ഉണർവിൻ പൊൻകിരണങ്ങൾ:The awakening golden rays-82

ഈ ലോകത്തിൽ എത്രയെത്ര വിഷയങ്ങളാണ് ദിനം പ്രതി നടന്നുകൊണ്ടിരിക്കുന്നത്.ഇന്നലെകളിൽ ഉണ്ടായിരുന്ന വിഷയങ്ങൾ പലതും ഇന്നിപ്പോൾ അപ്രതീക്ഷിതമായി പോകുന്നുണ്ട്.

നമ്മുടെ ജീവിതനിലവാരം ഉയരണമെങ്കിൽ നമ്മൾ ജീവിക്കുന്ന സാഹചര്യം അനുസരിച്ചു നമ്മുടെയൊക്കെ അറിവിൽ കാര്യമായ അഭിവൃദ്ധി കൊണ്ടുവരേണ്ടതുണ്ട്.

പണ്ട് ജീവിച്ചവർ നേരിട്ട സാഹചര്യം അല്ല ഇന്നിപ്പോൾ മനുഷ്യർ അനുഭവിക്കുന്നത്. ഇന്നുള്ള മനുഷ്യർ അനുഭവിക്കുന്ന കാര്യങ്ങൾ അല്ല വരും തലമുറകൾ നേരിടേണ്ടി വരുന്നത്.

നമ്മൾ നേരിട്ടുകൊണ്ടിരിക്കുന്ന വിഷയങ്ങൾ പരിഹരിക്കാൻ നമ്മുടെ ചുറ്റിലുമുള്ള അറിവുള്ള മനുഷ്യരെയാണ് നമ്മൾ ആശ്രയിക്കുക.

നമ്മൾക്ക് ഒരു രോഗം വന്നാൽ, ആ രോഗത്തെ പറ്റി പഠിച്ചിട്ടുള്ള ഡോക്ടറെ നമ്മൾ കാണാൻ പോകുന്നത്, ആ വ്യക്തിക്ക് ഇതെക്കുറിച്ച് കാര്യമായിട്ട് അറിയാം എന്നതുകൊണ്ടാണ്.

നമ്മൾക്ക് അറിയേണ്ട കാര്യങ്ങൾ ശരിയായ അറിവുകൾ കിട്ടുന്നിടത്തുനിന്നും അന്വേഷിച്ചു കണ്ടെത്തുക.

നമ്മൾ നേരിട്ടുകൊണ്ടിരിക്കുന്ന എല്ലാ പ്രശ്നങ്ങൾക്കും ഉടനെ തന്നെ പരിഹാരം ലഭിക്കണം എന്നില്ല. നിരന്തരമായ അന്വേഷണവും ശ്രമവും അതിനു ആവശ്യമാണ്.

ലോകത്തു ഇന്നിപ്പോൾ അറിവുകൾ ഇന്റർനെറ്റിന്റെ സഹായത്തോടെ നമ്മൾക്ക് ലഭിക്കുന്നുണ്ട്, ആ അറിവുകളൊക്കെ ശരിയാണോ എന്ന് വിശദമായി തന്നെ പരിശോധിക്കേണ്ടതുണ്ട്. തെറ്റായ അറിവുകൾ നമ്മുടെയൊക്കെ മുൻപോട്ടുള്ള യാത്രയെ ഇല്ലാതാക്കിയേക്കാം.

ഓരോ വിഷയവും ശരിയായ വിധത്തിൽ അറിഞ്ഞതിനുശേഷം മാത്രം മറ്റുള്ളവരോട് സംസാരിക്കുക.

നമ്മുടെ ജീവിതത്തിനു ഗുണം ചെയ്യുന്ന വിഷയങ്ങൾ ശരിയായ വഴികളിലൂടെ അറിയാൻ നമ്മൾ എല്ലാവർക്കും സാധിക്കട്ടെ.