ഉണർവിൻ പൊൻകിരണങ്ങൾ:The awakening golden rays-68

എല്ലാവർക്കും എല്ലായിപ്പോഴും സംതൃപ്തി ലഭിക്കണം എന്നില്ലല്ലോ.

ഓരോ മനുഷ്യരും അവരവരുടെ ജീവിതത്തിൽ സംതൃപ്തി കണ്ടെത്താനുള്ള യാത്രയിലാണ്.

ജീവിതത്തിൽ ഓരോ സമയത്തും വേണ്ട സംതൃപ്തിയുടെ മാനദണ്ഡങ്ങൾ ഓരോരുത്തരിലും വ്യത്യാസപ്പെട്ടുകൊണ്ടിരിക്കും.

എല്ലാവർക്കും എല്ലാവരെയും ഒരുപോലെ സംതൃപ്തിപ്പെടുത്തികൊണ്ട് ജീവിതം മുന്നോട്ട് കൊണ്ടുപോകാൻ എപ്പോഴും കഴിയണം എന്നില്ലല്ലോ.

ജീവിതത്തിൽ സംതൃപ്തി കണ്ടെത്താൻ കഴിയാതെ നിരാശയിൽ കഴിയുന്നവർ നമ്മളിൽ പലരും ഒരുപക്ഷെ ഉണ്ടായേക്കാം.

സംതൃപ്തി നേടാൻ കഴിയാത്ത സാഹചര്യത്തെ അതിജീവിക്കുവാൻ നമ്മൾ ഓരോരുത്തരും ആത്മധൈര്യം നേടേണ്ടതുണ്ട്.

നമ്മൾ എടുക്കുന്ന ഓരോ തെറ്റായ തീരുമാനങ്ങളും നമ്മുടെ സംതൃപ്തിയെ സാരമായി തന്നെ ബാധിച്ചേക്കാം.

നമ്മൾ ആഗ്രഹിക്കുന്ന കാര്യങ്ങൾ എല്ലാം വേണ്ട സമയത്തു നേടാൻ കഴിഞ്ഞെന്ന് വരില്ല, അതിൽ നിരാശപ്പെടാതെ മുന്നോട്ടു നേട്ടങ്ങൾക്കുവേണ്ടി പരിശ്രമിക്കാൻ നമ്മൾ ഓരോരുത്തർക്കും സാധിക്കണം.

പരിശ്രമിക്കാതെ ആർക്കും തന്നെ എന്തുകാര്യത്തിൽ ആയാലും സംതൃപ്തി നേടിയെടുക്കാൻ സാധിച്ചെന്ന് വരില്ല.

ഓരോ ജോലിയിലും ഓരോരുത്തർക്കും ഒരുപാട് കാര്യങ്ങൾ സംതൃപ്തിയോടെ ചെയ്യാനുണ്ട്.

സംതൃപ്തിയോടെ ചെയ്യുന്ന ഏതൊരു ജോലിയും ചുറ്റിലുമുള്ളവരിലും ഒരുപക്ഷെ സന്തോഷം നൽകാൻ സാധിച്ചേക്കാം.

ഉള്ളതിൽ തൃപ്തിപ്പെടുക എന്നതാണ് പല സാഹചര്യത്തിലും ഉചിതം.

പണവും സുഖസൗകര്യങ്ങളും ഉണ്ടായതുകൊണ്ടു മാത്രം ഒരാൾക്കും സംതൃപ്തി ഉണ്ടാവണമെന്ന് യാതൊരു നിർബന്ധവും ഇല്ലല്ലോ.

പണവും സുഖസൗകര്യങ്ങളും വേണ്ടത്ര ഇല്ലെങ്കിൽ പോലും ഉള്ളതിൽ സംതൃപ്തിയോടെ കഴിയുന്നവരും ഉണ്ടായേക്കാം.

ഓരോ കാര്യത്തിലും സംതൃപ്തി കണ്ടെത്താൻ ഒരുപാട് കാര്യങ്ങളെ ആശ്രയിച്ചിരിക്കുന്നു.

എന്തുകാര്യത്തിലും സംതൃപ്തിയോടെ ചെയ്യുമ്പോഴാണ് ഒരുപക്ഷെ സന്തോഷവും സമാധാനവും കൈവരിക.

പലപ്പോഴും ചെയ്യുന്ന കാര്യത്തിൽ സംതൃപ്തി നേടാൻ കഴിയാതെ മുന്നോട്ട് പോകേണ്ടി വന്നേക്കാം.

ചിലർക്കൊക്കെ ചെയ്യുന്ന ജോലി സംതൃപ്തി നൽകുമെങ്കിലും അതിലുടെ കിട്ടുന്ന സാമ്പത്തിക നേട്ടങ്ങളും മറ്റും സംതൃപ്തി നൽകികൊള്ളണം എന്നില്ല, മറ്റു ചിലർക്കു ആകട്ടെ ജോലിയിലൂടെ കിട്ടുന്ന സാമ്പത്തിക നേട്ടങ്ങളും മറ്റും സംതൃപ്തി നൽകുമെങ്കിലും ചെയ്യുന്ന ജോലിയിൽ സംതൃപ്തി ഉണ്ടാകണമെന്നില്ല.

ഉള്ളതിൽ സംതൃപ്തിപ്പെടാൻ കഴിയാത്തതുകൊണ്ടാണ് പലരും മറ്റു വഴികൾ തേടുന്നത്.

സംതൃപ്തിക്കുവേണ്ടിയുള്ള കുറുക്കുവഴി അന്വേഷണം ഒരുപക്ഷെ നമ്മൾക്ക് നിരാശകൾ സമ്മാനിച്ചെന്ന് വരാം.

നേരോടെ കഷ്ടപ്പെട്ട് നേടുന്നത് മാത്രമേ ഒരുപക്ഷെ നമ്മുടെയൊക്കെ ജീവിതകാലം മുഴുവൻ സംതൃപ്തി  നൽകാൻ കഴിയുകയുള്ളു.

നമ്മൾ ആഗ്രഹിക്കുന്ന നേരായ സംതൃപ്തി നമ്മൾക്ക് ഒരുനാൾ പരിശ്രമത്തിലൂടെ നേടാൻ കഴിയട്ടെ.