ഉണർവിൻ പൊൻകിരണങ്ങൾ:The awakening golden rays-63

നമ്മുടെ ചുറ്റിലും നിരവധി കാര്യങ്ങൾ ഉണ്ടെങ്കിലും അതൊന്നും എല്ലാവർക്കും ഉപയോഗപ്പെടുത്തുവാൻ സാധിച്ചെന്ന് വരില്ല.

നമ്മൾക്ക് പല കാര്യങ്ങളും ഉപയോഗപ്പെടുത്തുന്നതിനു ധാരാളം പരിമിതികളുണ്ട്.

മറ്റുള്ളവർ നമ്മൾക്ക് നല്ല അവസരങ്ങൾ നൽകുമ്പോൾ നമ്മൾ അതനുസരിച്ചു പ്രയോജനപ്പെടുത്തേണ്ടതുണ്ട്.

അവസരങ്ങളെ തെറ്റായ രീതിയിൽ ഉപയോഗിക്കാതിരിക്കുക.

കിട്ടിയ അവസരം പരമാവധി ചുഷണം ചെയ്യുന്നവർ ഉണ്ടായേക്കാം.

എത്രയോ വ്യക്തികളാണ് മറ്റുള്ളവരുടെ ചുഷണത്തിന് വിധേയമായി ജീവിതത്തിൽ വളരെയേറെ വേദന അനുഭവിക്കുന്നത്.

നമ്മുടെ ബുദ്ധിയുടെ വളരെ ചെറിയൊരു അംശം മാത്രമാണ് നമ്മളിൽ പലരും ഉപയോഗിക്കുന്നുള്ളു.

ചെടി വളരണമെങ്കിൽ, വളർച്ചക്ക് ആവശ്യമായ കാര്യങ്ങൾ ഉണ്ടാവേണ്ടതുണ്ട്.

വെള്ളം നിശ്ചിത ഇടവേളകളിൽ ചെടിക്ക് കിട്ടിയില്ലെങ്കിൽ ചെടിയുടെ വളർച്ച നഷ്ടപ്പെട്ടേക്കാം.

മനുഷ്യരുടെ വളർച്ചക്ക് ആവശ്യമായത് ആവശ്യമായ തോതിൽ ഉപയോഗപ്പെടുത്തേണ്ടത് വളരെ പ്രധാനപ്പെട്ടതാണ്.

നമ്മളുടെ കഴിവുകൾ വേണ്ടതുപോലെ ഉപയോഗപ്പെടുത്താൻ ശ്രമിക്കുക.

ഇന്ന് കിട്ടുന്ന അവസരം നഷ്ടപ്പെടുത്തിക്കളഞ്ഞാൽ നാളെകളിൽ ആ അവസരം നമ്മൾക്ക് ഒരിക്കലും തിരിച്ചു കിട്ടിയെന്ന് വരില്ല.

നേട്ടങ്ങൾ കിട്ടുന്ന അവസരങ്ങൾ വേണ്ട വിധത്തിൽ ഉപയോഗിക്കാൻ എല്ലാവർക്കും സാധിക്കട്ടെ.