മനം നിറക്കാൻ മധുമന്ത്രങ്ങൾ:mantras to fill the mind-27

നമ്മളുടെ സ്വപനങ്ങൾ ഇന്ന് സഫലമായിട്ടുണ്ടെങ്കിൽ അതിനു പിന്നിലുള്ള നമ്മളുടെ പരിശ്രമങ്ങൾ നാളുകൾക്കു മുന്നേ ആരംഭിച്ചു കഴിഞ്ഞിരുന്നു.

നമ്മൾ നാളെ എന്തെങ്കിലും ഒക്കെ ആയിത്തീരണം എങ്കിൽ ഇന്ന് തന്നെ അതിനുള്ള പരിശ്രമങ്ങൾ ആരംഭിക്കേണ്ടതുണ്ട്.

നമ്മുടെ വാക്കുകൾ മറ്റുള്ളവർക്ക് പ്രചോദനം ആകുമെങ്കിൽ മറ്റുള്ളവരുടെ ജീവിതത്തിൽ നല്ല മാറ്റങ്ങൾ സംഭവിക്കാൻ ഉതകുമെങ്കിൽ നമ്മുടെ ഉദ്യമങ്ങൾ വിജയിക്കും.

ഭാവിയിൽ പരാജയമോ വിജയമോ എന്ത് സംഭവിച്ചാലും നമ്മൾ ഇന്ന് ചെയ്യാൻ ഉള്ളത് ചെയ്യുക അതിന്റെ ഫലം നമ്മൾക്ക് ഒരിക്കൽ ലഭിച്ചേക്കും.ഒരിക്കലും ആരംഭിക്കാൻ ഉള്ള അവസരങ്ങൾ പാഴാക്കരുത്.നമ്മളെ പോലെ അവസരങ്ങൾ കിട്ടാത്ത ഒത്തിരി ആളുകൾ നമ്മൾക്ക് ചുറ്റിലുമുണ്ട് ഒരു പക്ഷെ അവർക്കു ഒരു അവസരമെങ്കിലും കിട്ടിയിരുന്നെങ്കിൽ ഇന്ന് എന്തൊക്കെ നേട്ടങ്ങൾ അവർക്കു സ്വന്തമാക്കാൻ കഴിഞ്ഞേനെ.

നമ്മൾ നമ്മളുടെ കഴിവുകളെ ഉണർത്തുക, കൂടുതൽ ഉത്സാഹത്തോടെ കഴിവുകളെ വളർത്തുക ഇന്ന് അല്ലെങ്കിൽ നാളെ നമ്മളെ അറിയുക നമ്മളുടെ കഴിവുകളെ ഓർത്തിട്ടായിരിക്കും.

ഓരോ അവസരങ്ങളും നമ്മൾക്ക് മുന്നിൽ എപ്പോഴും കിട്ടിക്കൊള്ളണം എന്നില്ല, കിട്ടിയാൽ നമ്മൾ ആയിട്ടു നഷ്ടപ്പെടുത്താതെ ഇരുന്നാൽ മതി.നഷ്ടപ്പെടുത്തിയത് ഒരിക്കലും തിരിച്ചു കിട്ടില്ല. 

ജീവിതത്തിൽ ഒത്തിരി കാര്യങ്ങൾ നേടിയെടുക്കാൻ ഉണ്ട് അതിനാൽ ഇന്ന് തന്നെ ജീവിതത്തിൽ നേടേണ്ട ലക്ഷ്യങ്ങൾ മനസ്സിൽ ഉറപ്പിച്ചു കൊണ്ട് അതിനായി പ്രയത്നിക്കാൻ ശ്രമിക്കാം.

ജീവിതത്തിൽ പലപ്പോഴും പല കാര്യങ്ങളും പഠിച്ചതുകൊണ്ടാണ് ഇന്ന് നമ്മൾക്കു കുറെ കുടി കാര്യങ്ങൾ എളുപ്പത്തിൽ മനസ്സിലാക്കാൻ സാധിക്കുന്നത്. എല്ലാവർക്കും നല്ല കാര്യങ്ങളിൽ ആരംഭം കുറിക്കുവാൻ സാധിക്കട്ടെ.