നേർവഴി സഞ്ചാരങ്ങൾ:Straight Path Journeys-27

നമ്മൾ ഓരോരുത്തരും ഇന്നിവിടെ വരെ എത്തിയതിനു പിന്നിൽ ഒത്തിരി മനുഷ്യരുടെ സഹായങ്ങൾ ലഭിച്ചതുകൊണ്ടാണ്. ഏതൊരു മനുഷ്യനും മുന്നോട്ടു പോകുവാൻ പരസ്പരം സഹായങ്ങൾ ലഭിച്ചേ തിരുള്ളൂ.

നമ്മൾക്ക് സഹായം കിട്ടുന്നതുപോലെ തിരിച്ചും നമ്മളെകൊണ്ട് പറ്റുന്നതുപോലെ മറ്റുള്ളവരെ സഹായിക്കാൻ തയ്യാറാവേണ്ടതുണ്ട്.

ഓരോ സഹായങ്ങളും വളരെയേറെ വിലപ്പെട്ടതാണ്. ഓരോ മനുഷ്യരുടെയും ജീവിതത്തിൽ വളരെയേറെ മാറ്റങ്ങളാണ് ഓരോ സഹായം കിട്ടുന്നതിലൂടെ സംഭവിക്കുന്നത്.

സഹായത്തിനു അർഹതയുള്ളവരെ മാത്രം സഹായിക്കുക. ആപത്തുഘട്ടങ്ങളിൽ മറ്റുള്ളവരെ നമ്മളാൽ കഴിയുന്നവിധം സഹായിക്കുക.

നമ്മളെ പലപ്പോഴും സഹായിക്കുക ഒരുപക്ഷെ നമ്മൾക്ക് പരിചയം ഇല്ലാത്തവരായിരിക്കും.

നമ്മൾ ഓരോരുത്തർക്കും വലിയൊരു ഉത്തരവാദിത്തമുണ്ട്, ചുറ്റുമുള്ളവരെ കഴിവിനനുസരിച്ചു സഹായിക്കുവാൻ.

ഓരോ സഹായവും കിട്ടേണ്ട സമയത്തു കിട്ടിയെങ്കിൽ മാത്രമേ അതുകൊണ്ട് പ്രയോജനം ഉണ്ടാവുകയുള്ളൂ.

സഹായിക്കാൻ കഴിയുന്ന സാഹചര്യത്തിൽ മറ്റുള്ളവരെ സഹായിക്കുക.

മറ്റുള്ളവരെ സഹായിക്കുന്നതിനുമുൻപ് വ്യക്തമായി അന്വേഷിക്കുക ആ വ്യക്തിക്ക് സഹായം ആവശ്യമാണോയെന്ന്. ഇന്നിപ്പോൾ പല സഹായങ്ങളും കിട്ടേണ്ടവരിലേക്ക് കിട്ടാതെ പോകുന്ന സാഹചര്യം ഉണ്ടാവുന്നുണ്ട്.

മറ്റുള്ളവരെ കാണിക്കാൻ വേണ്ടിയാവരുത് നമ്മൾ ഓരോരുത്തരെയും സഹായിക്കേണ്ടത്.

സമൂഹത്തിന്റെ വളർച്ചക്ക് പരസ്പരം സഹായം കൂടിയേ തിരുള്ളൂ. മറ്റുള്ളവർ നമ്മളെ സഹായിച്ചാലും ഇല്ലെങ്കിലും നമ്മൾക്ക് പറ്റുന്നതുപോലെ മറ്റുള്ളവരെ സഹായിക്കാം.

നമ്മൾ ഓരോരുത്തർക്കും മറ്റുള്ളവരെ സഹായിക്കുന്നതിൽ പരിമിതികൾ ഒത്തിരി ഉണ്ടായേക്കാം. പരിമിതികളിൽ നിന്നുകൊണ്ട് സഹായിക്കാൻ പറ്റുന്നതുപോലെ സഹായിക്കാൻ മുന്നിട്ടിറങ്ങുക.

ചില സാഹചര്യത്തിലൊക്കെ സഹായിച്ചവരെ മറക്കുന്നവരും, സഹായിക്കേണ്ട സാഹചര്യത്തിൽ സഹായിക്കാനുള്ള കഴിവുണ്ടായിട്ടും തിരികെ സഹായിക്കാത്തവരും ഉണ്ടായേക്കാം.

ചിലരുടെയൊക്കെ ജീവിതത്തിൽ മറ്റുള്ളവരെ സഹായിച്ചത് വളരെയേറെ ദുഃഖത്തിനും, ബന്ധങ്ങൾ അകലുന്നതിനും ഒരുപക്ഷെ കാരണമായിട്ടുണ്ടാവാം.

മറ്റുള്ളവരെ നാം സഹായിക്കേണ്ടത് തിരികെ ഒന്നും പ്രതീക്ഷിച്ചുകൊണ്ടാവരുത്.

മറ്റുള്ളവരെ സഹായിക്കേണ്ടത് അവരുടെ ഉയർച്ചക്ക് വേണ്ടിയാവണം. ഒരിക്കലും മറ്റുള്ളവരെ താഴ്ചയിലേക്ക് കൊണ്ടുപോകാനായി സഹായിക്കാതിരിക്കാൻ വളരെയേറെ ശ്രദ്ധിക്കുക.