മനം നിറക്കാൻ മധുമന്ത്രങ്ങൾ:mantras to fill the mind-336

ഓരോ സമയവും നമ്മുടെ ജീവിതത്തിൽ വളരെയേറെ വിലപ്പെട്ടതാണ്‌.നമ്മുടെ ഓരോരുത്തരുടെയും സമയം എങ്ങനെയൊക്കെ ശരിയായ വിധത്തിൽ വിനിയോഗിക്കാം എന്നാണ് ഇനി നാം ഓരോരുത്തരും ശ്രദ്ധിക്കേണ്ടത്.

നമ്മുടെ ഓരോരുത്തരുടെയും സമയം വേണ്ട വിധത്തിൽ പ്രയോജനപ്പെടുത്തിയാൽ  നാളെ നമ്മൾക്ക് സന്തോഷത്തോടെ കഴിയാൻ സാധിക്കും.കഴിഞ്ഞകാല ജീവിതത്തിലുണ്ടായ അനുഭവങ്ങൾ ഓരോന്നും നമ്മൾ ഓരോരുത്തർക്കും വളരെ വലിയ തിരിച്ചറിവുകളാണ് നൽകിയിരിക്കുന്നത്.

ലോകം ഒരു നാൾ അവസാനിക്കും നമ്മളും ഒരു നാൾ അവസാനിക്കും അത് വരെ സന്തോഷത്തിലും മറ്റുള്ളവർക്ക് സന്തോഷം കൊടുത്തുകൊണ്ടും ജീവിക്കാൻ നമ്മുടെ വിലപ്പെട്ട സമയങ്ങളെ വേണ്ട വിധം പ്രയോജനപ്പെടുത്തേണ്ടിയിരിക്കുന്നു.

ഇന്ന് ഇപ്പോൾ മുതൽ നമ്മൾ എന്ത് ചിന്തിക്കുന്നു എന്നതിന് വളരെ അധികം പ്രാധാന്യം ഉണ്ട്. നമ്മൾ കണ്ട സ്വപ്നങ്ങൾ പൂർത്തികരിക്കണം എങ്കിൽ ഒത്തിരി അധികം കഷ്ടപ്പെടണം.

എല്ലാ മനുഷ്യർക്കും സുഖത്തിൽ ജീവിക്കാൻ ആണ് താൽപ്പര്യം,പക്ഷെ ഒന്നോർക്കുക നമ്മൾ എപ്പോഴെങ്കിലും സുഖത്തിൽ ജീവിക്കുന്നുവെങ്കിൽ അതിന്റെ ഒരു വശത്തു മറ്റാരുടെയോ കഷ്ടപ്പാടുകളുണ്ട്.

നമ്മളൊക്കെ സന്തോഷിക്കുന്നത് ജീവിതത്തിൽ ചെറിയതായാലും വിജയം നേടുമ്പോഴാണ്.നമ്മൾ വിചാരിച്ചാൽ ഇന്നത്തെ ദിവസം വേണ്ട വിധത്തിൽ പ്രയോജനപ്പെടുത്തുവാൻ കഴിയും.

നല്ല രീതിയിൽ സമയം ചിലവഴിച്ചാൽ ഒത്തിരി മാറ്റങ്ങൾക്കു കാരണമാകും.

ഇതുവരെ കഴിഞ്ഞ എല്ലാ കാര്യങ്ങളും നമ്മളെ സന്തോഷിപ്പിക്കാൻ കഴിഞ്ഞിട്ടില്ലായെങ്കിൽ ഇനിയുള്ള സമയം വേണ്ട വിധത്തിൽ പ്രയോജനപ്പെടുത്തികൊണ്ട് സന്തോഷിക്കാൻ എല്ലാവർക്കും കഴിയട്ടെ.