motivation-7

ഒറ്റപ്പെടലിന്റെ അനുഭവത്തിലൂടെ നമ്മളൊക്കെ പലപ്പോഴും കടന്നുപോകാറുണ്ട്. ജീവിതത്തിൽ ഒറ്റപ്പെടൽ ഉണ്ടാകുമ്പോൾ നമ്മളിൽ പലരും വളരെയേറെ സങ്കടത്തിലാകും, നിരാശയിൽ കഴിയും.

പല വിധ കാരണത്താൽ നമ്മളെ പലരും ഒറ്റപ്പെടുത്തിയേക്കാം. നല്ലൊരു ജോലി ഇല്ലാത്തത് ആകാം, പ്രായം കൂടുതൽ ആയതാകാം, സൗന്ദര്യം കുറവ് ആയതാകാം, കഴിവ് ഇല്ലാത്തത് ആകാം, സാമ്പത്തികം ഇല്ലാത്തതാകാം, രോഗം ഉണ്ടായത് കൊണ്ടാകാം അങ്ങനെ ഒത്തിരി കാരണം നമ്മുടെയൊക്കെ ജീവിതത്തിൽ കടന്നുവന്നേക്കാം.

ആരൊക്കെ നമ്മളെ ഒറ്റപ്പെടുത്തിയാലും നമ്മൾക്ക്, നമ്മളെ തന്നെ സ്നേഹിക്കാൻ കഴിയേണ്ടതുണ്ട്. മറ്റുള്ളവർ ഒരുപക്ഷെ നമ്മളെ അവർക്കുണ്ടായ തെറ്റിദ്ധാരണയുടെ പുറത്ത് ഒറ്റപ്പെടുത്തിയതാകാം.

ഒറ്റപ്പെടൽ അനുഭവപ്പെട്ടാലും അതിലൊന്നും തളർന്നിരിക്കാതെ വാശിയോടെ നമ്മുടെ ഉയർച്ചക്കായി പരിശ്രമിച്ചുകൊണ്ടിരിക്കുക.

ലോകത്ത് നമ്മൾക്കുള്ള വിലപ്പെട്ട സമയം നഷ്ടപ്പെടുത്തിയാൽ നമ്മൾക്ക് ഒന്നും തന്നെ തിരിച്ചുകിട്ടുകയില്ല.

നമ്മൾക്ക് എല്ലാം ഉണ്ടെങ്കിൽ ഒരുപക്ഷെ ആരും തന്നെ നമ്മളെ ഒറ്റപ്പെടുത്തിയെന്ന് വരില്ല. നമ്മളെകൊണ്ട് ഇനി യാതൊരു ഉപകാരവും ആർക്കും ഉണ്ടാവില്ല എന്നു തോന്നിയാൽ ഒറ്റപ്പെടുത്തൽ ഉണ്ടായേക്കാം.

ഭാവിയെപ്പറ്റി നമ്മൾക്ക് കരുതൽ ഉണ്ടാവണം. ഒറ്റപ്പെടലിൽ നിന്നും അകലാൻ മുൻകരുതൽ എടുക്കേണ്ടതുണ്ട്.

എത്രയോക്കെ ഒറ്റപ്പെട്ടാലും, ഒറ്റപ്പെടുത്തിയാലും നിരാശയിൽ കഴിയാതെ ഭാവിയെ സ്വപ്നം കണ്ടുകൊണ്ട് മുന്നേറാൻ നമ്മൾ ഓരോരുത്തർക്കും കഴിയട്ടെ.

ജീവിതത്തിൽ ഉണ്ടായ ഒറ്റപ്പെടൽ അനുഭവങ്ങളിൽ നിന്നും തിരിച്ചറിവുകൾ നേടാൻ സാധിക്കട്ടെ.