ഉണർവിൻ പൊൻകിരണങ്ങൾ:The awakening golden rays-45

ഓരോ മനുഷ്യരിലും ധാരാളം ആശയങ്ങൾ ഉണ്ടാവാറുണ്ട്.

ഇന്ന് നമ്മൾ ഓരോരുത്തരും അനുഭവിക്കുന്ന സുഖസൗകര്യങ്ങൾക്ക് പിന്നിൽ ഇന്നലെകളിൽ ഓരോ മനുഷ്യരുടെ മനസ്സിൽ രൂപപ്പെട്ട ആശയങ്ങൾ ആയിരുന്നു.

കഷ്ടപ്പാടുകൾ മാറാൻ, ദാരിദ്ര്യത്തെ ചെറുത്തുതോൽപ്പിക്കാൻ ആശയങ്ങൾ കൊണ്ട് വരേണ്ടതിന്റെ ആവശ്യകത വളരെ വലുതാണ്.

നമ്മൾ കൊണ്ട് വരുന്ന ആശയങ്ങൾ മറ്റുള്ളവർക്ക് നമ്മളെ പരിഹസിക്കാൻ ഒരുപക്ഷെ കാരണമായേക്കാം, ആരൊക്കെ പരിഹസിച്ചാലും വിമർശിച്ചാലും നമ്മൾക്ക് നമ്മളിൽ തന്നെ വിശ്വാസം ഉണ്ടാവേണ്ടതുണ്ട്.

ലോകം വളരുന്നതിനൊപ്പം നമ്മളും വളരണം എങ്കിൽ നമ്മുടെ കഴിവുകളെയും നമ്മളിലുള്ള നല്ല ആശയങ്ങളെയും വളർത്തികൊണ്ടുവരണം.

ഒരാൾ തുടങ്ങിവെച്ച ആശയങ്ങൾ ഇന്നിപ്പോൾ കാലങ്ങളോളം കടന്നു ഇപ്പോഴും തുടരുന്നുവെന്നത്, ആ ആശയത്തിന് കിട്ടിയ സ്വീകാര്യതയാണ്.

ഓരോ സ്ഥാപനവും രൂപപ്പെടുന്നത് എന്തെങ്കിലും ആശയത്തിന്റെ പൂർത്തികരണത്തിന് വേണ്ടിയാണ്.

ഒരാളുടെ ആശയം വിജയിച്ചപ്പോൾ അതിലുടെ എത്ര പേർക്കാണ് തൊഴിൽ ലഭിച്ചത്.

വിമാനം കണ്ടുപിടിച്ചതിലൂടെ ഇന്നിപ്പോൾ എത്രയാളുകളുടെ യാത്രക്ക് വേണ്ടിയുള്ള സമയമാണ് ലാഭിച്ചത്.

നമ്മുടെയുള്ളിലുള്ള ആശയങ്ങൾ പുറത്തുകൊണ്ടുവരിക, നല്ല ആശയങ്ങൾ നടപ്പിലാക്കാൻ ശ്രമിക്കുക.

ഓരോ നല്ല ആശയവും നടപ്പിലാക്കുന്നതിനു പിന്നിൽ ഒത്തിരി പരിശ്രമം ആവശ്യമാണ്.

നല്ല ആശയങ്ങൾ നമ്മുടെ ജീവിതത്തിന്റെ വളർച്ചയുടെ വേഗത കൂട്ടും.

ഒരു മനുഷ്യന്റെ ജീവിതത്തിൽ സന്തോഷം, സമാധാനം, സ്നേഹം, ജീവൻ നിലനിർത്താൻ ആവശ്യമായവ തുടങ്ങിയവ ലഭിക്കേണ്ടത് വളരെയധികം ആവശ്യമുള്ള കാര്യമാണ്.നല്ല ആശയങ്ങൾ അതിനു വളരെയേറെ സഹായിക്കും.

നമ്മുടെ ഓരോരുത്തരുടെയും കഴിവനുസരിച്ചു നല്ല നല്ല ആശയങ്ങൾ രൂപപ്പെടുത്താൻ നമ്മൾ എല്ലാവർക്കും സാധിക്കട്ടെ.