിരി കാര്യങ്ങൾ ഉണ്ടായേക്കാം, അതെല്ലാം നമ്മൾ ഉപേക്ഷിച്ചില്ല എങ്കിൽ നാളെകളിൽ നമ്മൾക്ക് അതെല്ലാം ദുഃഖങ്ങൾ സമ്മാനിക്കാൻ കാരണം ആയേക്കാം.

ആരോഗ്യം നമ്മൾ സംരക്ഷിച്ചാൽ മാത്രമേ മുന്നോട്ട് നമ്മൾക്ക് ആരോഗ്യത്തോടെ കഴിയാൻ സാധിക്കുള്ളു.

ആരുമില്ലെങ്കിൽ കൂടിയും നമ്മൾക്ക് കരുത്തു നൽകേണ്ടത് നമ്മൾ തന്നെയാണ്, അതിനു നമ്മൾക്ക് ശാരീരിക ആരോഗ്യത്തോടൊപ്പം മാനസിക ആരോഗ്യവും ഉണ്ടാവേണ്ടതുണ്ട്.

മാനസിക ആരോഗ്യം നഷ്ടപ്പെട്ടാൽ നമ്മളുടെ ശാരീരിക ആരോഗ്യത്തെ സാരമായി ബാധിച്ചേക്കാം.

മാനസിക ആരോഗ്യത്തെ നശിപ്പിക്കാൻ ഒരുപാട് കാര്യങ്ങൾ നമ്മളുടെ ചുറ്റിലും കടന്നു വന്നേക്കാം. അതിനെയെല്ലാം ചെറുത്തു തോൽപ്പിക്കേണ്ടത് നമ്മുടെ മാത്രം ആവശ്യമാണ്.

മാനസികമായി തളർത്താൻ നമ്മുടെ ചുറ്റിലും ഒരുപാട് പേര് കാണുമെങ്കിലും നമ്മൾ അതിൽ തളരാതെ മുന്നോട്ട് പോകേണ്ടതുണ്ട്, എങ്കിൽ മാത്രമാണ് നമ്മൾക്ക് വിജയം നേടാൻ കഴിയുകയുള്ളു.

നമ്മൾക്ക് എന്തു നേടണമെങ്കിലും മാനസിക ആരോഗ്യം ആവശ്യമാണ്.

നമ്മൾക്കു നമ്മളുടെ മനസ്സ് കാണാൻ കഴിയുന്നില്ലെങ്കിൽ കൂടിയും നമ്മളുടെ മനസ്സിന് കരുത്തു നൽകേണ്ടത് വളരെ ആവശ്യമാണ്.

ഈ ലോകത്തിൽ വിജയം നേടിയവർക്കൊക്കെ ഏതെങ്കിലും തരത്തിലുള്ള പ്രശ്നങ്ങളെയും തോൽവികളെയും നേരിടേണ്ടി വന്നിട്ടുണ്ടാകാം, അവരൊക്കെ അത്തരം സാഹചര്യത്തെ ധിരമായി നേരിട്ടതുകൊണ്ടാണ് ഇന്ന് നമ്മളിൽ പലരും അവരെ തിരിച്ചറിയാൻ ഇടയായത്. അവരാരും തന്നെ തങ്ങൾക്കുണ്ടായ പരാജയങ്ങളിൽ തളർന്നിരിക്കാൻ തയ്യാറായില്ല, അതിന്റെ ഫലമാണ് അവർക്ക് ഇന്നിപ്പോൾ പല നേട്ടങ്ങളും സ്വന്തമാക്കാൻ സാധിച്ചിട്ടുള്ളത്.

നമ്മുടെ മാനസിക ആരോഗ്യത്തെയും ശാരീരിക ആരോഗ്യത്തെയും ഇല്ലായ്മ ചെയ്യുന്ന കാര്യങ്ങളിൽ നിന്നും വിട്ടു നിൽക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.