ഉണർവിൻ പൊൻകിരണങ്ങൾ:The awakening golden rays-41

നമ്മൾ പല കാര്യങ്ങളും ആലോചിക്കാതെ ചെയ്യാറുണ്ട്. ഓരോ കാര്യവും ചെയ്യുന്നതിന് മുൻപ് ശരിക്കും ആലോചിക്കേണ്ടതുണ്ട്.

നമ്മുടെ ആലോചന ഒരുപക്ഷെ തെറ്റാകാം അല്ലെങ്കിൽ ശരിയാകാം. നമ്മുടെ ഇന്നലെകളുടെ ആലോചനയുടെ പരിണിത ഫലമാണ് നമ്മൾ ഇന്ന് അനുഭവിക്കുന്നത്.

ഭാവിയെ പറ്റി നമ്മളിൽ പലരും ആലോചിക്കാതിരിക്കില്ല.

കടം ഉണ്ടെങ്കിൽ അതിന്റെ ആകുലതകൾ നമ്മുടെ മനസ്സിൽ പലപ്പോഴും കടന്നു വന്നേക്കാം.

നമ്മുടെ ഓരോ നിമിഷവും നമ്മൾ പല വിധത്തിലുള്ള ആലോചനയിലൂടെ കടന്നുപോകുന്നവരാണ്.

ഇന്നലെകളിൽ നിന്നും എങ്ങനെ കൂടുതൽ മെച്ചപ്പെടാം എന്ന് ചിന്തിക്കാത്തവരും കുറവല്ല.

നമ്മുടെയൊക്കെ കഷ്ടപ്പാടിന് എന്നെങ്കിലും ഫലം ലഭിക്കാതിരിക്കില്ല.

നമ്മുടെ മനസ്സിലേക്ക് കടന്നുവരുന്ന മോശപ്പെട്ട ആലോചനകൾ നമ്മൾ ഒഴിവാക്കിയേ തീരു. ഇല്ലെങ്കിൽ നമ്മുടെ മനസ്സ് കൂടുതൽ അസ്വസ്ഥത സൃഷ്ടിച്ചേക്കാം.

തെറ്റായ ആലോചനകൾ നമ്മുടെ ജീവിതത്തെ മോശമായി ബാധിച്ചേക്കും.

മനസ്സിന് സന്തോഷം നൽകുന്ന നല്ല കാര്യങ്ങൾ ആലോചിക്കാൻ നമ്മൾക്ക് ഇടവരണം.

തെറ്റായി ആലോചിക്കുന്നവർക്ക് എന്നും പരാജയം മാത്രമേ ഉണ്ടാകുള്ളൂ.

അപരന് നന്മകൾ ഉണ്ടാകാനും അവരെ കഴിവിനോത്തു സഹായിക്കാനും നമ്മൾക്ക് കഴിയേണ്ടതുണ്ട്.

നമ്മുടെ ഓരോ ആലോചനയും വളരെ വിലപ്പെട്ടതാണ്. ഓരോ കാര്യങ്ങളിലും ആലോചിച്ചു തീരുമാനം എടുക്കാൻ നിശ്ചിത സമയം മാത്രമേ പലപ്പോഴും ലഭിക്കുകയുള്ളു. പല സന്ദർഭത്തിലും വളരെ വേഗം തന്നെ ആലോചന പൂർത്തിയാക്കേണ്ടതുണ്ട്.

നമ്മൾക്ക് ആരോഗ്യം ഉള്ളിടത്തോളം കാലം നമ്മൾ ഏതെങ്കിലും ആലോചനയിൽ ആയിരിക്കും പലപ്പോഴും. ചിലപ്പോഴൊക്കെ ഗാഡമായ ആലോചനയിൽ മുഴുകി ചെയ്യേണ്ട കാര്യങ്ങൾക്ക് മുടക്കം വന്നേക്കാം.

നമ്മൾക്കുണ്ടായ വേദനകളും നഷ്ടങ്ങളും നമ്മൾ ഏതു നിമിഷവും ആലോചനയിൽ കൊണ്ടുവരാൻ ശ്രമിക്കാറുണ്ട്.

നമ്മുടെ ജീവിതത്തിൽ എടുക്കേണ്ട പല തീരുമാനങ്ങളും നല്ലത് പോലെ ആലോചിച്ചു മാത്രം കൈകൊള്ളേണ്ടതാണ്.

ആലോചനകൾ തെറ്റിയാൽ അതുമൂലം ഉണ്ടാകുന്ന ദോഷങ്ങൾ ആർക്കും മുൻകൂട്ടി പ്രവചിക്കാൻ കഴിഞ്ഞെന്നു വരില്ല.

നമ്മൾ ചെയ്യുന്ന ഓരോ കാര്യത്തിലും വളരെയേറെ ആലോചനയോടെ തീരുമാനം കൈകൊള്ളാൻ സാധിക്കട്ടെ.