മനം നിറക്കാൻ മധുമന്ത്രങ്ങൾ:mantras to fill the mind-343

നമ്മിൽ പലരും എന്തെങ്കിലും സാധ്യത എവിടെയെങ്കിലും കിട്ടുമോ എന്ന് അനേഷിച്ചു നടക്കുന്നവരാണ്.ഒരു പ്രോഗ്രാമിൽ പങ്കെടുക്കുമ്പോൾ നമ്മൾക്ക് ഗുണം ഉണ്ടാകാനുള്ള സാധ്യത നമ്മൾ കണ്ടാൽ അല്ലെ പോകുകയുള്ളു.നാളെ എന്ത് സംഭവിക്കും എന്നത് ഒരു സാധ്യത മാത്രമാണ് അത് സംഭവിച്ചുകഴിഞ്ഞാൽ പിന്നെ സാധ്യത യഥാർത്ഥമായി മാറുന്നു.

നമ്മളുടെ മനസ്സിൽ കണ്ട സാധ്യത സാധിക്കണമെങ്കിൽ അതിനുവേണ്ടിയുള്ള പരിശ്രമം വേണം അതിൽ അസാധ്യത വിചാരിച്ചാൽ ഒന്നും സാധിച്ചെന്നു വരില്ല.

നമ്മളിൽ പലതരത്തിലുള്ള സാധ്യതകളുമുണ്ട് നമ്മൾക്ക് സാധിക്കാൻ പറ്റുന്ന തരത്തിലേക്ക് നമ്മൾ സാധ്യതയെകൊണ്ടുവരണം.

ഏതു മനുഷ്യനും എല്ലാകാര്യങ്ങളും സാധിക്കുവാനും സാധിച്ചുകൊടുക്കുവാനും എപ്പോഴും  കഴിഞ്ഞെന്നു വരില്ല.

എല്ലാവർക്കും എല്ലാ കാര്യങ്ങളും അറിഞ്ഞു കഴിഞ്ഞാൽ പിന്നെ ഒന്നും ബാക്കി പറയാൻ ഉണ്ടാകില്ല അവിടെ പറയുവാനുള്ള സാധ്യതയും  ഇല്ല.നമ്മളുടെ മനസ്സിൽ എന്തെങ്കിലും സാധ്യതകളെ മുന്നിൽ കണ്ടെങ്കിൽ മാത്രമേ ജീവിതത്തിൽ വിജയം കൈവരിക്കാൻ സാധിക്കുകയുള്ളു.

എന്തെങ്കിലും സാധ്യത വേണ്ടേ നമ്മൾ ചെയ്യുന്ന എല്ലാകാര്യങ്ങൾക്കും . ഒത്തിരികാര്യങ്ങൾ പഠിക്കാനുള്ള സാധ്യതകൾ ഇന്ന് നിരവധി ഉണ്ട്. തെറ്റുകണ്ടാൽ തിരുത്തുവാനും മറ്റുള്ളവർക്ക് നല്ലതു പറഞ്ഞുകൊടുക്കുവാനും നമ്മൾക്ക് സാധിക്കണമെങ്കിൽ അതിനുവേണ്ടി പരിശ്രമിക്കാനുള്ള മനസ്സുണ്ടാകണം.