ഉണർവിൻ പൊൻകിരണങ്ങൾ:The awakening golden rays-40

ഭൂമിയിൽ ജീവിക്കുന്ന മനുഷ്യർക്ക് പലപ്പോഴും തോന്നുന്ന കാര്യമാണ് ആർക്കും വേണ്ടാത്ത അവസ്ഥയാണല്ലോ നമ്മുടേതെന്ന്. നമ്മളിൽ നിരാശചിന്തകൾ കടന്നുവരുമ്പോൾ പലരും സ്വഭാവികമായി പറയുക ആർക്കും വേണ്ടാത്ത അവസ്ഥ ആണല്ലോ എന്നാണ്.

ഒരു കാലത്ത് വില ഉണ്ടായിരുന്ന പലതിനും കാലങ്ങൾ കഴിയുന്നത് അനുസരിച്ചു വില കുറയുകയും കൂടുകയും ചെയ്തേക്കാം.

നമ്മൾക്ക് എന്തെങ്കിലും കുറവുകൾ ഉണ്ടാകുമ്പോൾ നമ്മളെ പലരും ഒഴിവാക്കാൻ ശ്രമിച്ചേക്കാം.

ഒരു മനുഷ്യന്റെ ജീവിതം എങ്ങനെയാണ് അവസാനിക്കുക എന്ന് പറയാൻ കഴിയില്ലല്ലോ.

പലതരത്തിലുള്ള പ്രതിസന്ധികൾ ജീവിതത്തിൽ ഉണ്ടായേക്കാം. പല സാഹചര്യത്തിലും ഒറ്റക്ക് ആയിപോയേക്കാം.

ആർക്കും വേണ്ടാത്ത അവസ്ഥ ആരുടെയും ജീവിതത്തിൽ അനുഭവപ്പെടാൻ ഇടയാകാതിരിക്കട്ടെ.

പല സാഹചര്യത്തിലും ഒറ്റക്ക് ജീവിക്കേണ്ടി വരും, അതെല്ലാം ധൈര്യത്തോടെ നേരിടാൻ സാധിക്കേണ്ടതുണ്ട്.

ഇന്നിന്റെ ദുഃഖങ്ങൾ, നാളെകളിൽ മാറുമെന്നുള്ള പ്രതിക്ഷ നമ്മൾക്ക് ഉണ്ടാവേണ്ടതുണ്ട്.

വില ഉള്ളതിന് മാത്രമാണ് ആർക്കും ആവശ്യമുള്ളു, ഉപകാരപ്പെടുകയുള്ളു.

നമ്മൾ ഓരോരുത്തർക്കും വിലയുണ്ടെന്ന് മനസിലാക്കുക. നമ്മുടെ വില നമ്മൾ ഒരിക്കലും നഷ്ടപ്പെടുത്തി കളയാതിരിക്കുക.

നാളെകൾ നമ്മൾ ഓരോരുത്തർക്കും വില ഉള്ളൊരു കാലം തീർച്ചയായും ഉണ്ടാകുമെന്നു പ്രതീക്ഷിക്കുക, അതിനായി പരിശ്രമിക്കുക.

നമ്മൾ ഈ ലോകത്തു കടന്നു വന്നിട്ടുണ്ടെങ്കിൽ നമുക്ക് മാത്രം ആയിട്ടു ചെയ്തു തീർക്കാൻ ഒത്തിരി കാര്യങ്ങളുണ്ട്.

ലോകം ഒരിക്കൽ അവസാനിക്കും, ഈ ലോകത്തുള്ള എല്ലാത്തിനും ഒരു പരിധിക്കു അപ്പുറം ആയുസ്സ് ഉണ്ടാവില്ലല്ലോ.

എല്ലാവർക്കും അവരവരുടെ ജീവിതം വിലയുള്ളതാക്കാൻ പരിശ്രമിക്കാൻ തയ്യാറാവട്ടെ