motivation-11

നമ്മുടെയൊക്കെ ജീവിതത്തിൽ അറിഞ്ഞും അറിയാതെയും നഷ്ടങ്ങൾ ഒരുപാട് സംഭവിക്കുന്നുണ്ട്. നമ്മൾക്ക് ഉണ്ടായ നഷ്ടങ്ങൾ ഒരുപക്ഷെ എണ്ണിയാൽ തീരാത്ത അത്രയും ഉണ്ടായെന്നു വരാം.ഓരോ നഷ്ടവും സഹിക്കാൻ കഴിയുന്നതിനു അപ്പുറമുള്ള വേദനകൾ സമ്മാനിച്ചെന്നു വരാം. നമ്മൾ എത്ര ശ്രമിച്ചാലും ചില നഷ്ടങ്ങളെ തടയാൻ കഴിഞ്ഞെന്ന് വരില്ല.

നമ്മൾ ഈ ലോകത്തിൽ ആയിരിക്കുമ്പോൾ ഒരുപാട് നഷ്ടങ്ങളെ ഉൾകൊള്ളാൻ കഴിയേണ്ടതുണ്ട്. പ്രകൃതി നമ്മളെ പഠിപ്പിച്ചു തരുന്നത് നഷ്ടങ്ങളെ അതിജീവിച്ചുകൊണ്ട് മുന്നേറുവാനാണ്.

നമ്മൾക്ക് എത്ര പ്രായം ആയിക്കോട്ടെ ആ പ്രായത്തിലും ഈ ഭൂമിയിൽ എന്തെങ്കിലുമൊക്കെ ചെയ്യാൻ ഉണ്ടാവും.

നമ്മൾ ശ്രദ്ധ്യയോടെ പ്രവർത്തിച്ചില്ലെങ്കിൽ പല കാര്യങ്ങളിലും നമ്മൾക്ക് നഷ്ടപ്പെടലുകൾ ഉണ്ടായെന്നു വരാം.

നമ്മൾക്ക് വേണ്ടപ്പെട്ടത് നഷ്ടപ്പെടുന്നത് വളരെയേറെ ദുഃഖം നൽകുന്നതാണ്.

നഷ്ടങ്ങളെ ഉൾകൊള്ളാൻ കഴിയണം, കൂടുതൽ നേട്ടങ്ങൾ കൈവരിക്കാൻ പരിശ്രമിക്കണം.

തെറ്റുകൾ തിരുത്തിയാൽ മാത്രമാണ് നഷ്ടങ്ങളെ ഒഴിവാക്കാനും, നികത്താനും കഴിയുകയുള്ളു.

ഓരോ നഷ്ടവും നമ്മൾക്കൊക്കെ വലിയൊരു തിരിച്ചറിവുകളാണ് നൽകികൊണ്ടിരിക്കുന്നത്.

നമ്മൾ ഇപ്പോൾ ചിലവാക്കുന്ന ഓരോ സമയവും വേണ്ട രീതിയിൽ ഉപയോഗപ്പെടുത്താൻ സാധിക്കേണ്ടതുണ്ട്.

എത്ര നാളുകൾ കൊണ്ടു കഷ്ടപ്പെട്ട് നേടിയതാണെങ്കിൽ പോലും അതൊക്കെ നഷ്ടപ്പെടാൻ നിമിഷനേരം മാത്രം മതി.

തൊട്ടടുത്ത നിമിഷം നമ്മൾക്ക് എന്തു സംഭവിക്കുമെന്ന് ആർക്കും നമ്മളോട് പറഞ്ഞു തരാൻ കഴിയില്ല.

നമ്മൾ തിരഞ്ഞെടുക്കുന്ന വഴികൾ ശരിയല്ലെങ്കിൽ,ഒരുപക്ഷെ നമ്മൾക്ക് നഷ്ടങ്ങൾ സമ്മാനിച്ചേക്കാം.

നികത്താൻ കഴിയുന്ന നഷ്ടങ്ങളും, ഒരിക്കൽ പോലും നികത്താൻ കഴിയാത്ത നഷ്ടങ്ങളുമുണ്ടാകാം.

നമ്മുടെ ജീവിതത്തിൽ ഉണ്ടായിട്ടുള്ള നഷ്ടങ്ങളെ അതിജീവിക്കാൻ ആത്മാർത്ഥതയോടെ പ്രവർത്തിക്കാം.

ഓരോ നഷ്ടവും നമ്മളെ കൂടുതൽ നേട്ടത്തിലേക്ക് നയിക്കാൻ, പരിശ്രമിക്കാൻ കാരണമായി തീരട്ടെ.

പരിശ്രമിക്കാതിരുന്നാൽ നമ്മുടെ ജീവിതത്തിൽ തോൽവികൾ മാത്രമേ ഉണ്ടാവുള്ളു എന്നത് മറക്കാതിരിക്കുക.

കഴിഞ്ഞുപോയ കാലങ്ങൾ വേണ്ടത്ര രീതിയിൽ ഉപയോഗിച്ചില്ല എന്നോർത്തു ദുഖിച്ചിരിക്കാൻ ഇടവരാതെ ഇപ്പോഴുള്ള സമയത്തെ പൂർണ്ണമായി പ്രയോജനപ്പെടുത്താൻ ശ്രദ്ധിക്കുക.

മറ്റുള്ളവർക്ക് വേണ്ടി നല്ല കാര്യങ്ങൾ ചെയ്യുക. നമ്മുടെ നന്മ പ്രവർത്തികളായിരിക്കും നമ്മൾ ഈ ലോകത്തിൽ നിന്നു കടന്നുപോയാലും ഒരുപക്ഷെ മറ്റുള്ളവരുടെ മനസ്സിൽ നിലനിൽക്കുക.

ആരൊക്കെ നമ്മളെ വെറുത്താലും,ഒറ്റപ്പെടുത്തിയാലും, ദ്രോഹിച്ചാലും, വേദനിപ്പിച്ചാലും നമ്മൾ, നമ്മളെ തന്നെ സ്നേഹിക്കാൻ പഠിക്കുക.

ഈ ലോകത്തിൽ നമ്മൾക്ക് ചെയ്യാനുള്ള കാര്യങ്ങൾ, നമ്മൾക്ക് പകരം മറ്റൊരാൾക്കും ചെയ്യാൻ കഴിയില്ല എന്നത് മനസ്സിലാക്കേണ്ടതുണ്ട്.

നമ്മൾക്ക് സ്വയം വില നൽകികൊണ്ട് ജീവിതത്തിൽ നമ്മൾക്കുണ്ടായ നഷ്ടങ്ങളിൽ നിന്ന്, വേദന ഉളവാക്കിയ സംഭവങ്ങളിൽ നിന്നും ഉയിർത്തെഴുന്നേൽക്കാൻ നമ്മൾക്ക് ഇനിയുള്ള നാളുകളിൽ കഴിയേണ്ടതുണ്ട്.

നമ്മുടെ നല്ല കഴിവുകളെ വേണ്ടതുപോലെ വളർത്തികൊണ്ട് വരാൻ ശ്രദ്ധിക്കുക.എല്ലാവർക്കും നല്ലത് വരാൻ ആഗ്രഹിക്കുക, അതിനായി പ്രവർത്തിക്കുക, അതിലുടെ നഷ്ടങ്ങൾ ഒഴിവാക്കാനും,ഒരുപരിധി വരെയെങ്കിലും നഷ്ടങ്ങൾ നികത്താനും സാധിക്കട്ടെ.