ഉണർവിൻ പൊൻകിരണങ്ങൾ:The awakening golden rays-46

എഴുത്തുകാർക്ക് അക്ഷരങ്ങളെ ആശ്രയിക്കേണ്ടി വരും. അക്ഷരങ്ങൾ പകർത്താൻ പേന, പെൻസിൽ, കടലാസ്, ഇലക്ട്രോണിക്സ് ഉപകരണങ്ങൾ എന്നിവ സാഹചര്യം അനുസരിച്ചു ആശ്രയിക്കേണ്ടി വരും.

എഴുത്തിനെ ആളുകളിലേക്ക് എത്തിക്കാൻ പ്രസിദ്ധികരണ ശാലകളെയും, ഇന്റർനെറ്റിനെയും, സോഷ്യൽ മീഡിയ പ്ലാറ്റ്ഫോമുകളെയും ഒരുപക്ഷെ ആശ്രയിക്കേണ്ടി വരും.

നാളിതുവരെ കിട്ടിക്കൊണ്ടിരുന്ന ആശ്രയം പല വിധ സാഹചര്യത്താൽ നഷ്ടപ്പെടുന്നവരുടെ വേദന വളരെ അധികം ദുഃഖകരമാണ്.

ആശ്രയങ്ങൾ ഏതൊരാൾക്കും എപ്പോൾ വേണമെങ്കിലും നഷ്ടപെട്ടേക്കാം. പ്രതീക്ഷിക്കാത്ത ആശ്രയങ്ങൾ ഏതൊരാൾക്കും എപ്പോൾ വേണമെങ്കിലും ലഭിച്ചേക്കാം.

ജോലിയിൽ നിന്നും കിട്ടുന്ന വരുമാനം ജോലി നിർത്തുമ്പോൾ നിലക്കും, ജോലി ഉപേക്ഷിച്ചു, തങ്ങളുടെ അഭിലാഷമായ ബിസിനസ്‌ ചെയ്യാൻ മുന്നിട്ടിറങ്ങുമ്പോൾ വരുമാനത്തിനുള്ള മറ്റു വഴികൾ സ്വഭാവികമായി ആശ്രയിക്കേണ്ടി വരും.

നമ്മുടെയൊക്കെ ജീവിതത്തിൽ ആശ്രയത്തിന് വളരെ അധികം പങ്കുവഹിക്കാനുണ്ട്.

നമ്മൾ ഓരോരുത്തരും മുന്നോട്ട് പോകുന്നത് പരസ്പരം ആശ്രയിച്ചിട്ടാണ്.

നമ്മൾ ആശ്രയിക്കുന്നത് എന്തിനെയാണോ അതിനനുസരിച്ചാണ് നമ്മുടെ ജീവിതത്തിൽ മാറ്റങ്ങൾ സംഭവിക്കുക.

മറ്റുള്ളവർ എന്തിനെ ആശ്രയിക്കുന്നു എന്നത് തന്നെ ആകണം എന്നില്ല നമ്മൾ ആശ്രയിക്കേണ്ടത്.

സമ്പത്തു ഉള്ളവർക്ക് ആശ്രയിക്കാൻ കഴിയുന്നത് പോലെ പാവപ്പെട്ടവർക്ക് എല്ലായിപ്പോഴും ഒരുപക്ഷെ ആശ്രയിക്കാൻ കഴിയണം എന്നില്ലല്ലോ.

ഒരു നേരം ഭക്ഷണം കിട്ടാൻ വളരെ അധികം പ്രയാസം അനുഭവപ്പെട്ടവരുണ്ട്, നിലവിൽ അനുഭവപ്പെടുന്നവരുണ്ട്, എല്ലാവരും അവരവർക്ക് ആവശ്യമായ ആശ്രയം തേടുകയാണ്.

നമ്മൾ ആശ്രയിക്കുന്നത് എന്തെല്ലാമാണോ അതെല്ലാം നമ്മൾക്ക് സ്ഥിരമായ സന്തോഷവും സമാധാനവും നൽകുന്നുണ്ടോ എന്ന് പരിശോധിക്കുക.

ജീവിതത്തിൽ ദുഃഖങ്ങൾ, ദുരിതങ്ങൾ, നിരാശകൾ ഇവയെല്ലാം ഉണ്ടാകുമ്പോൾ നമ്മൾ ആശ്രയിക്കുന്നത് എന്തിനെയാണ് എന്നത് വളരെ അധികം പ്രാധാന്യം അർഹിക്കുന്നു.

നമ്മൾക്ക് ഒരുപക്ഷെ പല അവസരത്തിലും ആശ്രയിക്കാൻ ഒരു ഇടം ലഭിച്ചെന്ന് വരില്ല.ആ അവസരത്തിൽ എല്ലാം തളരാതെ മുന്നോട്ട് പോകുക.

ഏതു ബിസിനസ്‌ ആയാലും വിജയിക്കണം എങ്കിൽ ഉപഭോക്താവിനെ ആശ്രയിക്കേണ്ടതുണ്ട്.

ഇന്നിപ്പോൾ അറിവിനായി ഒത്തിരി കാര്യങ്ങളെ ആശ്രയിക്കാൻ കഴിയും.

മനുഷ്യർക്ക് ഭക്ഷിക്കാൻ വേണ്ട വിഭവങ്ങൾ മണ്ണിൽ നിന്നും വിളവെടുക്കാൻ കൃഷിയെ ആശ്രയിക്കേണ്ടി വരും, മണ്ണിൽ ചെടി വളർത്താൻ വെള്ളത്തിനെ ആശ്രയിക്കേണ്ടി വരും, വെള്ളത്തിനായി മണ്ണ് കുഴിച്ചു കിണറിനെയോ, മഴ വെള്ളത്തെയോ, മറ്റു ജലസ്രോതസുകളെയോ ആശ്രയിക്കേണ്ടി വരും.

മണ്ണ്, വായു, വെള്ളം, അഗ്നി, ഭക്ഷണം ഇതൊന്നും ഇല്ലാതെ മനുഷ്യർക്ക് മുന്നോട്ട് പോകാൻ കഴിയില്ലല്ലോ.

നമ്മുടെ ഓരോ ശരീരഭാഗങ്ങളും അതിന്റെതായ ജോലി ചെയ്യുന്നത് പരസ്പരം ആശ്രയിച്ചിട്ടാണ്. ഭക്ഷണത്തിലൂടെ ലഭിക്കുന്നവയാണ് ശരീരത്തിനു പ്രവർത്തിക്കാൻ ഊർജം നൽകുന്നത്.

നമ്മൾ ആശ്രയിക്കുന്ന പലതും കാലത്തിന്റെ ഒഴുക്കിൽ നഷ്ടപ്പെട്ടേക്കാം, ഇന്നലെ വരെ കൂടെ ഉണ്ടായിരുന്നവർ നമ്മളിൽ നിന്നും ഒരുപക്ഷെ അകന്നുപോയേക്കാം, നമ്മുടെ വേണ്ടപ്പെട്ടവർക്ക് മരണത്തിലൂടെ ഈ ലോകത്തുനിന്നും വേർപാട് സംഭവിച്ചേക്കാം, നമ്മൾക്ക്, നമ്മുടെ വേണ്ടപ്പെട്ടവർക്ക് ഉണ്ടായിരുന്ന ജോലി നഷ്ടപ്പെട്ടേക്കാം, ബിസിനസ്‌ പരാജയപ്പെട്ടേക്കാം.

ഒരു വഴി അടഞ്ഞാൽ മറ്റു നേരായ വഴികളെ ആശ്രയിക്കുക, ജീവിതം നൽകുന്ന വലിയൊരു പാഠമാണ്.

ഈ ലോകം നമ്മൾക്ക് നൽകുന്നത് എല്ലാം നമ്മൾക്ക് ആശ്രയിക്കാൻ നമ്മളുടെ ജീവിതകാലം വരെയേ സാധിക്കുള്ളു.

പ്രതിസന്ധികളും പരാജയങ്ങളും ഉണ്ടാകുമ്പോൾ തെറ്റായ കാര്യങ്ങളെ ആശ്രയിക്കാതെ എപ്പോഴും നേരായ കാര്യങ്ങളെ മാത്രം ആശ്രയിക്കാൻ നമ്മൾ എല്ലാവർക്കും സാധിക്കട്ടെ.