ഉണർവിൻ പൊൻകിരണങ്ങൾ:The awakening golden rays-70

നമ്മൾക്ക് നേട്ടങ്ങൾ സ്വന്തമാക്കാൻ ഒരിടത്തു എത്തിച്ചേരേണ്ടതുണ്ട്.

നമ്മളിലേക്ക് പണം എത്തിചേരണം എങ്കിൽ നമ്മൾ നല്ലതുപോലെ നേരായ വിധത്തിൽ കഷ്ടപ്പെടാൻ ഒരുക്കമാകേണ്ടതുണ്ട്.

വിജയം എത്തിച്ചേരാൻ നമ്മൾ അതിന് അനുസരിച്ചു അധ്വാനിച്ചേ മതിയാകുള്ളൂ.

പലരും അവർക്ക് എത്തിച്ചേരേണ്ട സ്ഥലത്തു എത്തിച്ചേരാൻ കഴിയാതെ ആകുമ്പോൾ നിരാശയിൽ ആകാറുണ്ട്.

എത്തിച്ചേരേണ്ട സ്ഥലത്ത് നമ്മൾക്ക് എത്തിച്ചേർന്നാൽ മാത്രമാണ് പൂർണ്ണമായ തോതിൽ സന്തോഷം കണ്ടെത്താൻ കഴിയുകയുള്ളു.

മറ്റുള്ളവരുടെ ജീവിതരീതി കണ്ടുകൊണ്ട് അവരെ അന്ധമായി അനുകരിക്കാൻ ശ്രമിച്ചാൽ ഒരുപക്ഷെ പിന്നിടുള്ള കാലം ദുഖിക്കേണ്ടി വന്നേക്കാം.

ഈ ഭൂമിയിൽ ജനിച്ച എല്ലാ ജീവജാലങ്ങൾക്കും ഒരുനാൾ മരണമുണ്ട്.

ഒരു വിത്ത് നട്ടു അതിൽ നിന്നും വിളവ് എടുക്കാൻ പാകത്തിൽ ആകുന്നതിലേക്ക് എത്തിച്ചേരാൻ നിശ്ചിത സമയം ആവശ്യമാണ്.

നമ്മുടെ ദുഃഖങ്ങൾ അകന്നു പകരം സന്തോഷം നിറയുന്നതിലേക്ക് എത്തിച്ചേരാനും സമയം ആവശ്യമാണ്.

നമ്മൾ ഓരോരുത്തർക്കും നല്ല ലക്ഷ്യങ്ങൾ എന്നും ഉണ്ടാവേണ്ടതുണ്ട്.

നമ്മൾ, നമ്മളെതന്നെ പൂർണ്ണമായി വിശ്വസിക്കുക, ഒരുനാൾ വിജയിക്കുമെന്ന്. വിജയത്തിനായി നല്ലതുപോലെ പരിശ്രമിച്ചാൽ മാത്രമാണ് വിജയത്തിലേക്ക് ആർക്കായാലും എത്തിച്ചേരാൻ കഴിയുകയുള്ളു.

എല്ലാ മനുഷ്യരും വ്യത്യസ്തരാണ്, എല്ലാവർക്കും കാണും ഓരോരോ കുറവുകൾ.

നമ്മളുടെ കുറവുകൾ ഒരുപക്ഷെ നമ്മൾക്ക് എളുപ്പം പല കാര്യങ്ങൾ സ്വന്തമാക്കുന്നതിനു തടസ്സം സൃഷ്ടിച്ചേക്കാം, എങ്കിൽ പോലും ക്ഷമയോടെ നിരന്തരം പരിശ്രമിച്ചാൽ കുറവുകൾ ഉണ്ടെങ്കിൽ കൂടിയും വിജയം സ്വന്തമാക്കാൻ സാധിച്ചേക്കും.

നമ്മളുടെ പക്കലുള്ള ഈ സമയം പാഴാക്കാതെ നല്ല കാര്യങ്ങൾക്കുവേണ്ടി പ്രവർത്തിക്കാൻ തയ്യാറാകുക.

നമ്മൾ എല്ലാവർക്കും നല്ലതുപോലെ കഷ്ടപ്പെട്ടുകൊണ്ട് ഒരുനാൾ വിജയത്തിലേക്ക് എത്തിച്ചേരാൻ സാധിക്കട്ടെ.