ഉണർവിൻ പൊൻകിരണങ്ങൾ:The awakening golden rays-69

ഊർജസ്വലതയോടെ പ്രവർത്തിക്കാൻ നമ്മളിൽ ഊർജം ആവശ്യമാണ്.

നമ്മൾക്ക് ഊർജം നഷ്ടപ്പെടാൻ പല കാരണങ്ങൾ കാണും, അതൊക്കെ കണ്ടെത്തി പരിഹരിക്കാൻ ശ്രമിച്ചെങ്കിൽ മാത്രമേ ഊർജസ്വലതയോടെ പ്രവർത്തിക്കാൻ കഴിയുകയുള്ളു.

ഒരുപാട് ഊർജം നമ്മുടെ പ്രപഞ്ചത്തിലുണ്ട്, അതു നമ്മൾ കണ്ടെത്തി ഉപയോഗപ്പെടുത്തേണ്ടതുണ്ട്.

പ്രകൃതി നമ്മൾക്ക് നൽകുന്ന ഊർജം വളരെ വലുതാണ്.

പ്രകൃതി വിഭവങ്ങളാണ് മനുഷ്യർക്ക് ജീവൻ നിലനിർത്താനുള്ള ഊർജം പ്രധാനമായിട്ടും നൽകുന്നത്.

പ്രകൃതിയെ മലിനമാക്കാതെ നോക്കേണ്ടത് നമ്മുടെ ഓരോരുത്തരുടെയും ഉത്തരവാദിത്തമാണ്.

പ്രകൃതിയെ ചുഷണം ചെയ്യുന്നതുമൂലമാണ് പല പ്രകൃതി ദുരന്തങ്ങൾക്കും പ്രധാന കാരണം ആയി മാറുക. നമ്മൾ ജീവിക്കുന്ന ഈ പ്രപഞ്ചം, വരും തലമുറകൾക്ക് കൂടെ അവകാശപ്പെട്ടതാണ്.

ഇന്ന് അല്ലെങ്കിൽ നാളെകളിൽ നമ്മളിൽ പലരും ഈ ഭൂമിയിൽ നിന്നും മരണം വഴി അകന്നുപോകും.

നമ്മൾ ഈ ലോകത്ത് ഇന്ന് ജീവിച്ചിരിക്കുന്നത്, നമ്മുടെ ചുറ്റിലുമുള്ള പ്രകൃതി നമ്മളെ സംരക്ഷിക്കുന്നതുകൊണ്ടാണ്.

ശുദ്ധമായ വായു ഇല്ലെങ്കിൽ പല ആരോഗ്യപ്രശ്‌നങ്ങൾക്കും കാരണമായേക്കാം.

നമ്മൾ ജീവിക്കുന്നത്, നമ്മൾക്ക് വേണ്ടി മാത്രം അല്ലല്ലോ, നമ്മളെ ആശ്രയിച്ചു കഴിയുന്ന ഒത്തിരി ആളുകൾ നമ്മൾക്ക് ചുറ്റിലും ഉണ്ടാവില്ലേ.

പ്രകൃതി സൗന്ദര്യം ആസ്വദിക്കാൻ കഴിയുക എത്ര മനോഹരമായ കാര്യമാണ്. ലോകത്തുള്ള എല്ലാ കാഴ്ചകളും ഒരു മനുഷ്യന്റെ ആയുസ്സിൽ മുഴുവനായിട്ട് കാണാൻ കഴിഞ്ഞെന്ന് വരില്ല.

പട്ടിണി ഇല്ലാതെ ജീവിക്കാൻ മനുഷ്യർക്ക് അധ്വാനിച്ചു ജീവിക്കേണ്ടതായിട്ടുണ്ട്.

മറ്റുള്ളവരുടെ അധ്വാനത്തിൽ അവർ സമ്പാദിച്ചത് എത്രത്തോളം കഷ്ടപ്പെട്ടത് കൊണ്ടാണെന്നു നമ്മൾ തിരിച്ചറിയണം. നല്ല കാര്യങ്ങൾക്കായി നല്ലതുപോലെ കഷ്ടപ്പെടാൻ തയ്യാറായാൽ നമ്മൾക്ക് ഒരുപാട് കാര്യങ്ങൾ നേടാൻ കഴിയും.

നമ്മളുടെ ഊർജം നഷ്ടപ്പെടുത്തുന്ന നെഗറ്റീവ് കാര്യങ്ങളിൽ നിന്നും വിട്ടുനിൽക്കുക.

പോസിറ്റീവ് ഊർജം കിട്ടുന്നിടത്തു കൂടുതൽ വ്യാപരിക്കുക. കൂടുതൽ ഊർജസ്വലതയോടെ നല്ല കാര്യങ്ങൾക്കായി പ്രവർത്തിക്കാൻ കഴിയട്ടെ.