മനം നിറക്കാൻ മധുമന്ത്രങ്ങൾ:mantras to fill the mind-18

നമ്മുടെ ഇന്നലെകളിൽ പലവിധത്തിലുള്ള അവഗണനകളും നേരിട്ടവരായിരിക്കും നമ്മിൽ പലരും.നമ്മൾ ഇന്നും മനസ്സിൽ മറക്കാതെ കൊണ്ട് നടക്കുന്നതിൽ പലതും നമ്മൾക്കുണ്ടായ അവഗണനയായിരിക്കും.

ജീവിതത്തിൽ നേട്ടങ്ങൾ സ്വന്തമാക്കിയവർ ആരായാലും അവരുടെ ജീവിതത്തിൽ അവർക്ക് വേണ്ടപ്പെട്ട പലകാര്യങ്ങളും വേണ്ട എന്ന് തീരുമാനിച്ചിട്ടുണ്ടാകാം.കുറച്ചു നാളത്തേക്ക് കുറച്ചു കാര്യങ്ങൾ അവഗണിക്കാൻ നമ്മൾ പഠിക്കേണ്ടിയിരിക്കുന്നു നാളെ നമ്മൾക്ക് അതൊക്കെ ഒരു ഉൾക്കരുത്ത് നൽകും.

നമ്മുടെ മനസ്സിൽ കാണുന്ന ലക്ഷ്യങ്ങൾക്കായി മാത്രം പരിശ്രമിക്കുക നമ്മുടെ ലക്ഷ്യങ്ങളെ തടസ്സപ്പെടുത്തുന്ന എല്ലാ കാര്യങ്ങളും നമ്മൾ  അവഗണിക്കുക.

ഇന്നിന്റെ സന്തോഷം വെടിഞ്ഞാലും നാളെ നമ്മുടെ ജീവിതങ്ങളിൽ സന്തോഷം ഉണ്ടാകണമെങ്കിൽ പല കാര്യങ്ങളും അവഗണിച്ചേ പറ്റൂ.

നമ്മൾക്ക് ഉപകാരമാകുന്ന കാര്യങ്ങളിൽ കൂടുതൽ ശ്രദ്ധ ചെലുത്തുക എത്രയൊക്കെ സന്തോഷം കിട്ടുമെന്നറിഞ്ഞാലും നമ്മളുടെ ഭാവിയിലെ സന്തോഷങ്ങളെ ഇല്ലാതെയാക്കുന്ന കാര്യങ്ങൾ ചെയ്യാതിരിക്കുക.

ആരും നമ്മളെ ഇപ്പോൾ അവഗണിച്ചോട്ടെ അതൊർത്ത്  നമ്മൾ ഇപ്പോൾ വിഷമിക്കണ്ട കാര്യം ഇല്ല കാലം കുറെ കഴിയുമ്പോൾ എല്ലാവർക്കും തിരിച്ചറിവാകും അന്നേരം എല്ലാവർക്കും കാര്യങ്ങൾ മനസ്സിലാകും അപ്പോൾ അവർക്ക് നമ്മളെ പരിഗണിക്കാൻ സാധിക്കും.

ജീവിതത്തിൽ പലപ്പോഴും ആർക്കും തന്നെ എല്ലാവരെയും ഒരുപോലെ പരിഗണിക്കാൻ കഴിഞ്ഞെന്ന് വരില്ല.