ഉണർവിൻ പൊൻകിരണങ്ങൾ:The awakening golden rays-39

നമ്മൾ ഇന്നിപ്പോൾ എന്തെങ്കിലും തരത്തിൽ സന്തോഷം കണ്ടെത്തുന്നുണ്ടെങ്കിൽ അതിനുകാരണം നമ്മൾക്ക് ആരൊക്കെയോ തുണയായിട്ട് ഉള്ളതുകൊണ്ടാണ്.

നമ്മൾക്ക് പല കാര്യങ്ങളും ഇഷ്ടത്തിന് ചെയ്യണം എങ്കിൽ പല കാര്യങ്ങളും തുണ ആയിട്ടു ആവശ്യമാണ്, അതു ചിലപ്പോൾ പണം ആയിരിക്കും, മറ്റു ചിലപ്പോൾ മറ്റുള്ളവരുടെ സഹായം ആയിരിക്കും.

ഇന്ന് നമ്മൾക്ക് ലഭിക്കുന്ന തുണ നാളെകളിൽ നമ്മൾക്ക് ലഭിക്കണം എന്ന് യാതൊരു നിർബന്ധവും ഇല്ല.

നമ്മുടെ തുണ സാഹചര്യം മാറുന്നത് അനുസരിച്ചു ഒരുപക്ഷെ മാറിക്കൊണ്ടിരിക്കും.

നമ്മൾക്ക് എത്ര സ്വത്തുണ്ടായാലും അതൊന്നും ചില സമയത്തു ഉപകരിച്ചെന്നു വരില്ല. സ്വത്തു കൊണ്ടു നേടാൻ കഴിയാത്തത് ഈ ലോകത്ത് ഒത്തിരി കാര്യങ്ങളുണ്ട്.

ഒന്നും തുണ ഇല്ലാതെ കഷ്ടപ്പെടുന്ന ഈ ഭൂമിയിൽ ജീവിക്കുന്ന മനുഷ്യർക്ക് നമ്മളെകൊണ്ട് പറ്റുന്ന രീതിയിൽ തുണ ആകാൻ നമ്മൾക്ക് കഴിയേണ്ടതുണ്ട്.

നമ്മൾ ഇന്നലെകളിൽ സ്വന്തമാക്കിയ പല അറിവുകളും പിൽകാലത്ത് തുണ ആയില്ലെന്ന് വന്നേക്കാം, എങ്കിൽ പോലും ഏതെങ്കിലും ഒരു സാഹചര്യത്തിൽ ഒരുപക്ഷെ ഉപയോഗത്തിൽ വന്നേക്കാം.

ഈ ലോകത്തുള്ള എല്ലാവരും മുന്നോട്ടു പോകുന്നത് ചുറ്റിലുമുള്ളവരുടെ തുണ വേണ്ടതുപോലെ ലഭിക്കുന്നതുകൊണ്ടാണ്.

നേരായ മാർഗത്തിൽ സഞ്ചരിക്കുന്നവർക്ക് മാത്രമാണ് തുണ നൽകാവു, ഇല്ലെങ്കിൽ വേദനകൾ മാത്രം ആയിരിക്കും ഒരുപക്ഷെ നമ്മൾക്ക് ഉണ്ടാവുക.

മറ്റൊരാൾ നമ്മൾക്ക് ആരുമല്ലായിരിക്കും, പക്ഷെ ആ വ്യക്തി മറ്റുപലരുടെയും തുണ ആണെന്ന കാര്യം മറക്കരുത്.

ഒരാൾ വരുത്തി വെക്കുന്ന തെറ്റിലൂടെ എത്രയോ അധികം ആളുകളുടെ തുണയാണ് നിമിഷനേരം കൊണ്ടു നഷ്ടപ്പെട്ടത്.

തുണയാകേണ്ട വ്യക്തികൾ തന്നെ തുണ നൽകാതെ പോകുന്നത് എത്രയേറെ വേദന നൽകുന്നവയാണ്.

ചില സാഹചര്യങ്ങളിൽ നമ്മൾക്ക് നമ്മൾ മാത്രം ആയിരിക്കും തുണ ആയിട്ടു ഉണ്ടാവുക. ആ സാഹചര്യത്തെ ധിരതയോടെ നേരിടാൻ നമ്മൾക്ക് കഴിയട്ടെ.