ഉണർവിൻ പൊൻകിരണങ്ങൾ:The awakening golden rays-64

ഉയർന്ന സ്വപ്നങ്ങൾ കാണാൻ നമ്മളിൽ പലരും ഒരുപക്ഷെ ശ്രമിക്കാറില്ല, നമ്മുടെ പരിമിതികൾ ആയിരിക്കാം പലപ്പോഴും ഉയർന്ന സ്വപ്നം കാണുന്നതിൽ നിന്നും നമ്മളെ പലപ്പോഴും പിന്തിരിപ്പിക്കുന്നത്.

ഈ ലോകത്തിൽ നമ്മൾക്ക് പല കാര്യങ്ങളും നേടിയെടുക്കാൻ കഴിയുന്നതിനു പരിധികളില്ല. ഒരിക്കലും നല്ല സ്വപ്നം കാണുന്നതിനെ നമ്മളായിട്ട് തടയാതിരിക്കുക.

നാളെകളെകുറിച്ചു നല്ല നല്ല സ്വപ്നങ്ങൾ കാണാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മുടെ ചുറ്റിലുമുള്ള ഓരോരുത്തരിലും സന്തോഷവും സമാധാനവും ലഭിക്കാൻ ഉപകരിക്കുന്ന നല്ല സ്വപ്നങ്ങൾ യഥാർഥ്യമാക്കാൻ നമ്മൾ ഓരോരുത്തർക്കും ശ്രമിക്കാം.

നമ്മുടെ നല്ല സ്വപ്നങ്ങളെ മറ്റുള്ളവർ ഒരുപക്ഷെ നിരുത്സാഹപ്പെടുത്തിയേക്കാം, തടസ്സപ്പെടുത്തിയേക്കാം അതിലൊന്നും തളരാതെ ഉറച്ച മനസ്സോടെ പൊരുതാൻ നമ്മൾക്ക് കഴിയണം.

പലപ്പോഴും ചെറിയ സ്വപ്നങ്ങളാണ് പിന്നീട് വളർന്നു വലുതായി മാറുന്നത്, സ്വപ്നത്തിൽ പോലും വിചാരിക്കാത്ത നേട്ടങ്ങൾ പലർക്കും നേടാൻ സാധിച്ചിട്ടുള്ളത് ചെറിയ സ്വപ്നം ആയിട്ട് പോലും അതു നേടിയെടുക്കാൻ പ്രതിസന്ധികളിൽ പോലും തളരാതെ പരിശ്രമിച്ചതുകൊണ്ടാണ്.

നാളെകളെക്കുറിച്ച് നല്ല സ്വപ്നങ്ങളും പ്രതീക്ഷകളും നമ്മൾ ഓരോരുത്തർക്കും സന്തോഷത്തോടെ, സമാധാനത്തോടെ മുന്നോട്ട് പോകുവാൻ ഉണ്ടാകേണ്ടതുണ്ട്.

നമ്മൾ കാണുന്ന ഓരോ സ്വപ്നവും നമ്മൾക്കും നമ്മളുടെ ചുറ്റിലുമുള്ളവർക്ക് സന്തോഷം നൽകുന്നതാകണം.

നമ്മൾ കാണുന്ന സ്വപ്നം എല്ലാം തന്നെ ഒരുപക്ഷെ സമയത്ത് നിറവേറ്റാൻ നമ്മളിൽ പലർക്കും ഒരുപക്ഷെ കഴിഞ്ഞെന്ന് വരില്ല.

നമ്മുടെ സ്വപ്നം യാഥാർഥ്യം ആക്കുന്നതിനായി ആരിൽ നിന്നും ഒരുപക്ഷെ വേണ്ടത്ര പിന്തുണ ലഭിച്ചെന്ന് വരില്ല, അതിലൊന്നും തളരാതെ മുന്നോട്ട് പോകുവാൻ കഴിയേണ്ടതുണ്ട്.

നമ്മൾ കാണുന്ന നല്ല സ്വപ്നങ്ങൾ നമ്മളുടെ പരിശ്രമത്തിന്റെ വേഗത കൂട്ടാൻ ഒരുപക്ഷെ സഹായിച്ചേക്കാം.

നല്ല സ്വപ്നം സഫലമാകാൻ നമ്മൾ തന്നെ പരിശ്രമിക്കേണ്ടതുണ്ട്.

ഉയർന്ന സ്വപ്നം കാണാനുള്ള ശ്രമം നമ്മുടെ ഭാഗത്തു നിന്നും നിരന്തരം ഉണ്ടാകേണ്ടതുണ്ട്.

നമ്മൾ കാണുന്ന നല്ല സ്വപ്നങ്ങൾ നേടിയെടുക്കാൻ നിരന്തരം പരിശ്രമിക്കുകയും, ക്ഷമയോടെ കാത്തിരിക്കേണ്ടതുമുണ്ട്.

സ്വപ്നം കാണുമ്പോൾ പലപ്പോഴും നമ്മളിൽ അതെല്ലാം നേടിയെടുക്കാൻ കഴിയും എന്നുള്ള ആത്മവിശ്വാസം ഉണ്ടാകണം എന്നില്ല.

നമ്മൾ ഇന്ന് അനുഭവിക്കുന്ന ഓരോ സൗകര്യങ്ങളും ഒരുപക്ഷെ ഇന്നലെകളിൽ പലരും കണ്ട സ്വപ്നത്തിന്റെ അനന്തരഫലങ്ങളാണ്.

സ്വപ്നം ആർക്കും കാണാം, സ്വപ്നത്തിന് യാതൊരു വിധ പരിധികളും ഇല്ലല്ലോ

നമ്മുടെ ജീവിതത്തിൽ നമ്മൾ കണ്ട നല്ല സ്വപ്നം നേടിയെടുക്കുന്നതിലുടെ  മറ്റുള്ളവർക്കും അവരുടെ ജീവിതത്തിൽ സ്വപ്നങ്ങൾ കാണാനും നേട്ടങ്ങൾക്കായി പരിശ്രമിക്കാനും  പ്രചോദനമായി തീരാൻ കഴിയട്ടെ.

നമ്മുടെ ഓരോരുത്തരുടെയും നല്ല സ്വപ്നം യാഥാർഥ്യമാക്കാൻ നമ്മൾ ഓരോരുത്തർക്കും നിരന്തരം പരിശ്രമിച്ചുകൊണ്ടിരിക്കാം.

നമ്മുടെ സ്വപ്നം ചെറുതായികൊള്ളട്ടെ, വലുതായികൊള്ളട്ടെ അതിനുവേണ്ടി തുടക്കമിടുക എന്നതിലാണ് കാര്യം.

ജീവിതത്തിൽ ചിലപ്പോഴൊക്കെ നമ്മൾക്ക് ലഭിക്കുന്ന സൗകര്യങ്ങൾ, അവസരങ്ങൾ എല്ലാം കിട്ടിക്കഴിയുമ്പോൾ നമ്മളിൽ പലരും ഒരുപക്ഷെ സംശയിക്കാറുണ്ട്, ഇതൊക്കെ ശരിക്കും സംഭവിക്കുന്നതാണോയെന്ന്.

സ്വപ്നങ്ങളുടെ ലോകത്തിൽ മാത്രം കഴിയാതെ യാഥാർഥ്യലോകത്തിൽ ആയിരിക്കാൻ ശ്രമിക്കേണ്ടതുണ്ട്.

സ്വപ്നം കാണുമ്പോൾ നമ്മൾക്ക് പലപ്പോഴും അതിന്റെ കഷ്ടപ്പാടും വേദനയും മനസ്സിലാക്കാൻ സാധിക്കണമെന്നില്ല.

ഏതു വ്യക്തിയുടെ സ്വപ്നം ആയാലും അതെല്ലാം യാഥാർഥ്യം ആക്കുവാൻ കഷ്ടപ്പാട് ധാരാളം ഉണ്ടാകും, അതിനെയെല്ലാം അതിജീവിച്ചെങ്കിൽ മാത്രമേ സ്വപ്നം സ്വന്തമാക്കാൻ ആർക്കായാലും കഴിയുകയുള്ളു.

നമ്മുടെയൊക്കെ ജീവിതത്തിനു നിറം പകരാൻ, പ്രതീക്ഷകളുമായി മുന്നോട്ട് പോകുവാൻ നമ്മൾ ഓരോരുത്തർക്കും നല്ല സ്വപ്നങ്ങൾ കാണാൻ സാധിക്കട്ടെ.

നമ്മളുടെ നല്ല സ്വപ്നം എന്നെങ്കിലും ഒരിക്കൽ സഫലമാകട്ടെ.