ഉണർവിൻ പൊൻകിരണങ്ങൾ:The awakening golden rays-42

ഓരോ മനുഷ്യർക്കും ഓരോരോ ആവശ്യങ്ങളാണ് ഓരോ സന്ദർഭത്തിലും വന്നു ചേരുന്നത്.

ആവശ്യങ്ങളിൽ തന്നെ പെട്ടെന്ന് ലഭിക്കേണ്ടതും പതിയെ ലഭിച്ചാലും കുഴപ്പമില്ലാത്തതും ഉണ്ട്.

മനുഷ്യർക്ക് ജീവൻ നിലനിർത്താൻ ഓക്സിജൻ വേണ്ടത് വളരെ അത്യാവശ്യമാണ്.

നമ്മളുടെ ആവശ്യങ്ങൾ എല്ലാം സമയത്തു തന്നെ നിറവേറ്റാൻ സാധിക്കണം എന്നില്ലല്ലോ.

നമ്മൾ വളരെയേറെ ആഗ്രഹിച്ച ആവശ്യങ്ങൾ നടക്കാതെ ആകുമ്പോൾ നമ്മളിൽ പലരും നിരാശരാവാറുണ്ട്.

ചെറുപ്പത്തിൽ നമ്മളുടെ ആവശ്യങ്ങൾ എല്ലാം സഫലമായിട്ടുണ്ടാകില്ല.പ്രായം കൂടി കഴിയുമ്പോൾ നമ്മളുടെ ചെറുപ്പത്തിലേ പല ആവശ്യങ്ങളും ആവശ്യം ഉണ്ടാവാൻ സാധ്യത കുറവാണ്.

ചെറുപ്പത്തിൽ പഠിക്കാൻ ആഗ്രഹിച്ചെങ്കിലും അന്ന് ആവശ്യം നടത്താനുള്ള സാഹചര്യം വിട്ടിൽ ഇല്ലാത്തതിനാൽ ഉപേക്ഷിക്കേണ്ടി വന്നവർ, പിൽകാലത് പഠനത്തിന്റെ ആവശ്യകത മനസ്സിലാക്കി പഠിക്കാൻ മുന്നിട്ടിറങ്ങിയിട്ടുള്ളത് നമ്മുടെ ചുറ്റിലും നോക്കിയാൽ കാണാൻ കഴിയും.

പണ്ട് കാലത്ത് നമ്മൾക്ക് ആവശ്യം ഉണ്ടായിരുന്ന പലതും ഇന്നിപ്പോൾ നമ്മൾക്ക് ആവശ്യമില്ല.

ടെക്നോളജി വികസിച്ചതു അനുസരിച്ചു പഴയത് എല്ലാം നമ്മളിൽ പലരും ഉപേക്ഷിച്ചു കൊണ്ടിരിക്കുകയാണ്.

ഇനി വരാനുള്ള ഭാവി തലമുറക്ക്, ഇപ്പോഴുള്ള തലമുറക്ക് ആവശ്യം എന്തെല്ലാം ആണെന്ന് തിരിച്ചറിയേണ്ടതുണ്ട്.

ഓരോ മനുഷ്യർക്കും കാലത്തിനു അനുസരിച്ചാണ് ഓരോരോ ആവശ്യം ഉണ്ടാവുക.

നമ്മളിൽ പലരും സമരങ്ങൾ നടത്തുക, നിയമപോരാട്ടം നടത്തുക നമ്മുടെ, നമ്മുടെ ചുറ്റിലുമുള്ളവരുടെ ആവശ്യങ്ങൾ നേടിയെടുക്കാൻ വേണ്ടിയാണല്ലോ.

മനസ്സിനും ശരീരത്തിനും ആവശ്യമായ കാര്യങ്ങൾ നിറവേറ്റിയാൽ മാത്രമേ ഒരു പരിധിവരെ സന്തോഷവും സംതൃപ്തിയും ലഭിക്കുകയുള്ളു.

നമ്മുടെ ആവശ്യങ്ങൾ നല്ലതാണോ മോശമാണോ എന്നത് ആദ്യമേ തന്നെ മനസ്സിലാക്കേണ്ടതുണ്ട്.

ആവശ്യം ഇല്ലാത്ത ഒരുപാട് കാര്യങ്ങൾ നമ്മൾ പലപ്പോഴും ചെയ്യാറുണ്ട്, അതിന്റെ പേരിൽ പിന്നീട് ഒരുപക്ഷെ ദുഃഖിക്കേണ്ടിയും വന്നിട്ടുണ്ടാവാം.

പഴയകാല ജീവിതത്തിലെക്ക് ഇനിയൊരു തിരിച്ചുപോക്ക് മനുഷ്യർക്ക് സാധ്യമല്ലല്ലോ, കാലം ഒരിക്കലും പിന്നോട്ട് സഞ്ചരിക്കില്ലല്ലോ.

കൊച്ചു കുഞ്ഞുങ്ങളുടെ, പ്രായം ആയവരുടെ ആവശ്യങ്ങൾ കണ്ടറിഞ്ഞു ചെയ്യുക എന്നത് പലപ്പോഴും കൂടെയുള്ളവർക്കേ സാധിക്കുള്ളു.

ഇന്ന് നമ്മൾക്ക് ആവശ്യം ഉള്ള പലതും മുൻതലമുറക്ക് ആവശ്യം ഉണ്ടായിരുന്നില്ല, ഇനി വരുന്ന തലമുറക്കും ഒരുപക്ഷെ ആവശ്യം വരത്തില്ല.

നമ്മുടെ നല്ല ആവശ്യം നേടിയെടുക്കാൻ നമ്മൾ ഓരോരുത്തരും നിരന്തരം ശ്രമിക്കുക.

ഭാവിയിൽ എന്തെല്ലാം ആവശ്യം വരുമെന്ന് ഇപ്പോൾ തന്നെ കണക്കുകൂട്ടാൻ എല്ലാകാര്യത്തിലും സാധ്യമല്ലല്ലോ.

പഠിച്ചു നല്ലൊരു ജോലി നേടാൻ ആഗ്രഹിക്കുന്നവർ നന്നായി പഠിക്കാൻ ശ്രമിക്കും, കാരണം ജോലി അവർക്ക് വളരെ ആവശ്യമായ കാര്യമാണ്.

നമ്മുടെ ആവശ്യങ്ങളെ തരംതിരിക്കുക ഇപ്പോൾ വേണ്ടത്, പിന്നീട് വേണ്ടത് എന്നിങ്ങനെ.

ഉടനെ വേണ്ട കാര്യങ്ങൾക്ക് പ്രാധാന്യം കൊടുക്കുക.

നമ്മൾ ചിലവഴിക്കുന്ന ഓരോ സമയവും നമ്മൾക്ക് ആവശ്യം വേണ്ടുന്ന കാര്യങ്ങളി ലാണോ ചിലവഴിക്കുന്നതെന്ന് പരിശോധിക്കുക.

ഭാവിയിലെ നമ്മുടെ ഏതൊരു ആവശ്യവും നിറവേറ്റാൻ ഇപ്പോഴേ ശ്രമിക്കേണ്ടതുണ്ട്.

അസുഖം വന്നാൽ അസുഖം ഭേദം ആകാൻ ഒരുപക്ഷെ മരുന്ന് ആവശ്യമായി വരും. ഏതു മരുന്ന് ആണ് കഴിക്കേണ്ടത് എന്നറിയാൻ ഡോക്ടറുടെ സേവനം ആവശ്യമായി വരും.അതുപോലെ യാത്ര ചെയ്യാൻ വാഹനത്തിന് ഡ്രൈവറെ ആവശ്യമായി വരും, അങ്ങനെ ഓരോ മേഖലയുമായി ബന്ധപ്പെട്ടു പലരുടെയും ആവശ്യം ഉണ്ടാവും.

ഇന്ന് നമ്മൾക്ക് ആവശ്യമായവ ലഭിക്കുന്നതിനു പിന്നിൽ ഒത്തിരി മനുഷ്യരുടെ പരിശ്രമമുണ്ട്.

നമ്മളുടെ ആവശ്യങ്ങളെ ശരിയായ വിധത്തിൽ പരിശോധിച്ചു മുന്നോട്ടു പോകുവാൻ എല്ലാവർക്കും സാധിക്കട്ടെ.