മനം നിറക്കാൻ മധുമന്ത്രങ്ങൾ:mantras to fill the mind-264

ഇന്ന് ഇപ്പോൾ എല്ലാവരും കുറെയൊക്കെ മുൻകരുതലുകൾ എടുക്കുവാൻ ആരംഭിച്ചിട്ടുണ്ട്,കാരണം ഇപ്പോഴെങ്കിലും മുൻകരുതലുകൾ എടുത്തില്ല എങ്കിൽ നാളെകളിൽ പലതും നമ്മൾക്ക് ഒരു പക്ഷെ നഷ്ടപ്പെട്ടേക്കാം.പല കാര്യങ്ങളും നമ്മളെ ബാധിക്കുന്നതല്ല എന്ന് വിചാരിച്ചു നമ്മിൽ പലരും മുൻകരുതലുകൾ എടുക്കാറില്ല.

നമ്മൾ വളരെ നിസ്സാരമായി കരുതുന്ന പലതും നാളെ നമ്മുടെ ജീവിതത്തിൽ സാരമായ മാറ്റങ്ങൾ ഉണ്ടാക്കിയേക്കാം.ഇന്നിപ്പോൾ സമയം വൈകിയിട്ടില്ല നമ്മളാൽ കഴിയുന്ന കാര്യങ്ങൾ ചെയ്യുക നാളെ നല്ലൊരു ജീവിതം ഉണ്ടാകുവാൻ ഇന്നേ കരുതുക അതിപ്പോൾ എന്ത് കാര്യത്തിൽ ആയാലും.

നമ്മുടെ ആവശ്യങ്ങൾ എന്തെല്ലാം എന്ന് അറിയുക അതിനുവേണ്ടി കരുതലോടെ പ്രവർത്തിക്കുക.ഇന്ന് ഇപ്പോൾ മുൻകരുതലുകൾ എടുക്കേണ്ടതില്ല എന്നെല്ലാം തോന്നിയേക്കാം, മുൻകരുതലുകൾ എടുക്കാത്തതിന്റെ അനുഭവങ്ങൾ ഉണ്ടാകുമ്പോൾ നാളെ ആ തോന്നൽ മാറിയേക്കാം.

എല്ലാവർക്കും ആവശ്യമായ മുൻകരുതലുകൾ എടുക്കുവാൻ സാധിക്കട്ടെ.