ഉണർവിൻ പൊൻകിരണങ്ങൾ:The awakening golden rays-80

ഒന്നും ചെയ്യാനില്ലാത്ത അവസ്ഥ നമ്മുടെയൊക്കെ ജീവിതത്തിൽ പലപ്പോഴും ഉണ്ടായിട്ടുണ്ടാവാം.

നിരാശ നിറഞ്ഞ അവസ്ഥയിൽ, എല്ലാം നഷ്ടപ്പെട്ട അവസ്ഥയിലൊക്കെ ഒന്നും ചെയ്യാനില്ലാത്ത സാഹചര്യം ഉണ്ടായിട്ടുണ്ടാകാം.

ചില സാഹചര്യങ്ങളിൽ നമ്മൾക്ക് ഒന്നും തന്നെ ചെയ്യാൻ സാധിക്കണമെന്നില്ല.

മോശപ്പെട്ട അവസ്ഥയിലൂടെ കടന്നുപോയ പലർക്കും പിന്നീട് ആ അവസ്ഥയിലൂടെ ഇനിയൊരിക്കലും കടന്നുപോകരുതെന്നുള്ള ത്രിവമായ ആഗ്രഹം ഉണ്ടായിട്ടുണ്ടാകും.

മോശപ്പെട്ട അവസ്ഥയിലൂടെ കടന്നുപോകുമ്പോഴാണ് പലപ്പോഴും ഇത്രയും ദുസ്സഹമായ സാഹചര്യം ആണെന്ന് മനസ്സിലാക്കാൻ സാധിക്കുക.

നമ്മൾ ഇന്നിപ്പോൾ സന്തോഷത്തോടെ, സമാധാനത്തോടെ ജീവക്കുന്നുണ്ടെങ്കിൽ അതിന്റെ പിന്നിൽ നമ്മളുടെ വേണ്ടപ്പെട്ടവരുടെ കഷ്ടപ്പാടുണ്ട് എന്നത് മറക്കരുത്.

നമ്മൾ ഇന്ന് ഈ നിലയിൽ എത്തിയിട്ടുണ്ടെങ്കിൽ മറ്റുള്ളവർ, അവരുടെ സമയവും അധ്വാനവും നമ്മൾക്കായി മാറ്റിവെച്ചതുകൊണ്ടാണ്.

ലോകം നമ്മൾക്ക് മുൻപിൽ പല കാലഘട്ടത്തിലും വലിയ വെല്ലുവിളികൾ ഉയർത്തിയിട്ടുണ്ട്.

ഒന്നും ചെയ്യാനില്ലാത്ത അവസ്ഥകൾ നമ്മുടെ ചുറ്റിലുമുള്ളവർക്ക് ഉണ്ടാകുമ്പോൾ അവർക്കൊക്കെ സഹായമാകാൻ നമ്മൾക്ക് ആയിരിക്കും ഒരുപക്ഷെ കഴിയുക. നമ്മൾ ആ സാഹചര്യം വേണ്ടതുപോലെ ഉപയോഗപ്പെടുത്തണം.

ഒരുപക്ഷെ നമ്മുടെ ചെറിയ സഹായം മതിയാകും അവരുടെ ജീവിതം രക്ഷപ്പെടാൻ,കൂടുതൽ നേട്ടങ്ങൾ കൈവരിക്കാൻ.

നമ്മളുടെ മരണത്തിലൂടെ ഒന്നും ചെയ്യാനില്ലാത്ത അവസ്ഥകൾ നമ്മൾക്ക് ഉണ്ടാവും എന്നത് ഉറപ്പാണ്.

ജീവിച്ചിരിക്കുമ്പോൾ മാത്രമാണ് നമ്മൾക്ക് ഈ ലോകത്തിനുവേണ്ടി എന്തെങ്കിലും ചെയ്യാൻ സാധിക്കുക.

ഒന്നും ചെയ്യാനില്ലാത്ത അവസ്ഥകളെയൊക്കെ ശരിയായ വിധത്തിൽ നേരിടാൻ നമ്മൾ എല്ലാവർക്കും സാധിക്കട്ടെ.