നേർവഴി സഞ്ചാരങ്ങൾ:Straight Path Journeys-14

ഓരോ മനുഷ്യരിലും വ്യത്യസ്തമായ കഴിവുകളാണുള്ളത്. നമ്മളിലെ നല്ല കഴിവുകളെ കണ്ടെത്തി വളർത്തി കൊണ്ടുവരേണ്ടത് മറ്റാരേക്കാളും നമ്മുടെ മാത്രം ആവശ്യമാണ്.

ഇന്നെലെകളിൽ നമ്മുടെ ഭാഗത്തുനിന്നും ഒത്തിരിയേറെ തെറ്റുകൾ സംഭവിച്ചിട്ടുണ്ടാവാം, അതെല്ലാം തിരുത്തികൊണ്ട് ശരികളെ പിന്തുടരാൻ നമ്മൾ ഓരോരുത്തരും ഉത്സാഹിക്കേണ്ടതുണ്ട്.

നമ്മളുടെ കഴിവുകളെ നമ്മൾ എത്രത്തോളം പ്രയോജനപ്പെടുത്തുന്നു എന്നതനുസരിച്ചിരിക്കും നമ്മൾക്കുണ്ടാവുന്ന ഓരോ നേട്ടങ്ങളും.

നമ്മൾക്കുള്ള കഴിവ് നമ്മൾക്ക് മാത്രമാണ് ശരിയായ വിധത്തിൽ ഉപയോഗിക്കാൻ കഴിയുള്ളു. നമ്മൾ നിരാശപ്പെട്ടിരുന്നാൽ ഒരിക്കലും നമ്മുടെ കഴിവുകളെ പൂർണ്ണമായ തോതിൽ ഉപയോഗപ്പെടുത്താൻ സാധിച്ചെന്നുവരില്ല.

പല വിധ കാരണത്താൽ നമ്മളിൽ പലർക്കും തളർച്ചകൾ ഉണ്ടായെന്നു വരാം, തളർച്ചക്കുള്ള കാരണങ്ങൾ കണ്ടെത്തി വേണ്ട വിധത്തിൽ പരിഹാരം കണ്ടെത്താൻ നമ്മൾ ഓരോരുത്തരും ശ്രമിക്കേണ്ടതുണ്ട്.

കഴിവുകളെ വേണ്ടത്ര രീതിയിൽ ഉപയോഗപ്പെടുത്താൻ ഒരുപക്ഷെ നമ്മളിൽ പലർക്കും നാളിതുവരെയായി കഴിഞ്ഞിട്ടുണ്ടാവില്ല, എങ്കിൽ പോലും കഴിഞ്ഞ കാലത്തെക്കുറിച്ച് ചിന്തിച്ചു നിരാശപ്പെട്ടിരിക്കാതെ നല്ല കഴിവുകളെ ശരിയായ വിധത്തിൽ ഉപയോഗപ്പെടുത്താൻ ശ്രമിക്കാം.

സാമ്പത്തികമായ അവസ്ഥ മോശമായതും, പ്രതികൂല സാഹചര്യങ്ങളുമെല്ലാം ഒരുപക്ഷെ കഴിവുകൾ പുറത്തെടുക്കുന്നതിനു തടസ്സമായേക്കാം.

പണം കൊടുത്താൽ കിട്ടുന്നതല്ലല്ലോ ഓരോ മനുഷ്യർക്കുമുള്ള കഴിവുകൾ.

ചെറുപ്പം മുതലേ നമ്മളിലുള്ള നല്ല കഴിവുകളെ കണ്ടെത്തി വളർത്തിയെടുക്കാൻ നമ്മുടെ ഭാഗത്തുനിന്നും പരിശ്രമം ആവശ്യമാണ്.

നമ്മുടെ ചുറ്റിലും നമ്മളെക്കാൾ കഴിവുള്ള മനുഷ്യരുണ്ടെന്നത് മറക്കാതിരിക്കുക.പലരുടെയും മോശപ്പെട്ട ചുറ്റുപാടുകളായിരിക്കാം ഒരുപക്ഷെ അവർക്കൊക്കെ വേണ്ടതുപോലെ കഴിവുകളെ ഉപയോഗപ്പെടുത്താൻ സാധിക്കാതെ പോയതിനുപിന്നിൽ.

നമ്മളിലെ നല്ല കഴിവുകളെ നഷ്ടപ്പെടുത്താതിരിക്കുക. മുന്നോട്ടു വളർച്ച നേടാൻ നമ്മളെ പ്രധാനമായും സഹായിക്കുക നമ്മൾക്കുള്ള കഴിവുകളാണെന്നത് തിരിച്ചറിയുക.

ആരൊക്കെ കളിയാക്കിയാലും, കുറ്റപ്പെടുത്തിയാലും തളരാതെ മുന്നേറാനുള്ള മനസ്സ് നമ്മൾ ഓരോരുത്തർക്കും ഉണ്ടാവേണ്ടതുണ്ട്.

നമ്മൾക്കുള്ള കഴിവിൽ അഹങ്കരിക്കാതിരിക്കാനും, മറ്റുള്ളവരുടെ നല്ല കഴിവുകളെ വേണ്ട രീതിയിൽ വളർത്തികൊണ്ടുവരാൻ ആവശ്യമായ പ്രോത്സാഹനം നൽകാനും ഇനിയുള്ള നാളുകളിൽ സാധിക്കട്ടെ.