ഉണർവിൻ പൊൻകിരണങ്ങൾ:The awakening golden rays-43

ഒരുപാട് വേദനകൾക്കിടയിലും നമ്മൾ തിരയുന്നത് ആശ്വാസമാണ്. പലരിൽ നിന്നും ലഭിക്കുന്ന ആശ്വാസവാക്കുകൾ നമ്മൾക്ക് നൽകുന്ന ഊർജം നിസ്സാരമല്ല. പലരുടെയും വേദനകൾ നിമിഷനേരംകൊണ്ടു ഇല്ലാതെയാക്കാൻ ചിലരുടെയൊക്കെയുള്ള ആശ്വാസവാക്കുകൾക്ക് ഒരുപക്ഷെ കഴിയാറുണ്ട്.

ആശ്വാസം പകർന്നു നൽകുന്നതിനും ധാരാളം പരിമിതികൾ നമ്മൾ ഓരോരുത്തർക്കും ഓരോ സാഹചര്യത്തിന് അനുസരിച്ചു ഉണ്ടായെന്നു വന്നേക്കാം.

നമ്മളുടെ മരണശേഷവും നമ്മളുടെ ചുറ്റിലുമുള്ളവർക്ക് ആശ്വാസം കിട്ടാനുള്ള കാര്യങ്ങൾ നമ്മളുടെ ഭാഗത്തുനിന്നും ജീവിച്ചിരിക്കുമ്പോൾ ചെയ്യേണ്ടതുണ്ട്.

എല്ലാവർക്കും അവരവരുടേതായ തിരക്കുകളുണ്ട്, നമ്മൾ ആഗ്രഹിച്ചതുപോലെ ആശ്വാസം എവിടെ നിന്നും എപ്പോഴും കിട്ടിയെന്ന് വരില്ല.

നമ്മളുടെയൊക്കെ ആശ്വാസം ഇല്ലാതെയാക്കുന്ന ഒത്തിരി കാര്യങ്ങൾ നമ്മുടെയൊക്കെ ജീവിതത്തിൽ പല സന്ദർഭത്തിലും കടന്നുവന്നേക്കാം അതെല്ലാം സധൈര്യം നേരിടാൻ പഠിക്കുക.

ജീവിതത്തിൽ പലതും അപ്രതീക്ഷിതമായി സംഭവിക്കുന്നവയാണ്, പ്രകൃതിയിൽ ഉണ്ടാകുന്ന മാറ്റങ്ങളെ നിയന്ത്രിക്കാൻ മനുഷ്യർക്ക് ഒത്തിരി പരിമിതികളുണ്ടല്ലോ.

എത്രയേറെ ആകുലതപ്പെട്ടാലും ഇല്ലെങ്കിലും സംഭവിക്കാനുള്ളത് സംഭവിക്കുക തന്നെ ചെയ്യും. മരണം നമ്മൾ എല്ലാവർക്കും ഒരിക്കൽ ഉണ്ടാവും. നമ്മുടെയൊക്കെ മരണം വരെ ഊർജസ്വലതയോടെ നല്ല കാര്യങ്ങൾ ചെയ്യുവാൻ സമയം ചിലവഴിക്കാൻ ഇടയാകട്ടെ.

നമ്മൾ ഇന്ന് അനുഭവിക്കുന്ന ഓരോ സുഖസൗകര്യങ്ങളും ഒത്തിരി ആളുകളുടെ കഷ്ടപ്പാടിന്റെ ഫലമാണ് എന്നത് മറക്കാതിരിക്കുക, അവർ ഓരോരുത്തരും ഭാവി തലമുറക്ക് വേണ്ടി അക്ഷിണം പരിശ്രമിച്ചു നേടിയതാണ് അതെല്ലാം.

ഒത്തിരി കലാകാരന്മാർ അവരുടെ സമയവും കഴിവും പുറത്തെടുത്തതുകൊണ്ട് പലർക്കും കലാ ആസ്വദനത്തിലൂടെ ആശ്വാസം കണ്ടെത്താൻ കഴിയുന്നത് വലിയൊരു കാര്യം തന്നെയാണ്.

സാമ്പത്തികമായി പിന്തുണ നൽകികൊണ്ട്, സാന്നിധ്യം കൊണ്ടു, വാക്കുകൾക്കൊണ്ട്, സഹായം കൊണ്ട് അങ്ങനെ പല രീതിയിലും മറ്റൊരാൾക്ക്‌ ആശ്വാസം പകരാൻ നമ്മൾക്ക് കഴിയും. സാഹചര്യത്തിന് അനുസരിച്ചു ഉചിതമായ രീതിയിൽ ആരെയും വേദനിപ്പിക്കാതെ ആശ്വാസം പകരാൻ നമ്മൾ എല്ലാവർക്കും കഴിയട്ടെ.

എല്ലാം നഷ്ടപ്പെട്ട വ്യക്തിക്ക് മറ്റുള്ളവർ നൽകുന്ന ആശ്വാസവാക്കുകൾ ഒരുപാട് ആത്മവിശ്വാസം ഉണ്ടാകുവാൻ കാരണമാകാറുണ്ട്.

പല സാഹചര്യത്തിലും മറ്റുള്ളവരുടെ വേദനയിൽ എന്തുപറഞ്ഞു അവരെ ആശ്വാസിപ്പിക്കാൻ ശ്രമിക്കുമെന്ന് ആലോചിച്ചു നമ്മളിൽ പലരും ആശങ്കപെടാറുണ്ട്.

ആശ്വാസവാക്കുകൾ എല്ലാവർക്കും എല്ലായ്പോഴും ഫലവത്താകണം എന്നില്ല.

നാളെകളിൽ എല്ലാം ശരിയാകും എന്നൊക്കെ പറഞ്ഞു നമ്മളെ പലരും ഒരുപക്ഷെ ആശ്വാസിപ്പിച്ചേക്കാം, അപ്പോഴൊക്കെ നമ്മളുടെ ഭാഗത്തുനിന്നുള്ള പരിശ്രമം ആവശ്യമാണ്.

നമ്മൾക്ക് വേണ്ട ആശ്വാസം നമ്മൾ തന്നെ കണ്ടെത്തേണ്ടതുണ്ട്.

മറ്റുള്ളവർക്ക് എപ്പോഴും നമ്മളെ ആശ്വസിപ്പിക്കാൻ കഴിയില്ലല്ലോ.

ജോലിയുടെ ഭാഗമായി വേണ്ടപ്പെട്ടവരെ വേർപിരിഞ്ഞു ഇരിക്കേണ്ടി വരുമ്പോൾ, വേണ്ടപ്പെട്ടവരുടെ വേർപാട് ഇതെല്ലാം തന്നെ എല്ലാവർക്കും സങ്കടം ഉളവാക്കുന്ന കാര്യമാണ്.കാലം മാറുന്നത് അനുസരിച്ചു സങ്കടങ്ങളുടെ തോതു വ്യത്യാസം വന്നുകൊണ്ടിരിക്കും. ഈ സമയവും കടന്നു പോകും എന്ന വാക്ക്‌ പല സാഹചര്യത്തിലും നമ്മൾക്ക് എത്ര വലിയൊരു ആശ്വാസമാണ് നൽകുന്നത്.

നമ്മൾക്ക് നിരാശകൾ ഉണ്ടാകുമ്പോൾ, പരാജയങ്ങൾ ഉണ്ടാകുമ്പോൾ നമ്മൾ തേടുന്ന ആശ്വാസം നേരായ വഴിക്ക് ആകേണ്ടതുണ്ട്, തെറ്റായ വഴി തിരഞ്ഞെടുത്താൽ തത്കാലം ആശ്വാസം കിട്ടിയെന്ന തോന്നൽ ഉളവായേക്കാം എങ്കിലും പിന്നീട് തീരാദുഖത്തിന് തന്നെ ഒരുപക്ഷെ അതെല്ലാം കാരണം ആയേക്കാം.

നമ്മൾക്ക് വേണ്ട ആശ്വാസത്തിന് പലപ്പോഴും നമ്മളിൽ തന്നെ ഉത്തരം കണ്ടെത്താൻ കഴിയും, നമ്മളിൽ പലരും അതിനൊന്നും പലപ്പോഴും ശ്രമിക്കാറില്ല എന്ന് മാത്രം.

ഇന്നിപ്പോൾ ലോകത്തു ആശ്വാസം കിട്ടാൻ വേണ്ടി എത്ര സമ്പത്തു വേണമെങ്കിലും മുടക്കാൻ ആളുകൾ തയ്യാറായെന്ന് വന്നേക്കാം, പക്ഷെ പല കാര്യത്തിലും എളുപ്പം ആശ്വാസം കണ്ടെത്താൻ എല്ലാവർക്കും സാധിച്ചെന്ന് വരില്ല.

ഏതു കാര്യത്തിനും വേണ്ടതുപോലെ ആശ്വാസം ലഭിക്കാൻ ഒരു സമയമുണ്ട്, അതുവരെ ക്ഷമയോടെ കാത്തിരിക്കേണ്ടതുണ്ട്.

പരീക്ഷയിൽ തോൽവി ഉണ്ടാകുമ്പോൾ, പലരും നമ്മളെ കളിയാക്കുമ്പോൾ, പലരിൽ നിന്നും അപമാനം ഏൽക്കേണ്ടി വരുമ്പോൾ എല്ലാം തന്നെ നമ്മളിൽ പലർക്കും വലിയൊരു സങ്കടം ഉണ്ടാവാറുണ്ട്. ഒരുപക്ഷെ അന്നേരമെല്ലാം നമ്മളെ ആശ്വസിപ്പിക്കാൻ ആരെയും കിട്ടിയെന്ന് വരില്ല.

ചെയ്യേണ്ട കാര്യം ചെയ്യാതിരുന്നാൽ ഏതു കാര്യത്തിൽ ആയാലും അധികകാലം ആശ്വാസം കിട്ടിയെന്ന് വരില്ലല്ലോ.

എത്രയേറെ ജോലി തിരക്കുകൾ ഉണ്ടെങ്കിലും മനുഷ്യർക്ക് ജീവൻ നിലനിർത്താൻ ആവശ്യമായ കാര്യങ്ങൾ ഒഴിവാക്കാൻ സാധിക്കില്ലല്ലോ.

പലപ്പോഴും നമ്മൾ ആഗ്രഹിച്ചത് സമയത്ത് നേടാൻ കഴിഞ്ഞെന്ന് വരില്ല, അന്നേരം നമ്മൾ തന്നെ സ്വയം ആശ്വാസം കണ്ടെത്തണം മുന്നോട്ട് പ്രതീക്ഷകളോടെ ഓരോ നിമിഷവും നേരായ പാതയിലൂടെ കടന്നുപോകുവാനായിട്ട്.

പലരും ആശ്വാസം കിട്ടുന്നതിനുവേണ്ടി തെറ്റായ വഴികൾ ഒരുപക്ഷേ പറഞ്ഞേക്കാം, നമ്മൾ തിരിച്ചറിയുക അവർ പറയുന്നതിലെ തെറ്റും ശരിയും.തെറ്റായ കാര്യങ്ങളെ ജീവിതത്തിൽ നിന്നും അകറ്റി നിർത്തേണ്ടത് മുന്നോട്ട് ആശ്വാസം ലഭിക്കുന്നതിനു ആവശ്യം വേണ്ട കാര്യമാണ്.

നമ്മൾ ജീവിക്കുന്ന ലോകത്തേക്ക് കണ്ണോടിച്ചു നോക്കു എത്രയേറെ മനുഷ്യരുടെ ജീവിതത്തിലാണ് അവരുടെയൊക്കെ നാളിതുവരെയായിട്ടുള്ള നേട്ടങ്ങൾക്ക് പിന്നിൽ കയ്പ് നിറഞ്ഞ കാര്യങ്ങൾ ഒരുപക്ഷെ അനുഭവിക്കേണ്ടി വന്നിട്ടുണ്ടാവുക.അവരെല്ലാം അവരുടെ ജീവിതത്തിൽ അനുഭവിക്കേണ്ടി വന്നിട്ടുള്ള ദുരിതങ്ങളെ, പ്രതിസന്ധികളെയെല്ലാം മനകരുത്തുകൊണ്ട് നേരിടാൻ പഠിച്ചു, അതുകൊണ്ടാണ് അവർക്ക് ഇന്നിപ്പോൾ സങ്കടങ്ങൾ മാറ്റികൊണ്ട് പകരം നേട്ടങ്ങളേറെ സ്വന്തമാക്കാൻ ഒരുപക്ഷെ കഴിഞ്ഞിട്ടുള്ളത്.

നമ്മൾ ഓരോരുത്തരും മനപ്പൂർവം തെറ്റു ചെയ്യുന്നത് ഒഴിവാക്കുക.

നമ്മളുടെ ഭാഗത്തുനിന്നുള്ള തെറ്റുകൾ വരുത്തുന്ന നഷ്ടങ്ങൾ നമ്മളെയും നമ്മുടെ ചുറ്റിലുമുള്ളവരെയും വളരെയേറെ വേദനിപ്പിച്ചേക്കാം.

നഷ്ടങ്ങൾ ജീവിതത്തിൽ ഉണ്ടാകുമ്പോൾ എല്ലാവരിലും സങ്കടം ഉണ്ടാവുക സ്വാഭാവികമാണ്.ഇന്നിന്റെ നഷ്ടങ്ങളെക്കാൾ അധികം നേട്ടങ്ങൾ നാളെകളിൽ നമ്മൾ നേടിയെടുക്കുമെന്ന് ദൃഡനിശ്ചയമെടുത്തുകൊണ്ട് കഠിന പരിശ്രമത്തിലൂടെ നിരന്തരം മുന്നേറുക.

നമ്മൾ മുന്നോട്ട് ചെയ്യുന്ന ഓരോ പ്രവർത്തികളും നമ്മൾക്കും നമ്മളുടെ ചുറ്റിലുമുള്ളവർക്ക് ആശ്വാസം കിട്ടുന്നത് ആയിരിക്കട്ടെ.

വിശക്കുന്നവർക്ക് ഭക്ഷണം കിട്ടുന്നത് വളരെയേറെ ആശ്വാസം നൽകുന്ന കാര്യമാണ്, അതുപോലെ വെയിൽ ഏൽക്കുന്നവർക്ക് തണൽ കിട്ടുന്നത് വളരെയേറെ ആശ്വാസം നൽകുന്ന കാര്യമാണ്. താമസിക്കാൻ അടച്ചുറുപ്പുള്ള മുറി, ധരിക്കാൻ വസ്ത്രം, പഠിക്കാൻ, യാത്ര ചെയ്യാൻ, ജോലി ചെയ്യാൻ, ഭക്ഷിക്കാൻ എല്ലാ കാര്യത്തിലും ആവശ്യമായവ ലഭിച്ചെങ്കിൽ മാത്രമേ പലപ്പോഴും നമ്മൾക്ക് ആശ്വാസം ലഭിക്കുകയുള്ളു.

ഇന്നിപ്പോൾ നമ്മളിൽ പലർക്കും പല കാര്യത്തിലും ഒരുപക്ഷെ ആശ്വാസം നഷ്ടപ്പെട്ടുകൊണ്ടിരിക്കുകയായിരിക്കാം, അതെല്ലാം വേണ്ടവിധത്തിൽ കൈകാര്യം ചെയ്യാൻ നമ്മളുടെ ഭാഗത്തുനിന്നും ആത്മാർത്ഥമായ പരിശ്രമം ഉണ്ടാവേണ്ടതുണ്ട്.

നമ്മളുടെ ചുറ്റിലും നടക്കുന്ന ഓരോ സംഭവവികാസങ്ങൾ നമ്മളുടെയും മറ്റു പലരുടെയും ആശ്വാസം നഷ്ടപ്പെടുത്തുന്ന കാര്യങ്ങൾ ആയിരിക്കാം.

ഈ ലോകത്ത് നമ്മൾ ഓരോരുത്തരും ഉണർന്നു പ്രവർത്തിച്ചെങ്കിൽ മാത്രമേ ലോകത്തിന് ആവശ്യമായ ആശ്വാസം നൽകാൻ സാധിക്കുകയുള്ളു.

ജീവൻ നിലനിർത്താൻ ജീവ വായു തന്നെ വേണ്ടതുണ്ട്, അതല്ലാതെ എത്ര ആശ്വാസവാക്കുകൾ കിട്ടിയതുകൊണ്ടുമാത്രം കാര്യമില്ലല്ലോ.

നമ്മളുടെയൊക്കെ ജീവിതത്തിൽ തെറ്റുകൾ പറ്റാം, അതെല്ലാം സമയത്തുതന്നെ തിരുത്തി മുന്നേറാൻ ശ്രമിക്കുക.

നമ്മളുടെ മുന്നിൽ കടന്നുവരുന്ന ഓരോ വ്യക്തികൾക്കും നമ്മളെകൊണ്ട് കഴിയുന്നതുപോലെ ആശ്വാസം നൽകാൻ ശ്രമിക്കുക.

എല്ലാവർക്കും എല്ലാവരെയും ഒരേപോലെ ആശ്വസിപ്പിക്കാൻ കഴിയണം എന്നില്ല.

ആശ്വാസം കിട്ടേണ്ടിടത്തു നിന്നും കിട്ടിയില്ല എങ്കിൽ മറ്റു വഴികൾ തേടി പോകുക സ്വഭാവികമാണ്.

നമ്മളുടെ ജോലി മികച്ചതുപോലെ ചെയ്തുകഴിഞ്ഞാൽ നമ്മൾക്കും ആ പ്രവർത്തിയുടെ ഫലം അനുഭവിക്കേണ്ടവർക്കും വളരെയേറെ ആശ്വാസം നൽകുന്നതായിരിക്കും.

നമ്മളെ ഈ ഭൂമിയിൽ ഏൽപ്പിച്ച ജോലികൾ സമയാസമയങ്ങളിൽ ഭംഗിയായി നിർവഹിക്കുക, നമ്മളുടെ നേരായ പ്രവർത്തികൾ നമ്മളുടെ ചുറ്റിലുമുള്ള എല്ലാവർക്കും ആശ്വാസം ലഭിക്കുന്നതിനു ഉപകരിക്കട്ടെ.