ഉണർവിൻ പൊൻകിരണങ്ങൾ:The awakening golden rays-67

നമ്മുടെയൊക്കെ ജീവിതത്തിൽ പല കാര്യങ്ങളും ശരിയായ വിധത്തിൽ ഉൾകൊള്ളേണ്ടതായിട്ടുണ്ട്.

പരാജയങ്ങൾ ഉണ്ടാകുമ്പോൾ അതിനെയൊക്കെ ശരിയായ വിധത്തിൽ ഉൾക്കൊണ്ട്‌ വിജയത്തിന് വേണ്ടി പരിശ്രമിക്കാൻ സാധിക്കേണ്ടതുണ്ട്.

നമ്മൾക്കുണ്ടാകുന്ന നഷ്ടങ്ങൾ നമ്മൾ ശരിയായ വിധത്തിൽ ഉൾകൊള്ളാൻ തയ്യാറാവേണ്ടതുണ്ട്.

പല കാര്യങ്ങളും പെട്ടെന്ന് തന്നെ ഉൾകൊള്ളാൻ കഴിഞ്ഞെന്ന് വരില്ല. എല്ലാത്തിനും അതിന്റെതായ സമയം വേണ്ടി വരും.

നമ്മുടെ ജീവിതത്തിൽ ഉണ്ടാകുന്ന ഓരോ പരാജയത്തിന്റെയും കാരണം കണ്ടെത്തി അതിനുള്ള പരിഹാരം കണ്ടെത്താൻ ശ്രമിച്ചില്ല എങ്കിൽ നമ്മൾക്ക് വിജയം എന്നും അകലെ തന്നെ ആയിരിക്കും.

നമ്മൾക്ക് ഇഷ്ടമില്ലാത്ത കാര്യങ്ങൾ നമ്മൾ ആരും തന്നെ ഉൾകൊള്ളാൻ ശ്രമിക്കാറില്ല. അറിവുള്ളവർ പറഞ്ഞു തരുന്ന ശരിയായ കാര്യങ്ങൾ ഉൾകൊള്ളാൻ കഴിഞ്ഞിരുന്നെങ്കിൽ ഇന്ന് നമ്മളിൽ പലർക്കും സങ്കടത്തിൽ കഴിയേണ്ടി വരില്ലായിരുന്നു.

ഓരോ കാര്യവും ഉൾകൊള്ളാൻ വൈകികൂടാ. ഉൾകൊള്ളാൻ വൈകുന്നത് അനുസരിച്ചു ഒരുപക്ഷെ ദുഃഖങ്ങളും കൂടികൊണ്ടിരിക്കും.

ഈ ലോകത്തുള്ള എല്ലാം നഷ്ടപ്പെടാൻ നിമിഷനേരം മതി എന്നത് ഇനിയെങ്കിലും ഉൾകൊള്ളാൻ കഴിയണം. നമ്മുടെ സ്വന്തം എന്നു കരുതിയ പലതും നമ്മളിൽ നിന്നും ഏതു നിമിഷവും നഷ്ടപ്പെട്ടേക്കാം.

എന്തു വിജയത്തിനുപിന്നിലും നല്ലതുപോലെ കഷ്ടപ്പെടേണ്ടതായിട്ടുണ്ട്. നെഗറ്റീവ് കാര്യങ്ങൾ നമ്മൾ ഒഴിവാക്കികൊണ്ട് പോസിറ്റീവ് കാര്യങ്ങൾക്ക് കൂടുതൽ പ്രാധാന്യം കൊടുക്കാൻ ശ്രദ്ധിക്കേണ്ടതുണ്ട്.

നമ്മുടെ ജീവിതം വളരെ ചുരുങ്ങിയ കാലയളവ് മാത്രമാണ്, ഇതിനിടയിലുള്ള ജീവിതത്തിൽ നമ്മൾ ഓരോരുത്തരും പല തരത്തിലുള്ള വിഷമസന്ധികളിലൂടെയൊക്കെ കടന്നു പോകേണ്ടതായിട്ട് വന്നേക്കാം.

നഷ്ടപ്പെട്ടതിൽ പലതും ഒരിക്കലും തിരിച്ചു കിട്ടാത്തവയും ഉണ്ടെന്ന് ഉൾകൊള്ളാൻ നമ്മൾ ഓരോരുത്തർക്കും കഴിയട്ടെ.

എല്ലാം നമ്മൾക്ക് ഉൾക്കൊണ്ട്‌ മുന്നോട്ടു ശരിയായ വിധത്തിൽ സഞ്ചരിക്കാൻ സാധിക്കട്ടെ.

പണം നമ്മുടെ പക്കൽ ഉണ്ടെങ്കിൽ ആളുകൾ നമ്മൾക്ക് ചുറ്റിലും ഉണ്ടായേക്കാം. പണം നമ്മളിൽ ഇല്ലെങ്കിൽ ആളുകൾ നമ്മൾക്ക് ചുറ്റിലും ഒരുപക്ഷെ ഉണ്ടായെന്നു വരില്ല.

ഈ ലോകത്ത് പണം കൊടുത്താൽ കിട്ടാത്ത ഒത്തിരി കാര്യങ്ങൾ ഉണ്ടല്ലോ. ആരോഗ്യവും, മനസമാധാനവും, ക്ഷമയും, വിശപ്പും, സ്നേഹവുമെല്ലാം പണം കൊടുത്താൽ കിട്ടുന്നത് അല്ലല്ലോ.

ഇനി നമ്മൾക്ക് മുന്നിൽ അധികം സമയമില്ല എന്ന ബോധ്യത്തോടെ ഉള്ള സമയം വേണ്ടതുപോലെ പ്രയോജനപ്പെടുത്തി മുന്നോട്ട് പോകുവാൻ സാധിക്കട്ടെ.