മനം നിറക്കാൻ മധുമന്ത്രങ്ങൾ:mantras to fill the mind-85

നമ്മൾ എത്രയൊക്കെ വിചാരിച്ചാലും പല കാര്യങ്ങളും മറക്കാൻ നമ്മൾക്ക് കഴിയാറില്ല.എന്നാൽ അത്യാവശ്യം മറക്കാതെയിരിക്കേണ്ട പല കാര്യങ്ങളും പെട്ടെന്ന് മറന്നു പോകുകയും ചെയ്യുന്നു.

ഓർമ്മയിൽ സൂക്ഷിക്കുന്ന കാര്യങ്ങൾ മറക്കാതെയിരിക്കണമെങ്കിൽ ഇടയ്ക്കു ഇടയ്ക്കു ഓർമ്മിക്കേണ്ടിയിരിക്കുന്നു.

പലപ്പോഴും നമ്മുടെ തിരക്കുകൾക്കിടയിൽ വേണ്ടപ്പെട്ട പല കാര്യങ്ങളും ഒരുപക്ഷെ മറന്നു പോയേക്കാം.

നമ്മളെ ഇന്നലെകളിൽ ആവശ്യസമയങ്ങളിൽ സഹായിച്ച ആരെയും നമ്മൾ ഒരിക്കലും എളുപ്പം മറക്കില്ലല്ലോ,നമ്മളെ സഹായിച്ചവരെ തിരിച്ചു സഹായിക്കാൻ നാളെ ഒരു സാഹചര്യം വന്നാൽ ഒരുപക്ഷെ നോക്കും നമ്മളിൽ പലരും.

നഷ്ടപ്പെടലുകൾ സംഭവിക്കുമ്പോൾ ഓരോ മനുഷ്യർക്കും അവരുടെ ഉള്ളിന്റെ ഉള്ളിൽ ഓരോ വേദനകളും ഉണ്ടാവാം.നാളെ നമ്മളുടെ ജീവിതത്തിൽ സന്തോഷം നിറയാൻ ഒരു പക്ഷെ ആ നഷ്ടപ്പെടലുകൾ കാരണം ആയേക്കാം.

തോൽവികളിൽ നിന്നും പാഠങ്ങൾ പഠിച്ചു മുന്നേറാൻ ധൈര്യം കാണിച്ചത് കൊണ്ട് മാത്രമാണ് ഇന്നിപ്പോൾ പലരും വിജയം കൈവരിച്ചത്.

ഓരോ നഷ്ടങ്ങളും നമ്മളെ ദുഃഖത്തിൽ ആഴ്ത്താൻ ഉള്ളതല്ല,കൂടുതൽ  പ്രവർത്തിക്കാനുള്ള ഊർജമായി മാറ്റാൻ കഴിയേണ്ടതുണ്ട്.

സന്തോഷവും ദുഃഖവും നമ്മുടെ കൈകളിലാണ് ഏതു തിരഞ്ഞെടുക്കണം എന്നത് നമ്മുടെ ഓരോരുത്തരുടെയും തീരുമാനമാണ്.

സന്തോഷത്തോടെ ജീവിക്കാൻ ,അതിനുവേണ്ടി കഷ്ടപ്പെടാൻ ,നല്ല ഓർമകളെ മാത്രം മനസ്സിൽ താലോലിക്കാൻ എല്ലാവർക്കും കഴിയട്ടെ.

നല്ലൊരു നാളെ എല്ലാവർക്കും ലഭിക്കാനായി നല്ല  പ്രവർത്തനങ്ങളുമായി മുന്നോട്ടു പോകുവാൻ നമ്മളോരോരുത്തർക്കും സാധിക്കട്ടെ.