നേർവഴി സഞ്ചാരങ്ങൾ:Straight Path Journeys-19

പല സാഹചര്യത്തിലും മറ്റുള്ളവർ നമ്മളെ അവഗണിച്ചെന്നു വരാം. മറ്റുള്ളവരെ ഒരുപക്ഷെ നമ്മൾ അവഗണിച്ചെന്ന് വരാം.

ഓരോ അവഗണനകൾക്കുപിന്നിലും എന്തെങ്കിലുമൊക്കെ കാരണങ്ങൾ കാണും. നമുക്ക് ആവശ്യമില്ലാത്തത് അവഗണിക്കേണ്ടത് മുന്നോട്ടുള്ള യാത്രക്ക് വളരെയേറെ ആവശ്യമാണ്.

അവഗണിക്കാൻ പാടില്ലാത്ത കാര്യങ്ങൾ അവഗണിച്ചാൽ ഒരുപക്ഷെ പിന്നീട് ദുഃഖിക്കേണ്ടി വന്നേക്കാം.

വേണ്ടപ്പെട്ടവരുടെ ഭാഗത്തുനിന്നുള്ള അവഗണന നമ്മളിൽ പലർക്കും വളരെയേറെ ബുദ്ധിമുട്ട് സൃഷ്ടിച്ചേക്കാം.

നമ്മൾ പറയുന്നത് അനുസരിക്കാൻ തയ്യാറാല്ലാത്തവരാണെങ്കിൽ അവരെ മുന്നോട്ടു ഒരു കാര്യം ഏൽപ്പിച്ചു നൽകുന്നതിൽ നിന്നും സ്വാഭാവികമായി ഒഴിവാക്കുമല്ലോ.

നമ്മൾക്കുണ്ടാകുന്ന ഓരോ അവഗണനകളെയും ശരിയായ വിധത്തിൽ നേരിടാൻ നമ്മൾ ഓരോരുത്തരും പഠിക്കേണ്ടതുണ്ട്.

നമ്മുടെ മുന്നോട്ടുള്ള യാത്രയിൽ പലരിൽ നിന്നും അവഗണനകൾ ഉണ്ടായെന്നുവരാം അതിലൊന്നും വിഷമിച്ചു, തളർന്നിരിക്കാതെ കൂടുതൽ കരുത്തോടെ മുന്നേറാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മളുടെ ഓരോ പ്രവർത്തികളും പുരോഗതിക്കു വേണ്ടിയാകട്ടെ. അവഗണനകളെ ശരിയായ വിധത്തിൽ ഉൾകൊള്ളാൻ നമ്മൾ ഓരോരുത്തർക്കും കഴിയട്ടെ.