ഉണർവിൻ പൊൻകിരണങ്ങൾ:The awakening golden rays-83

നമ്മൾ പല കാര്യത്തിലും ഇറങ്ങി തിരിക്കുന്നത് വേണ്ടത്ര ഒരുക്കത്തോടെ ആയിരിക്കുമല്ലോ.

ഒരുക്കങ്ങൾ ശരിയായ വിധത്തിൽ അല്ലെങ്കിൽ പാളിച്ചകൾ ഉണ്ടാവാനുള്ള സാധ്യതകൾ വളരെയേറെയാണ്.

നമ്മുടെ മുന്നോട്ടുള്ള യാത്രകളിൽ ഒരുങ്ങേണ്ടതിന്റെ പ്രാധാന്യം വളരെ വലുതാണ്.

പരീക്ഷക്കുവേണ്ടി ഒരുങ്ങുന്ന വിദ്യാർഥികൾ, അവരുടെ കുറെ കാലങ്ങളായിട്ട് പഠിച്ച കാര്യങ്ങൾ പരീക്ഷയിലൂടെ ഉത്തരങ്ങളായിട്ട് രേഖപ്പെടുത്താൻ ഒരുങ്ങേണ്ടതുണ്ട്.

കാലാവസ്ഥ പ്രവചനം അനുസരിച്ചു വേണ്ടത്ര ഒരുക്കങ്ങൾ സ്വീകരിക്കാറുണ്ട്, ഇല്ലെങ്കിൽ ഒരുപക്ഷെ വലിയൊരു നഷ്ടത്തിനു തന്നെ കാരണം ആയിതിർന്നേക്കാം.

ഏതൊരു ഭാഷയിലും നന്നായി ആശയവിനിമയം ചെയ്യാൻ നല്ലതുപോലെ ഒരുക്കങ്ങൾ ഉണ്ടാവേണ്ടതുണ്ട്.

ഓരോ കാര്യത്തിനും അതിന്റെതായ ഒരുക്കങ്ങൾ ആവശ്യമാണ്. ഓരോ കാര്യത്തിനും അതിന്റെതായ യോഗ്യതകൾ നേടിയവർക്ക് മാത്രമാണ് ഒരുങ്ങാൻ കഴിയുകയുള്ളു.

മുൻപോട്ട് പല സാഹചര്യത്തിലൂടെ നമ്മൾ ഓരോരുത്തരും കടന്നുപോകേണ്ടതായിട്ട് വന്നേക്കാം, അവിടെയൊക്കെ നമ്മളെ തന്നെ ഒരുക്കാൻ സാധിക്കേണ്ടതുണ്ട്.

മുൻകൂട്ടി ഒരുങ്ങാൻ ഒന്നും പല സാഹചര്യത്തിലും നമ്മളിൽ പലർക്കും കഴിഞ്ഞെന്ന് വരില്ല.

മറ്റുള്ളവരെ തോൽപ്പിക്കാൻ വേണ്ടി ഓരോ കാര്യങ്ങൾ ഒരുക്കുമ്പോൾ, തിരിച്ചറിയുക കാലം എല്ലാത്തിനും കണക്ക് ചോദിക്കുമെന്ന്.

സത്യം എന്നെങ്കിലും ഒരിക്കൽ പുറത്തുവരും. ഇല്ലാത്ത കഥകൾ ഒരുക്കി മറ്റുള്ളവരെ മാനസികമായി ബുദ്ധിമുട്ടിക്കുന്നതിലൂടെ സന്തോഷം കണ്ടെത്തുന്നവർ ഉണ്ടാവാം, അവരൊക്കെ ഒരിക്കൽ മറ്റേ വ്യക്തികൾ അനുഭവിച്ച വേദന അനുഭവിക്കുമ്പോൾ മാത്രമാണ് എത്രത്തോളം വേദന നിറഞ്ഞ അനുഭവം ആണെന്ന് തിരിച്ചറിയുക.

ലോകം നമ്മൾക്ക് നിരവധി നല്ല അവസരങ്ങൾ നൽകുന്നുണ്ട്. നമ്മൾക്ക് ലഭിക്കുന്ന അവസരങ്ങൾ പാഴാക്കാതെ നല്ല കാര്യങ്ങൾക്കുവേണ്ടി മാത്രം നമ്മുടെ സമയത്തെ വിനിയോഗിക്കുക.

നല്ല കാര്യങ്ങൾ മുൻപോട്ട് ചെയ്യാൻ നമ്മളെ തന്നെ ഒരുക്കുക.

നമ്മൾക്കോ, നമ്മുടെ ചുറ്റിലുമുള്ളവർക്കോ ഉണ്ടായിട്ടുള്ള വിഴ്ചകളിൽ നിന്നും തെറ്റുകുറ്റങ്ങളിൽ നിന്നും നമ്മൾക്ക് ആവശ്യമായ കാര്യങ്ങൾ പഠിച്ചെടുക്കുക.

മറ്റുള്ളവർക്ക് ഉപകാരപ്പെടുന്ന കാര്യങ്ങൾ ചെയ്യുന്നതിനായി നമ്മളുടെ സമയം നല്ല കാര്യങ്ങൾക്കായി മാറ്റിവെക്കാൻ ഇടയാകട്ടെ.

വിഴ്ചകളിൽ നിന്നും കര കയറാൻ, തെറ്റിൽ നിന്നും പാഠങ്ങൾ ഉൾക്കൊണ്ട്‌ കൂടുതൽ ഒരുങ്ങാൻ സാധിക്കട്ടെ.