മനം നിറക്കാൻ മധുമന്ത്രങ്ങൾ:mantras to fill the mind-201

പരിശോധന നമ്മുടെ നിത്യജീവിതത്തിൽ നമുക്ക് ഒഴിവാക്കാൻ പറ്റാത്തതാണ്.

ഓരോ സ്ഥാപനത്തിന്റെയും വളർച്ചക്കും നിലനിൽപ്പിനും പരിശോധന ആവശ്യമാണ്.

സുരക്ഷിതമായി യാത്ര ചെയ്യുവാൻ നമ്മൾ ഒത്തിരി കാര്യങ്ങൾ ശ്രദ്ധിക്കേണ്ടതുണ്ട്,നമ്മൾ സ്വയം കൂറേ കാര്യങ്ങൾ പരിശോധിക്കേണ്ടതുണ്ട്.

നമ്മൾ ചെയ്ത തെറ്റുകൾ,വീണ്ടും വീണ്ടും ആവർത്തിക്കാതിരിക്കാൻ നമ്മൾ ശ്രദ്ധിക്കാറില്ലേ.നമ്മൾ തിരഞ്ഞെടുക്കുന്ന വഴികൾ ശരിയാവണം എങ്കിൽ ഒത്തിരി അധികം പരിശോധനകൾ നമ്മൾ സ്വയം നടത്തേണ്ടതുണ്ട്.നമ്മളുടെ ഭാവി ജീവിതം ശോഭനമാകാൻ നമ്മൾ അത്യാവശ്യം കുറച്ചു കാര്യങ്ങൾ എങ്കിലും പരിശോധിക്കേണ്ടതുണ്ട്.

നമ്മൾ നമ്മളെ തന്നെ പരിശോധിക്കുക,എന്തെല്ലാം മാറ്റങ്ങളാണ് സ്വയം വരുത്തേണ്ടത് എന്ന് ആലോചിക്കുക. മറ്റുള്ളവർ നമ്മളോട് കൂടെ കൂടെ പറയുന്ന കാര്യങ്ങൾ എന്തെങ്കിലും സ്വയം തിരുത്തേണ്ടതുണ്ടോ എന്ന് സ്വയം അവലോകനം ചെയ്യുക.

ഇന്നിന്റെ പോരായ്മകൾ നമ്മൾക്ക് നികത്താൻ സ്വയം പരിശോധിക്കാൻ തയ്യാറാകാം.നല്ലൊരു നാളെക്കായി ഇന്നിന്റെ പ്രവർത്തനങ്ങളെ വിശദമായി പരിശോധിക്കാം.എല്ലാവർക്കും സ്വയം പരിശോധനയിലൂടെ കുറവുകൾ നികത്തി നേട്ടങ്ങൾ സ്വന്തമാക്കാൻ സാധിക്കട്ടെ.