മനം നിറക്കാൻ മധുമന്ത്രങ്ങൾ:mantras to fill the mind-73

നമ്മളുടെ ഓരോരുത്തരുടെയും ജീവിതത്തിൽ സങ്കടങ്ങൾ കൂടുതൽ അനുഭവപ്പെടുന്നത് ഒറ്റപ്പെടൽ ഉണ്ടാകുമ്പോഴാണ്.പലപ്പോഴും മനുഷ്യരുടെ വേർപാടോ അല്ലെങ്കിൽ സ്നേഹ ബന്ധങ്ങളിലെ വിള്ളലുകളോ ഒക്കെ നമ്മെ ഏകാന്തപ്പെടുത്തിയേക്കാം.

ഭൂമിയിൽ ജനിച്ചു വീഴുന്ന എല്ലാ മനുഷ്യരും ഒരു നാൾ എങ്കിലും കരയാതിരുന്നിട്ടില്ല.കരഞ്ഞുകഴിഞ്ഞാൽ നമ്മളിൽ എന്തെങ്കിലും മാറ്റങ്ങൾ സംഭവിക്കുന്നുണ്ടോ? കൂടുതൽ നേരം നമ്മളിൽ സങ്കടം വന്നാൽ നമ്മളിലെ ഏകാന്തതയെ നഷ്ടപ്പെടുത്താൻ കഴിയുമോ?സങ്കടം വരുമ്പോൾ നമ്മൾ ഏകാന്തതയെ ഇഷ്ടപ്പെടാൻ തുടങ്ങും അവിടെനിന്നു നമ്മൾ കണ്ടെത്തും പുതിയ തിരിച്ചറിവുകൾ.

ഓരോ മനുഷ്യർക്കും ജീവിതത്തിൽ എപ്പോഴെങ്കിലും ഉണ്ടാകുന്ന ഒരു അവസ്ഥയാണ് ഏകാന്തത.എല്ലാ ഏകാന്തതയ്ക്കും നല്ല വശങ്ങളും, മോശം വശങ്ങളുമുണ്ട്.നമ്മൾക്ക് സങ്കടം ഉണ്ടാക്കുന്ന പലവിധ കാരണങ്ങൾ ഉണ്ടാകാം എല്ലാത്തിനും എവിടെയെങ്കിലും പരിഹാരം കണ്ടെത്താൻ കഴിയും.

നമ്മൾ എന്ന് തൊട്ടു ഏകാന്തതയെ ഇഷ്ടപ്പെടുന്നുവോ അന്ന് മുതൽ നമ്മളിൽ മാറ്റങ്ങൾ സംഭവിക്കാൻ തുടങ്ങും ഏകാന്തത മനസ്സുമായി നമ്മളുടെ ലക്ഷ്യങ്ങളിലേക്കു നമ്മൾക്ക് എളുപ്പം ചെന്നെത്താൻ സാധിക്കും.നമ്മുടെ മനസ്സിനെ കുറച്ചു നേരത്തേക്ക് ഏകാന്തമാക്കാൻ നമ്മൾ ശ്രമിക്കണം നമ്മളുടെ ഉള്ളിലുള്ള എല്ലാ വിഷമങ്ങളും നമ്മളിൽ നിന്നും അലിഞ്ഞു ഇല്ലാതെയാകാൻ ഏകാന്തമായ മനസ്സ് നമ്മൾക്ക് വേണം.

നല്ല വ്യക്തികളായി തിരുവാൻ ഏകാന്ത മനസ്സുമായി സന്തോഷത്തോടെ മുന്നേറുവാൻ നമ്മൾക്ക് ഓരോരുത്തർക്കും കഴിയട്ടെ എന്ന് ആശംസിക്കുന്നു.(ഞാൻ പറഞ്ഞു വന്നത് ഏകാന്തത കുറച്ചു നേരത്തേക്ക് വേണം എന്നാണ് നമ്മൾ സാമൂഹിക ജീവിതം നയിക്കുമ്പോൾ മറ്റുള്ളവരെ മനസ്സിലാക്കാൻ നമ്മൾക്ക് കഴിയണം എങ്കിൽ നമ്മളിൽ എന്തെങ്കിലും മാറ്റങ്ങൾ സംഭവിക്കേണ്ടതുണ്ട്.,കൂടുതൽ ഏകാന്തതയെ ഇഷ്ടപ്പെട്ടാൽ നമ്മുടെ ഓരോരുത്തരുടെയും ജീവിതത്തിന്റെ താളം തെറ്റാം..