motivation-13

നമ്മുടെയൊക്കെ മനസ്സിലേക്ക് കടന്നുവരുന്ന ചിന്തകളെ ശരിയായ വിധത്തിൽ നിയന്ത്രിക്കാൻ കഴിയേണ്ടതുണ്ട്. നമ്മുടെ ഇന്നലെകൾ നമ്മൾക്ക് പല വിധത്തിലുള്ള അനുഭവങ്ങൾ സമ്മാനിക്കാറുണ്ട്. സന്തോഷം ആയാലും, ദുഃഖം ആയാലും അതൊക്കെ ആ ഒരു നിമിഷത്തിലാണ് നമ്മളെ കൂടുതലായി സ്വാധിനിക്കുക.

ചെറുപ്പത്തിൽ ചെയ്യേണ്ട കാര്യങ്ങൾ ചെറുപ്പത്തിലും, പ്രായം ആകുമ്പോൾ ചെയ്യേണ്ട കാര്യങ്ങൾ പ്രായം ആകുമ്പോഴുമാണ് സാധാരണ ചെയ്യാൻ കഴിയുക.എന്നാൽ നല്ല ചിന്താശേഷിയുള്ളവർ വളരെ നേരത്തെ തന്നെ പല കാര്യങ്ങളും ചെയ്തുതുടങ്ങും, നമ്മൾക്കിടയിൽ വളരെ ചെറുപ്രായത്തിൽ തന്നെ ഡോക്ടറേറ്റ് കിട്ടിയവരും, ബിസിനസ്‌ തുടങ്ങിയവരൊക്കെയുമുണ്ട്, ഇതിനെല്ലാം അവരെ സഹായിച്ചത് അവരുടെ നല്ല ചിന്തകളാണ്, അതിലൂടെയുള്ള അവരുടെ പ്രവർത്തികളാണ് .

നമ്മുടെ ചുറ്റിലും നാം ഓരോരുത്തരും കാണുന്ന കാഴ്ചകൾ, കേൾക്കുന്ന കാര്യങ്ങൾ നമ്മളെയൊക്കെ വളരെയേറെ സ്വാധിനിച്ചേക്കാം. തെറ്റായ ചിന്തകൾ നമ്മളുടെ മനസ്സിനെ ഒരുപക്ഷെ അസ്വസ്ഥതപ്പെടുത്തിയേക്കാം.

നല്ല ചിന്തകളെ സ്വീകരിക്കാനും,മോശം ചിന്തകളെ ഒഴിവാക്കാനും നമ്മൾ ഓരോരുത്തർക്കും ഇനിയെങ്കിലും സാധിക്കേണ്ടതുണ്ട്.

നെഗറ്റീവ് ചിന്തകൾ നമ്മുടെ ഉന്മേഷത്തെ ഇല്ലാതാക്കിയേക്കാം. നമ്മൾ തളർന്നാൽ, നമ്മൾക്ക് തന്നെയാണ് നഷ്ടം ഉണ്ടാവുക.

നല്ല ചിന്തകളെ കൂട്ടുചേർക്കുക. തെറ്റായ ചിന്തകളെ ഒഴിവാക്കുക. നാളെകളെക്കുറിച്ചു നല്ല പ്രതീക്ഷകൾ ഉണ്ടാവുക, അതിനായി പ്രവർത്തിക്കുക. ഒരിക്കലും നെഗറ്റീവ് ചിന്തകൾക്ക് അടിപ്പെടാതെ പ്രവർത്തിച്ചുകൊണ്ടിരിക്കുക.

നമ്മുടെ ചുറ്റിലും എത്രയൊക്കെ നെഗറ്റീവ് ചിന്തകളുടെ സ്വാധിനം ഉണ്ടായാൽ പോലും അതിനെയെല്ലാം ഒഴിവാക്കികൊണ്ട് പോസിറ്റീവ് ചിന്തകൾ നേടിയെടുക്കാൻ ശ്രമിക്കേണ്ടതുണ്ട്.

നെഗറ്റീവ് ചിന്തകൾ വേണ്ടരീതിയിൽ ഒഴിവാക്കിയില്ലായെങ്കിൽ ഒരുപക്ഷെ നമ്മൾക്ക് വേണ്ട രീതിയിൽ മുന്നോട്ടു പോകുവാൻ സാധിച്ചെന്നു വരില്ല.

നമ്മുടെയൊക്കെ മാനസിക, ശാരീരിക ആരോഗ്യത്തെയൊക്കെ പലപ്പോഴും നമ്മുടെ ചിന്തകൾ വളരെയേറെ സ്വാധിനിക്കുന്നുണ്ട്.

നെഗറ്റീവ് ചിന്തകൾ അമിതമായാൽ ഒരുപക്ഷെ നമ്മുടെ കഴിവുകളെ മുരടിപ്പിച്ചേക്കാം, മുന്നോട്ടുള്ള യാത്രയെ തടസ്സപ്പെടുത്തിയേക്കാം, ആയതുകൊണ്ട് നെഗറ്റീവ് ചിന്തകളെ നമ്മുടെയൊക്കെ പരിശ്രമം കൊണ്ടു പൂർണ്ണമായും ഒഴിവാക്കാൻ സാധിക്കട്ടെ.

നെഗറ്റീവ് ചിന്തകളെ ഒഴിവാക്കാൻ നിരന്തരമായ ശ്രമം ആവശ്യമാണ്. പോസിറ്റീവ് ചിന്തകൾ മനസ്സിലേക്ക് കടന്നുവരാനുള്ള സാഹചര്യം സൃഷ്ടിക്കുക, അതിലുടെ നെഗറ്റീവ് ചിന്തകളെ ഒഴിവാക്കുക.

ഇന്നലെകളിൽ ഉണ്ടായ നഷ്ടങ്ങളിൽ നിരാശപ്പെടാതെ പോസിറ്റീവ് ചിന്തകളുമായി, തളരാത്ത മനസ്സുമായി മുന്നോട്ടു പോകുവാൻ എല്ലാവർക്കും സാധിക്കട്ടെ.