മനം നിറക്കാൻ മധുമന്ത്രങ്ങൾ:mantras to fill the mind-345

മറ്റൊരാളെ പറ്റിച്ചും മറ്റും നേടുന്നത് ഒന്നും അധികം കാലം നിലനിൽക്കില്ല.മനുഷ്യർ ചെയ്ത തെറ്റുകളുടെ ഫലം മനുഷ്യർ തന്നെ അനുഭവിക്കേണ്ടി വരും എന്ന് പ്രകൃതി നമ്മളെ പഠിപ്പിച്ചു തരുന്നു. 

നാളെ മറ്റൊരു ദുരന്തം നമ്മുടെ മുന്നിലേക്ക് വരാതിരിക്കണം എങ്കിൽ നമ്മൾ ഇപ്പോഴെങ്കിലും സാമർഥ്യത്തോടെ പ്രവർത്തിക്കാൻ പഠിക്കണം.

എത്രയൊക്കെ സാമർഥ്യം ഉണ്ട് എന്ന് പറഞ്ഞാൽ പോലും നമ്മളെ രക്ഷിക്കാൻ നമ്മളെ കൊണ്ട് എപ്പോഴും കഴിഞ്ഞെന്നു വരില്ല.മനുഷ്യർ ഇനിയെങ്കിലും മനുഷ്യത്വം മറക്കരുത്.നല്ല കാര്യങ്ങൾക്കുവേണ്ടി മാത്രം സാമർഥ്യം ഉപയോഗിക്കുക ഇല്ലെങ്കിൽ നാളെ ഒരു പക്ഷെ നമ്മൾക്ക് പലർക്കും എത്രയൊക്കെ സാമർഥ്യം ഉണ്ട് എന്ന് പറഞ്ഞാൽ പോലും മരണത്തിൽ നിന്നും രക്ഷപ്പെടാൻ സാധിച്ചെന്നു വരില്ല.

എല്ലാവരും മനുഷ്യരാണ് എല്ലാവർക്കും എല്ലാ കാര്യത്തിലും സാമർഥ്യം ഉണ്ടാകണം എന്നില്ലല്ലോ.എല്ലാവർക്കും സാമർഥ്യം ഉള്ളതുപോലെ പരിമിതികളും ഉണ്ട് എന്ന തിരിച്ചറിവ് ഉണ്ടാകട്ടെ.നമ്മളിൽ ഉള്ള കഴിവുകൾ സമർഥമായി സാമർഥ്യത്തോടെ ഉപയോഗിക്കാൻ കഴിയട്ടെ.